၁၂-ရာသီပုံစံ တားရောဟောနည်း

ကျွန်တော့်ကို မေးကြတယ်။ တားရော့ကို ဘယ်လို ဟောမလဲတဲ့။ သူတို့က တားရောကတော့ တော်တော်လေး သိနေပြီတဲ့။ ဒါပေမယ့် ဘယ်လို ဟောရမလဲတဲ့။ မဟောတတ်ဘူးတဲ့။ ကိုဟိန်းတင့်ဇော်ကော တားရော့ကို ဘယ်လို ဟောပါသလဲတဲ့။ မေးကြတဲ့ သူတွေအတွက် ကျွန်တော် ဒီပို့လေးကို တင်လိုက်တာပါ။ ဒါပေမယ့် ပြောချင်တာက တားရော့ကို ဒီလို ပုံသေ ဟောရမယ်လို့ မဆိုလိုပါဘူး။ ကြိုက်သလို ဟောလို့ ရပါတယ်။

တားရော့ ဟောနည်းတွေ အများကြီး ရှိပါတယ်။ ကြိုက်တဲ့နည်းကို ကိုယ်က အသုံးပြုလို့ ရပါတယ်။ ဆရာမျိုးစုံက နည်းစနစ်မျိုးစုံ ထားပေးခဲ့တာပဲ။ ကိုယ်ကြိုက်တာကို ကိုယ်လေးလေးနက်နက် အသုံးပြုဖို့ပါပဲ။ ဒီနည်းနဲ့ ဟောမှ မှန်မယ် အဲဒီလို မရှိပါဘူး။ လောကီပညာကို လေ့လာလိုက်စားသူများကို အကောင်းမွန်ဆုံး အကြံပြုချင်တာက လောကီပညာကို လွတ်လွတ်လတ်လတ် လိုက်စားပါ။ လွယ်လွယ်ကူကူ လိုက်စားပါ။

ကဲ... ၁၂-ရာသီခွင်နဲ့ တားရော့ကို ဟောချင်တယ် ဆိုရင်တော့ အရင်ဆုံ ကျွန်တော် လင်္ကာလေးတစ်ခု ပြောမယ်။ အဲဒါလေးကိုတော့ အလွတ်ရအောင် ကျက်ရမယ်။

လဂ် ၊ ဥုစ် ၊ မိတ် ၊ အိမ် ၊ သား ၊ ရန် ၊ ဇိမ် ။ ရော ၊ ငြိမ် ၊ ကံ ၊ လာဘ် ၊ ပူ

လွယ်ပါတယ်ဗျ။ ၁၀-ခေါက်လောက် ဆိုလိုက်ရင် ရပါပြီ။ အဲဒီ လင်္ကာလေးကို ရွတ်ဆိုပြီး တားရော့ကို မျှားပြထားတဲ့ အတိုင်း ၁၂-ချပ် ချလိုက်ပါ။ အောက်မှာ ကြည့်နော်။

ကဲ... တားရော့ ၁၂-ချပ် ချပြီးရင် ဘယ်တားရော့ ကဒ်ပြားကို ဘာအတွက် ဟောတယ်ဆိုတာကို ပြောပြမယ်နော်။

1. လဂ်= ဗေဒင်လာမေးသူ ကာယကံရှင်အတွက်။
2. ဥုစ်= ဥစ္စာ ပစ္စည်း။
3. မိတ်= မိတ်ဆွေ အပေါင်းအသင်း ညီအကို မောင်နှမ။
4. အိမ်= အိုးအိမ် အဆောက်အဦး နေရာထိုင်ခင်း။
5. သား= သားသမီး လက်အောက် ငယ်သား။
6. ရန်= ဘေးအန္တရယ် အနှောက်အယှက် ရန်သူ။
7. ဇိမ်= အိမ်ထောင်ရေး-အချစ်ရေး။
8. ရော= ရောဂါ ကျန်းမာရေး။
9. ငြိမ်း= ငြိမ်းအေးမှု့ ၊ တရားဓမ္မ ၊ ပညာရေး ၊ ဘာသာရေး။
10. ကံ= ဖခင်- အလုပ်အကိုင်။
11. လာဘ်= လာဘ်လာဘ ထီပေါက် ချဲပေါက်။
12. ပူ= ပူပင် သောကနှင့် ဖုံးကွယ်ထားသော အရာ။

ရပြီနော်။ လွယ်ပါတယ်။ အဲဒီတော့ ကိုယ် ဗေဒင်ဟောတဲ့ ခုံလေးပေါ်မှာ တားရော့ ၁၂-ချပ် ချလိုက်ပေါ့။ ပြီးရင် ကောင်းတဲ့ကဒ်ကျရင် ကောင်းတယ်ဟောလိုက်။ မကောင်းတဲ့ကဒ်ကျရင် မကောင်းဘူး ရဲရဲကြီး ဟောလိုက် ပေါ့ဗျာ။ သင်စဦး များအတွက် စေတနာကောင်းဖြင့် ဖော်ပြပေးလိုက်ပါသည်။ အထက်ပါ အကြောင်းအရာနှင့် ပါတ်သက်၍ တစ်စုံတစ်ရာ လိုအပ်မှု့ ရှိပါက ကျွန်တော်ထံ အီးမေးလ် ပို့၍ မေးနိုင်ပါကြောင်း.....