မငွေခင်အားပေးသော (၇)-ရက်အခါပေး

ကျွန်ုပ်သည် မဟာချိုင်မြို့တွင်းရှိ လွန်စွာ ချောင်ကျလှသော ၀ပ်စလိဆိုသော အရပ်တွင် (၅)လခန့် နေထိုင်ခဲ့၏။ ထိုအရပ်ဒေသသည် လွန်စွာချောင်ကျ၍ လွန်စွာမှလည်း သွားရေးလာရေး ခက်ခဲလှသည် ဖြစ်ရာ ကျွန်ုပ်၏ အထံ သို့ ဗေဒင်လက္ခဏာ ကြည့်ရန် လာရောက်ကြသူများအတွက် အခက်အခဲ ဖြစ်ကြကုန်၏။ တစ်ခါဘူးမှလည်း မလာရောက်ဘူးကြသူများကို သွားရောက်ကြိုဆိုရသည် ဖြစ်ရာ ကျွန်ုပ်အတွက်လည်း လွန်စွာ ခက်ခဲလေ၏။ ထို့ ကြောင့် ကျွန်ုပ်သည် မြန်မာပြည်သားများ အများအပြားရှိ၍ သွားရေးလာရေး လွယ်ကူသော နေ၀စ်ဟူသော အရပ်သို့ ပြောင်းရွေ့ခဲ့ရလေ၏။

ကျွန်ုပ် ပြောင်းရွေ့ခဲ့သော နေ၀စ်ဟူသော ရပ်ကွက်ကလေးတွင် မြန်မာပြည်သားများ နေထိုင်ကြတာ များလေ၏။ ဘယ်နေရာကို ကြည့်ကြည့် မြန်မာပြည်သားများကို တွေ့မြင်နေရ၏။ အမျိုးသားများဆိုလျှင် ပုဆိုးတကားကားနှင့် အမျိုးသမီးများက ထမီများနှင့် မသိသူဆိုလျှင် မြန်မာပြည်အလားပင် ဖြစ်လေ၏။ ကွမ်းယာဆိုင်ရှိ၏။ လဘက်ရည်ဆိုင် ထိုင်၍ အပြင်းပြေ စိုင်ထီးဆိုင်သီချင်းကို နားထောင်၍ ရ၏။

မြန်မာပြည်သား အချင်းချင်း ရင်းနှီးခင်မင်စွာ စကားပြောလို့ရ၏။ ၀က်သားတုတ်ထိုးဆိုင်လည်း ရှိ၏။ ညနေဖက် အပြင်းပြေ ကစားတဲ့ ဘောလုံးကွင်း ၊ ဘော်လီဘောကွင်းနှင့် ခြင်းခတ်တဲ့နေရာပင် ရှိလေသောကြောင့် ကျွန်ုပ် နေထိုင်ရာ နေ၀စ်ဆိုသော အရပ်သည် ထိုင်းနိုင်ငံနှင့် လုံးဝမတူ ၊ မြန်မာပြည်သို့ ပြန်ရောက်သကဲ့သို့ပင် ဖြစ်လေတော့၏။

နောက်ညနေ(၃း၀၀)နာရီခန့်မှစ၍ ညဘက် (၉း၀၀)လောက်အထိ ဈေးလည်း ရှိလေ၏။ ထိုဈေးတွင် မြန်မာ ပစ္စည်း မျိုးစုံလည်း ရနိုင်လေ၏။ အကောင်းဆုံးမှာ မြန်မာ သီချင်းခွေများ အစုံလည်း ရလေ၏။ တွံတေးသိန်းတန် သီချင်းမှစ၍ ယနေ့ခေတ်ပေါ် ဟစ်ဟော့ သီချင်းအထိ ရနိုင်သောကြောင့် မဟာချိုင်မြို့ရှိ နေ၀စ်ဆိုသော ရပ်ကွက်လေးသည် မြန်မာပြည်သားများနှင့် စည်ကားလျှက် နေ့စဉ် ပျော်ရွှင်ဖွယ် ကောင်းလေတော့၏။ မြန်မာဗွီဒီယို ကားများကိုလည်း နေ့စဉ်နေ့တိုင်း ငှားကြည့်လို့ ရနိုင်လေ၏။

ကျွန်ုပ်သည် မဟာချိုင်နေ၀စ် ရပ်ကွက်ကလေးတွင် ပျော်ရွှင်စွာ နေထိုင်လာခဲ့ရာ (၅)လခန့် အကြာတွင် မငွေခင်ဆိုသော အမျိုးသမီးတစ်ဦးသည် ကျွန်ုပ်၏ ဗေဒင်လက္ခဏာ ဟောခန်းလေးအတွင်းသို့ ရောက်ရှိလာခဲ့ လေ၏။ ၎င်းမငွေခင်သည် အလုပ်ရုံတွင် အလုပ်မလုပ်။ မြန်မာပြည်သားများ ကြားတွင် ငွေတိုးပေးစားခြင်း၊ ၀န်ဆောင်ခယူ၍ အလုပ်ရှာဖွေပေးခြင်းနှင့် အိမ်တကာသို့ လှည့်လည်နေသောသူပင် ဖြစ်လေ၏။

သူနှင့်သာ ပေါင်းထားလျှင် ရပ်ကွက်ထဲရှိ သတင်းမျိုးစုံကို ရုပ်ရှင်ကြည့်နေသကဲ့သို့ မြင်ကြားရလေ၏။ သူသည် လွန်စွာစကား ပြောကောင်းသူ ဖြစ်သည့်အားလျှော်စွာ အတင်ပြောလည်း အလွန်ကောင်းသူ ဖြစ်လေ၏။ သူသည် ရပ်ကွက်ထဲမှ သတင်းမျိုးစုံ အတင်းမျိုးစုံကို တစ်နေကုန် ထိုင်၍ ပြောလျှင်ပင် ကုန်နိုင်လိမ့်မည် မထင်ပေ။

ရပ်ကွက်ထဲက နတ်ကတော် အကြောင်းလဲ သိရ၏။ မယားနှစ်ယောက်အကြား ဗျာများနေသော ဦးသူတော် ဆိုသော သူအကြောင်းကိုလည်း ခရေစေ့တွင်းကျ ပြောပြလေ၏။ လင်ကြီးရှိပါလျှက် လင်ငယ်နှင့် ချိန်းတွေ့ရာ လင်ကြီးရောက်လာပြီး ထိုးပွဲ ဖြစ်သွားသော ရန်ပွဲအကြောင်းလဲ သိရလေ၏။ ဘောလုံးကွင်းမှာ ရန်ဖြစ်တဲ့ အကြောင်း ။ အော် ပြောရရင်တော့ အစုံပါပဲ။ သူမနှင့် စကားပြောရလျှင် ကျွန်ုပ်ကိုယ်တိုင်ပင် ထမင်းမေ့ ဟင်းမေ့ ဖြစ်သွားလောက်အောင် အတင်ပြော လွန်စွာကောင်းသူ ဖြစ်လေ၏။

သူမသည် ကျွန်ုပ်ထံတွင် ဗေဒင်လက္ခဏာ ကြည့်သည့်နေ့မှစ၍ နောက်နေ့များတွင် ကျွန်ုပ်၏ အခန်းသို့ မရောက်သည့် နေ့ဟူ၍ မရှိပေ။ သူသည် နေ့တိုင်းလာ၏။ တနင်္ဂနွေနေ့တွင် အကြွေးသွားတောင်းမှ ဘာဆောင် သွားရမလဲဟု လာမေးလေ၏။ တနင်္လာနေ့ ရောက်ပြန်တော့ အလုပ်သမားတွေအတွက် အလုပ်ကိစ္စ သွားပြောမယ်။ လုပ်ပါဦးဟု လာမေးပြန်၏။ အင်္ဂါနေ့ကျပြန်တော့ ပိုက်ဆံကိစ္စ အကူအညီ သွားတောင်းပေးမလို့ အဆောင်ပေးပါဦးဟု ပြောပြန်၏။ တစ်ပါတ်တွင် (၇)ရက်ရှိရာ (၇)ရက်စလုံး လာလာ မေးလေသောကြောင့် ကျွန်ုပ်လည်း မငွေခင်အား အောက်ပါအတိုင်း (၇)ရက် ခရီးသွားအခါပေး စာရွက်လေးကို ပေးလိုက်လေ တော့၏။

နောက်ရက်များတွင်လည်း မငွေခင်သည် ရောက်လာပြန်သောကြောင့် ကျွန်ုပ်က " ဘယ့်နှယ် မငွေခင် ကျုပ် ခင်ဗျားကို (၇)ရက်စာ အခါ ရွေးတဲ့နည်း ပေးလိုက်ပြီပဲ။ ဒီနေ့ ဘာ ပြောပေးရဦးမှာလည်းဟု မေးလိုက်လေရာ မငွေခင်ဆိုသော အမျိုးသမီးက...

မဟုတ်ပါဘူး ဆရာရယ်။ ဒီနေ့က ဘာမှ မေးဖို့ လာတာ မဟုတ်ပါဘူး။ အတင် မပြောရ မနေနိုင်လို့ ဆရာရေ။ ရပ်ကွက်ထဲမှာလည်း ကျွန်မပြောတာကို ကောင်းကောင်း နားထောင်မယ့်လူ မရှိတော့ဘူးဆိုတော့ ဆရာ့ကို လာ ပြီး ရပ်ကွက်ထဲက သတင်းမျိုးစုံ လာပြောပြတာ ဆရာရေ... ဟိုကိစ္စ ဆရာ ကြားပြီးပြီလားဟု ဆိုကာ မငွေခင်ဆိုသော လွန်စွာ စကားပြောကောင်းသော မိန်းမကြီးသည် စတင်၍ အတင်း ပြောလေတော့သတည်။

အတင်းပြောကောင်းသောမငွေခင်အား ပေးသော
(၇)ရက်အခါပေး။

လင်္ကာလေးက ဒီလိုပါ။
အပ်တောင်း ကျောင်းအိပ် ၊ စိတ်လက်မီးကင်၊ လင်နေရိပ်ကြည့်၊ မှည့်ကား ထွက်ဝင် ။ သိလျှင် ၀စား၊ နကား ငြင်းခုန်၊

အပ်တောင်း။---။ တနင်္ဂနွေနေ့တွင် တစ်ခုခုကို သွားခါနီး တောင်းပြီးမှ သွားပါ။
ကျောင်းအိပ်။---။ တနင်္လာနေ့တွင် သွားခါနီး ခဏအိပ်ပြီးမှ သွားပါ။
စိတ်လက်မီးကင်။---။ အင်္ဂါနေ့မှာ ထွက်ခါနီး လက်ကို မီးကင်ပြီးမှ သွားပါ။
လင်နေရိပ်ကြည့်။---။ ဗုဒ္ဓဟူးနေ့မှာ နေရိပ်ကို ကြည့်ပြီးမှ သွားပါ။
မှည့်ကာဝင်ထွက်။---။ ကြာသပတေးနေ့မှာ တံခါးကို ၀င်ချဉ်ထွက်ချဉ် လုပ်ပြီးမှ အိမ်ကနေ ထွက်ပါ။
သီးလျှင်ဝစား။---။ သောကြာနေ့တွင် တစ်စုံတစ်ခုကို အ၀စားပြီးမှ အိမ်ကနေ ထွက်ပါ။
နကားငြင်းခုံ။---။ စနေနေ့မှာ အငြင်းအခုန် ပြုလုပ်ပြီးမှ အိမ်ကထွက်ပါ။

ကဲ... (၇)-ရက်သားသမီးများ မည်သူမဆို မိမိတို့၏ အလုပ်အကိုင် အကြံအစည် လုပ်ငန်းဆောင်တာများနှင့် ပါတ်သက်၍ အိမ်မှ ထွက်ခွါ ခရီးသွားလာကြလျှင် မိမိတို့ အမှု့ကိစ္စအားလုံး အခက်အခဲမရှိ ထိရောက် အောင်မြင်ခြင်း၊ ကြံစည်တိုင်း ပေါက်မြောက် ၊ လိုရာ ခရီးရောက်စေကြောင်း ဆုတောင်းပေးလိုက်ပါသည် ခင်ဗျား...။

သင်တို့၏အကျိုးကိုထာဝစဉ်လိုလားသော
စေတနာကောင်းဖြင့်
ဟိန်းတင့်ဇော်