ဘ၀အခြေခိုင်မြဲဖို့အတွက်- (ဖုံ)

ဘ၀အခြေ ခိုင်မြဲဖို့အတွက်က လောကီပညာမှာ “ တြိစတု ထိုင်ဖုံပြု ” လို့ ဆိုထားတယ်။ တနင်္ဂနွေသားရဲ့ တြိက အင်္ဂါကွာ။ တနင်္ဂနွေသားရဲ့ စတုက ဗုဒ္ဓဟူးကွာ။ အင်္ဂါနဲ့ ဗုဒ္ဓဟူး နှစ်နံပေါင်းလိုက်တော့ စောင်းလျားပေါ့ကွာ။ အဲဒီ တော့ ထိုင်ဖို့ ဖုံကလေးတစ်ခု ချုပ်ရမယ်။ တတ်နိုင်ရင်တော့ ပိုးဖဲကတ္တီပါနဲ့ ချုပ်ပေါ့ကွာ။ မတတ်နိုင်ရင်တော့ ဖျဉ် ကြမ်းနဲ့ပဲ ချုပ်ပေါ့။ ကုန်ကုန်ပြောမယ်ကွာ။ ဂုံနီအိပ်နဲ့တောင် ချုပ်ရင်တောင်ရတယ်။

အဲဒီဖုံထဲကို ဂွမ်းတို့ လဲမှိုတို့ မထည့်နဲ့ကွ။ စောင်းလျားရွက်တွေ အပြည့် ထည့်ပေတော့။ ပြီးတော့ အဲဒီအပေါ်မှာ မင်းထိုင်ရမယ်။ ဘုရားရှိခိုးတဲ့အခါ ပုတီးစိပ်တဲ့အခါ မင်းထိုင်ရမယ်။ စားပွဲတွေ ကုလားထိုင်တွေ ဘာတွေနဲ့ အလုပ်လုပ်တဲ့ လူဆိုရင်တော့ ကုလားထိုင်ပေါ်မှာ အဲဒီဖုံကလေးတင်ပြီး ထိုင်ပေါ့ကွာ။ ပြီးတော့ ကြွေပုဂံပြား တစ်ချပ်ပေါ်မှာ ဆေးအနက်နဲ့ “ ငါးထောင့်ကြယ်” ရေးရမယ်။ အဲဒီငါးထောင့်ကြယ်ရဲ့ အလယ်ခေါင်မှာ ဖန်ခွက် တစ်ခွက်ထားရမယ်။ အဲဒီဖန်ခွက်ထဲမှာ ရေထည့်ပြီး တနင်္ဂနွေသားဆိုရင် တနင်္ဂနွေရဲ့ ပဉ္စပွတ်ဖြစ်တဲ့ ပန်း၊ (ပဉ္စပွတ်ဆိုတာ တစ်ခြားဟာ မဟုတ်ဘူး။ ငါးခုမြောက် ပန်းကိုပြောတာ)

ဥပမာ တနင်္ဂနွေသားဆိုရင် သူ့ရဲ့ ငါးခုမြောက်ဟာ ကြာသပတေးဆိုတော့ မေမြို့ပန်းပေါ့ကွာ။ မေမြို့ပန်းငါးပွင့် ထည့်ရမယ်။ ကြယ်ရဲ့ ဒေါင့်ကလေး တွေမှာတော့ ဖယောင်းတိုင် တစ်တိုင်စီ ထွန်းရမယ်။ ပြီးတော့ ဘုရားကို တင်ပြီး “ အလုပ်အမြန်ဆုံး ရပါစေ- အလုပ် ခိုင်မြဲပါစေ- အလုပ်မှာ အကျိုးရှိပါစေ-အောင်မြင်မှု့ ရပါစေ - ခိုင်မြဲပါစေ ဆိုပြီး ဆုတောင်းရမယ်ဟု ပြောလေ၏။ အဲဒီလို လုပ်လိုက်ရင် (၄၉)-ရက်အတွင်း ပွင့်လန်း သွားမယ်။ တိုးတက်သွားမယ်။

ပုတီးစိပ်ချင်တယ်ဆိုရင်တော့

“ မ-သိ-ကြ-လျှင်-တွေး-ဆ-ဦး ” ဆိုတဲ့ လင်္ကာလေးကို မှတ်ထားပြီး စိပ်ရမယ်။

တနင်္ဂနွေသားသမီးဆိုရင်- “ အရဟံသိဒ္ဓိ - ဦး ” လို့ စိပ်ရမယ်။
တနင်္လာသားသမီးဆိုရင်- “ အရဟံသိဒ္ဓိ - ကြ ” လို့ စိပ်ရမယ်။
အင်္ဂါသားသမီးစိပ်ရင်-“ အရဟံသိဒ္ဓိ - ဆ ” လို့ စိပ်ရမယ်။
ဗုဒ္ဓဟူးသားသမီးစိပ်ရင်- “ အရဟံသိဒ္ဓိ - လျှင် ” လို့ စိပ်ရမယ်။
ကြာသပတေးသားသမီးစိပ်ရင်-“ အရဟံသိဒ္ဓိ - မ ” လို့ စိပ်ရမယ်။
သောကြာသားသမီးစိပ်ရင်-“ အရဟံသိဒ္ဓိ - သိ ” လို့ စိပ်ရမယ်။
စနေသားသမီးစိပ်ရင်-“ အရဟံသိဒ္ဓိ - တွေး ” လို့ စိပ်ရမယ်။

စိပ်ရမယ့်အပတ်က တစ်နေ့ကို ပုတီး (၉)ပတ် တိတိ စိပ်ရမယ်။

(၇)ရက်သားသမီးအားလုံးအတွက် ဖန်ခွက်ထဲထည့်ရမည့်ပန်းတွေကို ဖော်ပြပေးလိုက်ရပါသည်။

တနင်္ဂနွေသားသမီးများ- ဖန်ခွက်ထဲကို မေမြို့ပန်း (၅) ပွင့်။
တနင်္လာသားသမီးများ- ဖန်ခွက်ထဲကို သပြေ (၆) ညွန့်။
အင်္ဂါသားသမီးများ- ဖန်ခွက်ထဲကို နှင်းဆီ (၇) ပွင့်။
ဗုဒ္ဓဟူးသားသမီးများ- ဖန်ခွက်ထဲကို အုန်းညွန် (၁) ညွန့်။
ကြာသပတေးသားသမီးများ- ဖန်ခွက်ထဲကို ကံ့ကော် (၂) ညွန့်။
သောကြာသမီးများ- ဖန်ခွက်ထဲကို ဇော်စိမ်း (၃)ညွန့်။
စနေသားသမီးများ- ဖန်ခွက်ထဲကိုရွက်လှ (၄) ညွန့်။

(၇)ရက်သားသမီးအားလုံးအတွက် ဖုံ(အခင်း)ထဲမှာ ထည့်ရမယ့် အရွက်တွေကိုတော့ အောက်မှာ အဆင်သင့် ဖော်ပြပေးလိုက်ပါတယ်။

တနင်္ဂနွေသားသမီးအတွက် ဖုံထဲမှာ- စောင်းလျားရွက်ထည့်။
တနင်္လာသားသမီးအတွက် ဖုံထဲမှာ- လက်ပံရွက်ထည့်။
အင်္ဂါသားသမီးအတွက် ဖုံထဲမှာ- သပြေရွက်ထည့်။
ဗုဒ္ဓဟူးသားသမီးအတွက် ဖုံထဲမှာ- သနပ်ရွက်ထည့်။
ကြာသပတေးသားသမီးအတွက် ဖုံထဲမှာ- အုန္နဲရွက်ထည့်။
သောကြာသားသမီးအတွက် ဖုံထဲမှာ- အင်ကြင်းရွက်ထည့်။
စနေသားသမီးအတွက် ဖုံထဲမှာ- ကြက်ဆူရွက်ထည့်။

သင်တို့၏အကျိုးကိုထာဝစဉ်လိုလားသော
ဟိန်းတင့်ဇော်
heintinzaw8@gmail.com