မငွေခင်နှင့်အလုပ်ပျင်းသောလင်ယောင်္ကျား

တစ်နေ့သ၌ မငွေခင်ဟု ကျွန်ုပ်က နာမည်ပြောင်ပေးထားသော အမျိုးသမီးသည် ကျွန်ုပ်၏ ဗေဒင်လက္ခဏာ ဟောခန်းရှိရာသို့ ရောက်ရှိလာပြီးလျှင် ကျွန်ုပ်အား အလုပ်လွန်စွာပြင်းသော သူ၏ လင်ယောင်္ကျာအကြောင်းကို အောက်ပါအတိုင်း ကျွန်ုပ်အား မဲ့ကာရွဲ့ကာဖြင့် ပြောပြလေတော့၏။

ဘယ်လိုလင်ကို ရထားမှန်းကို မသိပါဘူးဆရာရယ်။ အားကိုးလေးများ ရမလားဆိုပြီး လင်ယူမိပါတယ်။ အားကိုးမရတဲ့အပြင် ကိုယ်ကတောင် ပြန်လုပ်ကျွေးနေရသေးတယ်။ ဘယ်လိုဖြစ်လို ဒီလင်တစ်ယောက်ဟာ အလုပ်လုပ်ဖို့ကိုများ ဒီလောက်တောင် ပျင်းနေရတယ် မဆိုနိုင်ပါဘူး။ အပြင်းပြိုင်ပွဲ ၀င်ပြိုင်မလားဆိုတာကို ပြိုင်ရမှာ ပျင်းလွန်းလို့ ၀င်မပြိုင်ဘူးလို့ပြောလို့ အပျင်းပြိုင်ပွဲမျာ ပထမရတဲ့ လူထက်တောင် ပိုပြင်းသေးတယ်။ တစ်နေ့တစ်နေ့ ဒီအလုပ်လုပ်ဖို့ပဲ ပြောနေရတာ။ ကြာတော့လဲ ပြောချင်စိတ်တောင် မရှိတော့ဘူး ဆရာရေဟု မဲ့ကာရွဲ့ကာဖြင့် ပြောပြလေတော့၏။

ဒီလိုရှိတယ် မငွေခင်ရဲ့။ အလုပ်ပြင်းတာဟာ ခင်ဗျားယောင်္ကျား တစ်ယောက်ထဲမဟုတ်ဘူးဗျ။ ကျန်တဲ့ အလုပ်လုပ်ရမှာ ပြင်းတဲ့ လူတော်တော်များများလဲ ကျွန်တော်တွေ့ဘူးပါတယ်။ အမှတ်တမဲ့ ဆိုရင်တော့ သူတို့တွေကို လူပျင်းတွေလို့ ထင်ရမှာပဲ။ ဒါပေမယ့် သူတို့တွေကို သေသေချာချာ လေ့လာကြည့်တဲ့အခါမှာ သူတို့ဟာ လူပျင်းတွေ မဟုတ်ဘူးဗျ။ အလုပ်ဆိုတဲ့ အရာပေါ်မှာ သဘောမပေါက်ကြတာ။ ခင်ဗျားက သဘောပေါက်အောင် သေသေချာချာ ပြောပြရင်တော့ ရပါတယ်ဗျာ။ ပြောပြကြည့်ပါဦးဗျာဟု ကျွန်ုပ်က ပြောလိုက်လျှင် မငွေခင်က...

ဟုတ်ပါ့မလား ဆရာရယ်။ အလုပ်ကို ဘယ်လိုများ သဘောပေါက်ရမှာလဲဆရာရယ်ဟု ပြန်ပြောလေ၏။

ဒီလိုရှိပါတယ် မငွေခင်ရယ်။ သဘာဝတရားကြီးက ဒီလောကကြီးမှာ ရှိတဲ့ ငှက်တွေအားလုံးအတွက် အစာတွေ ဖန်တီးပေးထားတာတော့ မှန်ပါတယ်။ ဒါပေမယ့် ဘယ်ငှက်အတွက်မှ အသိုက်ထဲကို အစာထည့်မပေးဘူး။ ငှက်ဖြစ်လာတာနဲ့ အစာရှာတဲ့အလုပ်ဟာတွဲပြီး ပါပြီးသားကွ။ မရှာရင်တော့ ငတ်ပေတော့ ။ မဟုတ်ဘူးလားဗျာ။

နောက်ပြီး အလုပ်လုပ်ခြင်းဆိုတဲ့ကိစ္စဟာ အရာသုံးခုကို ဖျက်စီးပစ်တယ်ဗျ။ အဲဒီအရာသုံးခုဟာ ဘာတွေလဲဆိုတော့ (တစ်) ပျင်းရိငြီးငွေ့ခြင်း။ (နှစ်) ဆင်းရဲမွေတေခြင်း။ (သုံး) ကမောက်ကမဖြစ်ခြင်း ဆိုတာတွေပဲ။ အလုပ်မလုပ်တဲ့ လူတွေမှာတော့ အဲဒီအရာတွေ အားလုံး ရောက်လာတော့တာပဲ။ နောက်ပြီး အလုပ်လုပ်ပြီဆိုတာနဲ့ ကံကောင်းပြီလို့သာ မှတ်ပေတော့။ နောက်ထပ် ကံကောင်းဖို့ ဆုတောင်းစရာ မလိုတော့ဘူး။ အလုပ်မလုပ်ဘူးဆိုရင်တော့ ကံကောင်းဖို့ ဆုတောင်းချင်တောင်းပေါ့ဗျာဟု ပြောလိုက်လျှင် မငွေခင်က ...

ဟုတ်တယ်နော်ဆရာဟု ပြန်ပြောလေ၏။

နောက်တစ်ခု ရှိသေးတယ်ဗျ။ အဲဒါက ဘာလဲဆိုတော့ တစ်ချို့က အလုပ်ကိုမလုပ်တတ်ဘူးလို့ ဆင်ခြေပေးကြတယ်ဗျ။ အလုပ်က သိပ်ပြီး ထူးဆန်းတာ။ လုပ်ဖို့ပဲ လိုတယ်။ မတတ်ရင် သူက သင်ပေးသွား တာ မငွေခင်ရဲ့။ နောက်ပြီး ရှိသေးတယ်။ အလုပ်လုပ်လို့ ပင်ပန်းတယ်ဆိုတာက မပြောပလောက်ပါဘူး။ အလုပ်ကို ငြီးငွေ့လို့ ပင်ပန်းတာက ပိုပြီးများပါတယ်ဗျာ။ လူဆိုတာကလည်း ကိုယ်လုပ်ချင်တဲ့ အလုပ်၊ ကိုယ်စိတ်ဝင်စားတဲ့ အလုပ်ကိုများ လုပ်နေရရင် မောတယ်၊ ပန်းတယ်လို့ကို မရှိဘူး မဟုတ်လားဗျာ။

ဒါလဲ ဟုတ်တာပဲဆရာ ဟု ပြန်ပြောလေ၏။

ပြီးတော့လဲ ရှိသေးတယ်ဗျ။ အလုပ်လုပ်ခြင်းဆိုတဲ့ ကိစ္စမှာ တစ်ခြားအစားထိုးစရာရယ်လို့ ဘာမှ မရှိဘူး။ အလုပ်လုပ်ခြင်းဟာ အလုပ်လုပ်ခြင်းပဲဗျ။ တကယ် အလုပ်လုပ်ချင်တဲ့ သူဟာ အလုပ်က ရလာမယ့်အကျိုးအမြတ်ကိုတောင် မစဉ်းစားဖူးဗျ။ လုပ်နေရတာကိုက အကျိုးတရားပဲလို့ ယူဆတယ်ဟု ကျွန်ုပ်က ပြောလိုက်လေလျှင် မငွေခင်က...

ဆရာပြောတာတွေ အကုန်လုံးက အမှန်တွေချဉ်းပါပဲ။ ဒါပေမယ့် ဆရာရေ။ ကျွန်မကတော့ ဆရာလို စကားပြောတာ မကျွမ်းဘူးလေ။ အဲဒိတော့ နောက်တစ်ခါကျမှ ဆရာဆီကို အိမ်က ငပျင်းကို ခေါ်လာခဲ့မယ်ဆရာရေ။ အဲဒီအခါကျမှ ဆရာ အလုပ်အဘိဓမ္မာတွေ ကျမကိုယ်စား ဟောပေးပေတော့။ အခုတော့ ကျွန်မယောင်္ကျားငပျင်းကို အလုပ်အမြန်လုပ်အောင် ယတြာပေးပါဆရာရယ်ဟု ပြန်ပြောလေတော့၏။

ဒါဆိုရင်တော့ ဒီလိုလုပ်ဗျာ။ ကျွန်တော် စမတော်တစ်ခု ခင်ဗျားကို ပေးလိုက်မယ်။ အဲဒီစမတော်ကို ဖယောင်းတိုင်မှာပတ်ဗျာ။ ပြီးတော့ ကြွေပုဂံကို အောက်မှာခံထားပြီး မီးထွန်းပြီး ခင်ဗျားယောင်္ကျား အလုပ်လုပ်ဖို့ ဆုတောင်းပေတော့ဗျို့။ အဲဒါဆိုရင် ရက်ပိုင်းအတွင်း ခင်ဗျား ယောင်္ကျား အလုပ်လုပ်လွန်းလို့ မနည်း တားယူနေရဦးမယ်ဟု ပြော၍ အောက်ပါ စမတော်ကို လက်ဆောင်ပေးလိုက်လေတော့သတည်း။

သင်တို့၏အကျိုးကိုထာဝစဉ်လိုလားသော
ဟိန်းတင့်ဇော်