အဘမင်းသိင်္ခ၏ အကြားအမြင်ရသော ပုတီးစိပ်နည်း

တစ်နေ့သ၌ ကျွန်ုပ်ထံသို့ ကျွန်ုပ်၏တပည့် ဗေဒင်ဆရာ ဖြိုးဟန်ကျော်ဆိုသူ ရောက်လာ၏။ ၎င်းဖြိုးဟန်ကျော်သည် ရွှေတိဂုံဘုရား မြောက်ဘက်မုဒ်တွင် ဗေဒင်ဟောသူ ဖြစ်၏။ ဥပုဒ်နေ့တိုင်း ဆိုင်ပိတ်၏။ ကျွန်ုပ်သည် ၎င်းကို မြင်လိုက်သည်နှင့် ယနေ့ ဥပုဒ်နေ့ပါလားဟု သတိရ၏။ ဖြိုးဟန်ကျော်သည် ကျွန်ုပ်အတွက် ဒိန်ချဉ်နှစ်ခွက် ၀ယ်လာ ၏။ ကျွန်ုပ်သည် ဒိန်ချဉ်ကို လွန်စွာကြိုက်သောကြောင့် ချက်ချင်းပင် သောက်လိုက်လေ၏။ ကျွန်ုပ်က ဒိန်ချဉ် သောက်ပြီးသောအခါ၌ ဖြိုးဟန်ကျော်က...

ဆရာကြီးကို ကျွန်တော် တစ်ခုမေးမယ်။ ပုတီးများများ စိပ်လာရင် သူတစ်ပါးရဲ့ စိတ်အကြံကို သိတယ်ဆိုတာ ဟုတ် သလားဟု မေးလေ၏။ ထို့ကြောင့် ကျွန်ုပ်က သူတပါးရဲ့ အကြံကို သိတာတို့ အကြားအမြင်ရတာတို့ ဆိုတာက ပုတီး စိပ်ရုံနဲ့ မရဘူးကွ။ သီးသန့် လေ့ကျင့်ယူရတယ်။ လေ့ကျင့်တဲ့ နည်းတွေလည်း အများကြီး ရှိတာပေါ့ကွာ။ အဲဒီထဲ ... ငါ့ရဲ့အကြိုက်ဆုံး နည်းတစ်ခုပြောပြမယ်ဟု ပြောလိုက်လျှင် ဖြိုးဟန်ကျော်က အဲဒီနည်း ကို သိချင်ပါတယ် ဆရာကြီး ပြောသာပြပါဟု ပြောလေ၏။

ဒီလို ဖြိုးဟန်ကျော်ရဲ့။ မျက်စိဆိုတာ ဦးနှောက်ကလာတဲ့ အာရုံကြောနဲ့ ဆက်နေတာကွ။ ဦးနှောက်က အာရုံ ကြောနှစ်စုံဟာ မျက်လုံးနဲ့ ဆက်ထားတယ်ပေါ့ကွာ။ ဒါပေမယ့် အဲဒီ အာရုံကြောဟာ အကြောနဲ့ မတုဘူး။ ဦးနှောက်ကနေ အတက်ကလေးနှစ်ခု ထွက်နေသလိုပဲ။ ပြီးတော့ အကြောလို ပျော့ပျော့ပြောင်းပြောင်းလဲ မဟုတ်ဘူး။ ဖိုင်ဘာလို မာနေတာကွ။ သူက မျက်စိနောက်က နေရာတစ်စုံနဲ့ လာပြီး ဆက်ထားတယ်။

အဲဒီနေရာကို အင်္ဂလိပ်လို ရက်တီနာ (RETNIA ) လို့ ခေါ်တယ်။ အဲဒီ ရက်တီနာဟာ ဘာနဲ့ တူလဲဆိုတော့ တယ် လီဗေးရှင်း စကရင်နဲ့ သိပ်ပြီး တူတာကွ။ အဲဒီတော့ ဦးနှောက်က ထွက်လာတဲ့ အာရုံကြောနှစ်ခုဟာ တယ်လီဗီး ရှင်းမှာ အသုံးပြုတဲ့ အင်တီနာ (ANTENNA) နဲ့ သိပ်ပြီးတူနေတာပေါ့ကွာ။ အဲဒီတော့ကွာ မျက်လုံး ရှေ့တူရူမှာ ရှိတဲ့ အရာကို မျက်လုံးကနေတဆင့် မျက်လုံးနောက်က စကရင်ဖြစ်တဲ့ ရက်တီနာကို ပို့တယ်ကွာ။ အဲဒီ ရက်တီနာ ကနေတဆင့် အင်တီနာနဲ့ တူတဲ့ အကြောမာမာကလေး နှစ်ခုကနေ ဦးနှောက်ကို ပို့တယ်။ အဲဒီမှာ မြင်တယ် ဆိုတဲ့အကြောင်း ဖြစ်လာတော့တာပဲ။ မင်းပိုပြီး သဘောပေါက်လာအောင် ငါ့ဆီမှာရှိတဲ့ ပုံလေးတစ်ပုံကို ပြမယ်ဟုဆိုကာ ကျွနိုပ်သည် ထိုအကြောင်းကို ရှင်းလင်းထားသော ပုံလေးတစ်ပုံကို ဖြိုးဟန်ကျော်ကို ပြလိုက်လေ၏။



ဖြိုးဟန်ကျော်သည် ထိုပုံကို ကြည့်ပြီးနောက် တော်တော် သဘာဝ ကျတာပဲဟု ပြောလေ၏။ အဲဒီတော့ မင်းနာ လည်ရမှာက မျက်လုံးရဲ့ တူရူရှေ့မှာရှိတဲ့ လူပဲ ဖြစ်ဖြစ် အရာဝတ္ထုကိုပဲ ဖြစ်ဖြစ် လူက မြင်တယ်။ မျက်လုံးက ဘာနဲ့ တူသလဲဆိုတော့ မှန်ဘီလူးနဲ့ တူတယ်။ အဲဒီ မှန်ဘီလူးကနေတဆင့် ရက်တီနာကို ပို့တာ။ ရက်တီနာကနေ အနောက်က ဖိုင်ဘာနဲ့ လုပ်ထားတဲ့ အင်တီနာကနေ အမြင်အာရုံကြောကနေ တစ်ဆင့် ဦးနှောက်ကို ဆက်ပြီး ပို့လိုက်တာ။

အဲဒီအခါကျမှ ဦးနှောက်က မြင်တယ်လို့ ဖြစ်တော့တာပဲဟေ့။ ဒါပေမယ့် တစ်ခု ထူးဆန်းတာက မျက်လုံးရှေ့ တည့်တည့်မှာ ဘာမှမရှိပဲ စိတ်ကူးတာကို ဦးနှောက်မှာ ထင်မြင်လာတာကတော့ မိမိတွေးမိတဲ့ အတွေးတစ်ခု ဟာ ရက်တီနာပေါ်မှာ လာပြီး ထင်တယ်ကွ။ ဘယ်ပုံ ဘယ်နည်း ထင်သလဲဆိုတော့ တွေးလိုက်တဲ့ အတွေးပုံစံ အင်္ဂလိပ်လို သော့ဖောင့်စ် ( THROUGH FORMS ) ဒါမှမဟုတ်ရင် မင်တယ်ပစ်ချာ့စ် (MENTAL PICTURE) တွေဟာ ရက်တီနာပေါ်မှာ လျှပ်စစ်ဓါတ်အားတွေ ကြွပြီး ပေါ်လာတယ် အဲဒီလျှပ်စစ်ဓါတ်တွေ ဟာ အပူငွေ့အဖြစ်နဲ့ ပေါ်လာတယ် အဲဒီပုံတွေဟာ လှိုင်းအဖြစ်နဲ့ ပုံသဏ္ဍာန်တွေ ဖော်ပြပြီး ဦးနှောက် ဆက်ပို့ လိုက်တယ်။ ဦးနှောက်မှာ ဗစ်ရှုရာ ( VISUAL CENTRE )လို့ ခေါ်တဲ့ ရုပ်ပုံဖမ်းတဲ့ နေရာလေး တစ်နေရာရှိ တယ်။

ဒီက လွှတ်လိုက်တဲ့ ရုပ်ပုံကို ဟိုက ဖမ်းယူတယ်ပေါ့ကွာ။ စိတ်ကူးတွေ အိပ်မက်တွေဟာလည်း ဒီနည်းနဲ့ ဦးနှောက် ရုပ်ဖမ်းဌာနမှာ တင်ပြတာကွ။ အဲဒီတော့ အရုပ်ကိုပဲ အာရုံပြုပြု အသံကိုပဲ အာရုံပြုပြု သဘောက အတူတူပဲ။ လူရဲ့ မျက်လုံးနဲ့ ဦးနှောက်ဟာ အခုမြင်တွေ့ရတဲ့ တယ်လီးဗီးရှင်းနဲ့ သိပ်ပြီးတူတာပဲ။ အသံကို အာရုံပြုရင် အသံကြားရတယ်။ ရုပ်ကို အာရုံပြုရင် အရုပ်မြင်ရတယ်။

အဲဒီမှာ သူတစ်ပါးရဲ့ စိတ်အကြံကို ကိုယ်က သိချင်တာ တို့ သူတစ်ပါး ပြောနေတာကို အဝေးက ကြားချင်တာတို့ ၊ အဝေးရောက်နေတဲ့ လူတစ်ယောက်ကို ဘာဖြစ်နေသ လဲ ဆိုတာကို မြင်ချင်တာတို့ဟာ မျက်လုံးရဲ့ ရှေ့ပိုင်းကို မသုံးတော့ပဲ ရက်တီနာနဲ့ ဦးနှောက်ကို လေ့ကျင့်ယူရ တာ ဖြစ်မယ်ကွ။ ဒါကြောင့်မို့လို့ အကြားအမြင်ကို အနောက်တိုင်းက ပညာရှင်တစ်ဦးက ဆိုက်ကစ်တယ်လီဗျူး ၀ါး (PHYCHIC TELE-VIEWER) လို့တောင် သုံးသေးတယ်ကွ။ ဆိုက်ကစ်ဆိုတာ စိတ်နဲ့ ဆိုင်တာ။ တယ်လီ ဆိုတာ အဝေးနဲ့ ဆိုင်တာ။ ဗျူးဝါးဆိုတာမြင်တွေ့တာ။ အဝေးမှာ ရှိတဲ့ အရာကို စိတ်နဲ့ မြင်တွေ့နိုင်တဲ့ အတတ် ပေါ့ကွာဟု ကျွန်ုပ်က ပြောလိုက်လျှင် ဖြိုးဟန်ကျော်က...

ဒီအထိတော့ နားလည်ပြီ ဆရာကြီး။ နောက်ပြောမှာတွေကိုတော့ ဖြည်းဖြည်းပြောပါ ဆရာကြီး။ နားရှုပ်ကုန်မှာ ကြောက်လို့ပါဟု ပြောလေတော့၏။

ပထမအဆင့်ကတော့ မျက်စိကို စုံမှိတ်လိုက်ရမှာ။ ပြီးတော့ မျက်စိထဲမှာ ဘညပေါ်လာသလဲ ဆိုတာကို အာရုံစိုက်ပြီး ကြည့်ရမှာ။ အဲဒီမှာ ဘာမှ မမြင်ရဘူးဆိုရင် မျက်စိကို တင်းတင်းကြပ်ကြပ် မှိတ်နိုင်သမျှ ထပ်ပြီး တော့ မှိတ်ရမယ်။ ကလေးတွေဟာ ကောင်းကင်ကို မော့ပြီး တိမ်တွေကို အရုပ်ဖော်သလို မျက်စိကို မှိတ်ထား ၇င်းကနေ ပုံဖော်ကြည့်ရမယ်။ အဲဒီလို ပုံဖော်ကြည့်ပြီးတော့ ပေါ်လာတဲ့ပုံကို ပါးစပ်က ရွတ်ဆိုရမယ်။ ဥပမာ ကျား နဲ့ ခပ်ဆင်ဆင် တူတာကို ကျားကျားလို့ ပုံဖော်ရမယ်။ မျောက်နဲ့ ခပ်ဆင်ဆင် တူတာကိုလည်း မျောက်.... မျောက် လို့ အော်ပြီး ပုံဖော်ရမယ်။ စောစောက မပီမသ ပေါ်နေတဲ့ ကျားရုပ်ဟာလဲ ပီပီသသ ကျားရုပ်ပေါ်မယ်။ စောစော က မပီမသ မျောက်ပုံပေါ်နေတဲ့ ရုပ်ဟာ မျောက်ရုပ် ပီပီသသ ပေါ်လာမယ်။ အဲဒါ ဟာ လေ့ကျင့်ခန်း တစ်ခုပဲဟေ့။

လေ့ကျင့်ခန်းနှစ်ကို ပြောပြမယ် ။ အဲဒီလို လုပ်လိုက်တဲ့ အခါမှာ ကိုယ်ဖော်တဲ့ ကျားရုပ်ပေါ်ပြီးရင် မျက်စိထဲမှာ ရပ်မနေဘူး။ အရုပ်တွေ အမျိုးမျိုး အဖုံဖုံ ပေါ်လာတတ်တယ်။ အဲဒီအခါမှာ တစ်ကိုယ်လုံးမှာ ရှိတဲ့ အကြောတွေ လျှော့ပစ်ရမယ်။ အဲဒီအချိန်မှာ အိပ်ပျော်သွားလိမ့်မယ်။ ဒါပေမယ့် အချိန်မကြာပဲ နိုးလာလိမ့်မယ်။ နိုးလာတဲ့ အခါမှာ ရှစ်နာရီကြာအိပ်ရေးဝအောင် အိပ်ထားတဲ့ လူလို လန်းဆန်းနေရမယ်။ ဒီလို နိုးလာတဲ့အခါမှာ အများသူ ငါပြောတဲ့ တတိယမျက်လုံး ဒါမှမဟုတ် စိတ်မျက်လုံးကို အသုံးပြုရတော့မယ်။

ဥပမာ မောင်ဖြူကို မောင့်ဖြူစိတ်ကို သိချင်ရင် မောင်ဖြူစိတ်ကို သိချင်လိုက်တာလို့ အာရုံပြုထားရမယ်။ အာရုံပြုတဲ့ အခါမှာလဲ မောင်ဖြူကို တွေ့လေ့တွေ့ထရှိတဲ့ နေရာလေးမှာ တွေ့တယ်လို့ စိတ်ထဲမှာ ထင်မြင် အောင် အာရုံပြုရမယ်။ ဥပမာအားဖြင့် သူ့အိမ်မှာ ရှိတဲ့ ခုံမှာ ထိုင်နေပုံ ၊ သူ့ရုံးက စားပွဲမှာ ထိုင်နေပုံ ၊ ခြံရှေ့မှာ ထိုင်နေပုံပေါ့။ မောင်ဖြူဟာ စာအုပ်တစ်အုပ်ကို ကိုင်လေ့ရှိတယ် ဆိုရင်လည်း ဈတ်ထဲမှာ စာအုပ်လေးတစ်အုပ် ကိုင်ထားတတ်တာကို အာရုံပြုထား။ အဲဒီလို အာရုံပြုရင် မင်းက မင်းစိတ်ထဲမှာ ရှိတဲ့ အာရုံကြောတွေကို ဒုတိယအကြိမ် ထပ်ပြီး လျှော့ထားရမယ်။

အဲဒီမှာ အာရုံပြုလို့ မထင်ဘူးဆိုရင်တော့ မောင်ဖြူရိုက်ထားတဲ့ ဓာတ်ပုံရှိရင် ထုပ်ပြီး ကြည့်ခွင့်ရှိတယ်။ ဓာတ်ပုံကလည်း နှစ်အတော်ကြာကြာက ရိုက်ထားတဲ့ ဓာတ်ပုံဆို သိပ်မကောင်းဘူး။ အခုလောလောလတ်လတ် ရိုက်ထားတဲ့ ဓာတ်ပုံ ပိုပြီးကောင်းတယ်။ အာရုံမှာ သိပ်မဆွဲဘူဆိုရင် ထပ်ပြီး အကြောတွေ လျှော့ရမယ်။ အဲဒီအခါမှာ မောင်ဖြူပြောလိုက်တဲ့ စကားသံကို ဖြစ်စေ မောင်ဖြူ အခုတကယ် လှုပ်ရှားနေတာကို ဖြစ်စေ အာရုံထဲမှာ ကြားလာမြင်လာမယ်။ တစ်ခါလောက် ထင်ထင်ရှားရှား ရပြီဆိုရင် စိတ်အေးလက်အေး နေလိုက်ပေတော့။ မုချ အကြားအမြင် စိတ်တွေ တစ်ဖက်သားရဲ့ လှုရှားမှု့တွေကို သိရလို့ စိတ်ဓာတ်ခိုင်ခိုင်မာမာ တင်လိုက်ပေတော့။ အမြင်ဓာတ် အကြားဓာတ်တွေကို လောမကြီးပဲ မှန်မှန်ဆက်လုပ်သွားရင် မုချရလာမှာဟု ကျွန်ုပ်က ပြောလိုက်လျှင် ဖြိုးဟန်ကျော်က...

လွယ်သားပဲ ဆရာကြီးဟု ပြောလေ၏။ ထို့ကြောင့် ကျွနှပ်က..

လွယ်တယ်လို့ မပြောပါနဲ။ မခက်ဘူးလို့ ပြောပါ။ ငါလဲ ၁၉၇၀လောက်တုန်းက ဒါမျိုးတွေ လေ့ကျင့်ဘူးပါတယ်။ အဲဒီတုန်းက အင်းစိန်မှာ ရှိတဲ့ ငါ့ဦးလေးရဲ့ အောင်ဗောဓိ ဓာတ်ခန်းမှာ လေ့ကျင့်ခဲ့တာပါ။ အတော်အတန် ပေါက်ပေါက်မြောက်မြောက် ဖြစ်ခဲ့ပါတယ်။ ဒါပေမယ့် ငါ့ရဲ့ ဘ၀က ဆက်ပြီး အခွင့်အရေး မရပေးလေတော့ အသက်မွေး ၀မ်းကြောင်းအလုပ်တွေနဲ့ပဲ အချိန် ကုန်ခဲ့ရတယ်ဟေ့။ တကယ်လို့ မင်းတို့မှာ အချိန်ရှိမယ်ဆိုရင် လုပ်ကြည့်ပါ။ မုချ အောင်မြင်တဲ့ နည်းပါ။ တစ်ခုတော့ အကြံပေးချင်တယ်။ အဲဒါက ဘာလဲဆိုတော့ အဲဒီ လေ့ကျင့်ခန်းကို လေ့ကျင့်တိုင်း လေ့ကျင့်တိုင်းမှာ မလေ့ကျင့်မီ ပုတီးကိုတော့ စိပ်စေချင်တယ်ကွာ။ ပုတီးကလည်း အခြားဟာ မဟုတ်ပါဘူး။ ဓမ္မစကြာမှာပါတဲ...

စက္ခုံ ဥဒပါဒိ။
ဉာဏံ ဥဒပါဒိ။
ဝိဇ္ဇာ ဥဒပါဒိ။
အာလောကော ဥဒပါဒိ။

ဒီငါးလုံးကို ပုတီးကိုးပါတ် စိတ်ရမယ်ကွာ။ ဟုတ် ၊ မဟုတ် မင်းအရင် လက်တွေ့ စမ်းကြည့်စေချင်တယ်။ စမ်းကြည့်ပြီးရင် မင်းက ငါ့ကို ကျေးဇူတင်မှာပါဟု ပြောလိုက်လျှင် ကျွန်ုပ်၏ တပည့် ဖြိုးဟန်ကျော်က...

မဟုတ်ပါဘူး ဆရာကြီးရယ်။ အခုလို ပြောပြကတည်းက ကျေးဇူးတင်နေပါပြီဟု ကျေကျေနပ်နပ်ကြီး ပြောလိုက်လေတော့သတည်း

သဗ္ဗေသတ္တာ ကမ္မဿကာ
မင်းသိင်္ခ