ဗေဒင်အချုတ်-မဟာဘုတ်တွက်နည်း

မဟာဘုတ်ဗေဒင်သည် မည်သည့်ခေတ်အခါက ပေါ်ပေါက်လာသည်ဟု သမိုင်းကအတိအကျ မဆိုထားသော် လည်း ပုဂံခေတ်က အသုံးပြုခဲ့သည်ဟု စဉ်းစားဖွယ်ရာ အချက်များကို တွေ့နေရသည်။ မဟာဘုတ်ဗေဒင်ပညာ သည် မြန်မာလူမျိုးတို့၏ ရိုးရာ အစဉ်အဆက် လက်ဆင့်ကမ်း ယူဆောင်လာသော ပညာစစ်စစ် ဖြစ်၏။ နောက် မြန်မာလူမျိုး အများစုနှင့် အတော် နီးစပ်သောပညာရပ် ဖြစ်၏။ ထိုမဟာဘုတ်ပညာသည် လွန်စွာ တွက်ချက်၍ လွယ်ကူသည်ဖြစ်ရာ တစ်ချို့ လူများသည် လွန်စွာ အထင်သေးလေ၏။ (၇)ခုစား ၊ (၈)ခုစား လေးပါကွာ။ လွယ်လွယ်လေးပါကွာ စသည်ဖြင့် အထင်အမြင် သေးလှ၏။

အမှန်အတိုင်း ၀န်ခံရပါမူ ကျွန်ုပ်ကိုယ်တိုင် အသက်(၁၀)နှစ်သား လောက်ကပင် မဟာဘုတ်ဗေဒင် တွက်နည်းကို ကျွန်ုပ်ဖခင်၏ ကျေးဇူးဖြင့် တတ်မြောက်နေ၏။ မြန်မာသက္ကရာဇ် ဘယ်နှစ်ခုနှစ်ဆိုတာနှင့် အကြွင်းက ဘယ်လောက် ၊ ဘာကြွင်း ၊ ဖွားဇာတာက ဘာဖွား စသည်ဖြင့် တတ်နေခဲ့၏။ ပုတိဖွားလား ၊ ဘင်္ဂ ဖွားလား၊ အထွန်းဖွားလားပင် တွက်တတ်နေခဲ့၏။ အမှန်မှာမူ မဟာဘုတ် ဗေဒင်တွက်နည်းကိုသာ တတ် မြောက်ခြင်းဖြစ်၍ မဟာဘုတ်ဗေဒင်ပညာကို တတ်မြောက်ခဲ့ခြင်း မဟုတ်ပါ။ အခု ခေတ်တွင်လည်း ကျွန်ုပ်ငယ်စဉ်ကလို မဟာဘုတ် တွက်နည်းကို လူတိုင်းနီးပါး တတ်မြောက်နေကြ၍ မဟာဘုတ်ဗေဒင် ပညာကိုကား လူတိုင်း နားမလည်နိုင်ကြပေ။

တစ်ချို့ နားမလည်သော သူများက ဗေဒင်ပညာကို စာကျက်သလို ကျက်မှတ်ကြ၏။ အမှန်အတိုင် ပြောရလျှင် ထိုစာကျက်သူများသည်လည်း မဟာဘုတ်ကို တတ်မြောက် မသွားရှာပေ။ ကျက်တာလောက်ကတော့ ကြက်တူရွေး တစ်ကောင်ကို သေသေချာချာ လေ့ကျင့်ပေးရင်တောင် အကျက်သမားများကဲ့သို့ "အောင်လံထူ စစ်သူကြီးပွဲတို့ ၊ ပုတိသဘော မကျော်ဇော နှမျောတွန့်တို ရှိတတ်စွာ လောက်ကတော့ ရွတ်တတ်မည် အ မှန်ပင်။ကဲ... ကျွန်တော်တို့ မဟာဘုတ်ဗေဒင်ပညာ တွက်နည်းလေး စကြရအောင်ပါ။ တော်တော် လွယ်ပါ တယ်။ ၁၀-မိနစ်လောက် လေ့လာရင် တွက်တတ်ပါပြီ။

မဟာဘုတ်ဗေဒင်ပညာမှာ မိမိ၏ မြန်မာ မွေးသက္ကရာဇ်ကို တည်ပြီး ၊ (၇)နှင့် စားရပါတယ်။ အကြွင်းကို ဘင်္ဂဆိုတဲ့ နေရာက စချရမယ်။ အဲဒီလို ချတဲ့အခါမှာ ဂြိုဟ်တစ်ခုနှင့် တစ်ခု လေးခုမြောက်ကွာသော စတုရန်းလင်္ကာနှင့် ချရပါတယ်။

အောင် ၊ လံ ၊ ထူ ၊ စစ် ၊ သူ ၊ ကြီး ၊ ပွဲ

ဒါက စတုရန်း လင်္ကာပါ။ ပါးစပ်ကတော့ အောင်လံထူ စစ်သူကြီးပွဲလို့ ရွတ်ပြီးချရမယ်။ လက်က ချတဲ့နေရာမှာ တော့ ဂဏန်းသင်္ချာနဲ့ ရေးပြီး ချသွားရမယ်။ အောင်ဆိုရင်(၁) ၊ လံဆိုရင်(၂) ၊ ထူဆိုရင်(၀ သို့ ၇) ၊ စစ်ဆိုရင် (၃) ၊ သူဆိုရင်(၆)၊ ကြီးဆိုရင်(၂) ၊ ပွဲဆိုရင်(၅)။ အဲဒီလိုရေးပြီး ချသွားရမယ်။ အဲဒီမှာ အထူးသတိထားရမှာက မိမိကြွင်းတဲ့ ဂဏန်းက စချရမယ်။ ၁ကြွင်းရင် ဘင်္ဂဆိုတဲ့နေရာမှာ ၁-ကိုချ။ ပြီးရင် လင်္ကာရွတ်ပြီး ဆက်ချပေါ့။ အဲဒီလိုပဲ (၂)ကြွင်းရင် ဘင်္ဂဆိုတဲ့နေရာမှာ ၂-ကိုရေး ။ ပြီးရင် ကြီးပွဲအောင်လံထူစစ်သူ ဆိုပြီး လင်္ကာ ဆက်ရွတ် ပြီး ချပေါ့နော်။

ကဲ... မဟာဘုတ်ရဲ ပုံစံလေးကို အရင်ကြည့်ရအောင်။

ဒါကတော့ မဟာဘုတ်ကို ချရမယ် အစဉ်လေးပါ။ အဲဒီပုံလေးထဲကအတိုင်း ချရမှာပါ။


ဘင်္ဂဆိုတဲ့ နေရာလေးမှာကိုယ်ရဲ့အကြွင်းကို ချရပါတယ်။ ပြီးရင် မျှားပြထားတဲ့အတိုင်း အောင်လံထူစစ်သူကြီးပွဲ ဆိုပြီး ဆက်ချပေတော့။ အောက်မှာ မဟာဘုတ် (၁)ကြွင်းကနေ (၇)ကြွင်းထိ ပုံလေးတွေနှင့် ပြထားပါတယ်။

ဒါက မဟာဘုတ်(၁)ကြွင်းပုံစံပါ။

လင်္ကာကတော့=အောင်;လံ;ထူ;စစ်;သူ;ကြီး;ပွဲ

ဒါကတော့ မဟာဘုတ်(၂)ကြွင်းပုံစံပါ။

လင်္ကာကတော့-ကြီး;ပွဲ;အောင်;လံ;ထူ;စစ်;သူ;

ဒါကတော့မဟာဘုတ်(၃)ကြွင်းပုံစံပါ။

လင်္ကာကတော့-စစ်;သူ;ကြီး;ပွဲ;အောင်;လံ;ထူ;

ဒါကတော့မဟာဘုတ်(၄)ကြွင်းပုံစံပါ။

လင်္ကာကတော့-လံ;ထူ;စစ်;သူ;ကြီး;ပွဲ;အောင်;

ဒါကတော့မဟာဘုတ်(၅)ကြွင်းပုံစံပါ။

လင်္ကာကတော့-ပွဲ;အောင်;လံ;ထူ;စစ်;သူ;ကြီး;

ဒါကတော့မဟာဘုတ်(၆)ကြွင်းပုံစံပါ။

လင်္ကာကတော့-သူ;ကြီး;ပွဲ;အောင်;လံ;ထူ;စစ်;

ဒါကတော့မဟာဘုတ်(၀ သို့ ၇ )ကြွင်းပုံစံပါ။

လင်္ကာကတော့-ထူ;စစ်;သူ;ကြီး;ပွဲ;အောင်;လံ;

ကဲ... ဒီလောက်ဆိုရင် မိမိရဲ့ မဟာဘုတ်ကို မိမိကိုယ်တိုင် တွက်ကြည့်လို့ ရလောက်ပါပြီဗျာ။ ကိုယ် ဘာဖွားလဲ သိချင်တယ်ဆိုရင်တော့ ကိုယ်ချထားတဲ့ မဟာဘုတ်မှာ ကိုယ်မွေးနံ ရှိတဲ့နေရာဟာ ကိုယ့်ရဲ့ ဖွားဇာတာပေါ့ဗျာ။ ဘင်္ဂ ဆိုတဲ့နေရာမှာ ကိုယ့်မွေးနံ ရှိတယ်ဆိုရင် ကိုယ်က ဘင်္ဂဖွားပေါ့။ ကိုယ်မွေးနံက အထွန်းမှာ ရှိနေတယ် ဆိုရင်တော့ ကိုယ်က အထွန်းဖွားပေါ့ဗျာ။ မခက်ပါဘူး။ ကျန်တာကိုတော့ ဆက်သာလေ့လာ လိုက်ပါတော့ ဗျာ။

စေတနာကောင်းဖြင့်
ဟိန်းတင့်ဇော်