အိမ်တွေကားတွေခြံတွေဆိုင်တွေကို အန္တရာယ်ကင်း သနချေရအောင်

ကျွန်ုပ်၏ ဗေဒင်ဟောခန်းအတွင်း၌ နေ့စဉ်နှင့်အမျှ ဗေဒင်မေးလာသူများနှင့် စည်ကားစည်ပင်နေလေ၏။ ထိုဗေဒင်မေးလာကြသူများထဲတွင် လူတစ်ရာလျှင် ကိုးဆယ့်ကိုးယောက်လောက် မေးလေ့မေးထရှိသော မေးခွန်းများတွင် တစ်ခုအပါအ၀င်ဖြစ်သော မေးခွန်းတစ်ခုမှာ ဆရာ ကျွန်တော်ကျွန်မတို့ ခြံ သန့်ရဲ့လား။ တစ်ချက်လောက် ကြည့်ပေးပါဆရာ၊ ကျွန်မ အိမ်ကို တစ်ချက်လောက် စစ်ပေးပါဆရာရယ်။ နောက်ပြီး ကျွန်တော် အခုဝယ်လာတဲ့ ကားက သန့်ရဲ့လားဆရာ တစ်ချက်လောက် ကြည့်ပေးပါဆရာ အစရှိသည်ဖြင့် မေးမြန်းတတ်ကြလေ၏။

သူတို့မေးသော သန့်ရဲ့လားဆိုတာအဘယ်နည်း။ ညစ်ပတ်နေတာကို ပြောတာမဟုတ်ပေ။ မမြင်ရသော ပရလောက အနှောက်အယှက်များ၊ တစ္ဆေသရဲ ၊ မှင်စာ၊ ၀ိညာဉ်များ၏ တွယ်ငြိခိုကပ်နေသော အနှောက်အယှက် များကို ဆိုလိုပါသည်။ ကျွန်ုပ်တို့၏ မြတ်ဗုဒ္ဓဟောတော်မူသော ပဋိစ္စသမုပ္ပဒ် ဒေသနာတော်လာ ဥပါဒါန ပစ္စယာ ဘ၀ဟူသော ဒေသနာတော်အရ လူသားများသည် မိမိတိုပ စွဲလမ်းငြိကပ်နေ သော ဥပါဒါန်တရားများကြောင့် မလွတ်ကျွတ်သော ။ မကောင်းသော ဘ၀များသို့ ကျရောက်ရသည်မှာလည်း ရှိသည်ပင် မဟုတ်ပါလား။

ထို့ကြောင့် မိမိတို့၏ အိမ်၊ ခြံ၊ ကား၊ ဈေးဆိုင်စသောနေရာများတွင် မကောင်းသော အငွေ့အသက်များ၊ မကောင်းသော လှိုင်းများ၊ မကောင်းသောအနှောက်အယှက်များ ခိုကပ်နေပါက စိတ်အနှောက်အယှက် ဖြစ်ခြင်း၊ နေရထိုင်ရတာ မပျော်ရွှင်ခြင်း၊ ကျန်းမာရေးခြူခြာ ပျော့ညံ့ခြင်း၊ လုပ်စားကိုင်စား အဆင်မပြေခြင်း၊ စီးပွားလာဘ်လာဘ မပွင့်လန်းခြင်း စသော အဖြစ်အပျက်များ ဖြစ်တတ်ပါတယ်။

တချို့ ခြံများ အိမ်များ ကားများတို့သည် တော်တော်လေး အခြေအနေဆိုးနေသည်ကို တွေ့ရလေ၏။ အနှောင့်အယှက်များက ကိုယ်ထင်ပြသည့် အထိပင် ဆိုးတတ်ကြ၏။ ကျွန်ုပ်အား လာရောက်ပြောပြသော သူများ၏အဆိုအရ ညအိပ်လျှင် လမ်းလျှောက်နေသော ခြေသံများကို ကြားနေရသည်ဟူ၍၎င်း၊ ညညဆို ရိပ်ကနဲ့ရိပ်ကနဲ့ တွေ့တွေ့နေရသည်ဟု၎င်း၊ ကားမောင်းနေစဉ် မကြာခနဆိုသလို ကားရှေ့က ဖြတ်ပြေးသလို မြင်ရသည်ဟု၎င်း လာရောက်ပြောဆိုကြလေ၏။

ထိုအကြောင်းအရာနှင့်ပါတ်သက်၍ ကျွန်ုပ်ကိုယ်တိုင်၏ အတွေ့အကြုံတစ်ခုလည်း ကြုံခဲ့ဘူးလေ၏။ လွန်ခဲ့သော (၇)နှစ်လောက်တုန်းက ကျွန်ုပ်သည် မရမ်းတလင်း အယူတော်မင်္ဂလာခြံမှ ခွင့်ယူကာ မွေးရပ်မြေဖြစ်သော မြန်အောင်မြို့သို့ အဓိဋ္ဌာန်ဝင်ရန်အတွက် ခေတ္တ ပြန်လာခဲ့၏။ ဘုန်းကြီးကျောင်းတစ်ကျောင်းတွင် တည်းခို၍ အဓိဋ္ဌာန်ဝင်ရန် အလို့ငှာ ကျွန်ုပ်သည် ထိုကျောင်း၌ တစ်ရက်နှစ်ရက် တည်းခို၍ အခြေအနေကို စနည်းနာကြည့်လေ၏။

ထိုကျောင်းတွင် သီတင်းသုံးနေသော ဘုန်းတော်ကြီးက အဓိဋ္ဌာန်ဝင်တာကတော့ ဘုန်းကြီးအနေနှင့် အထူးပြောနေစရာတော့ မရှိပါဘူး ဒကာလေးရယ်။ ကောင်းတဲ့ အလုပ်ပဲ မဟုတ်လား။ ဒကာလေး တည်းခိုနေထိုင်ချင်ရင်တော့ ဟောဟို သိမ်ထဲမှာသာ ဒကာလေးကိစ္စကို အောင်မြင်အောင်ဆောင်ရွက်ပေတော့ ဟု အမိန့်ရှိသဖြင့် ကျွန်ုပ်လည်း ထိုသိမ်ထဲတွင် သန့်ရှင်းရေးလုပ်ရင်းဖြင့် ထိုညတစ်ညကို အိပ်စက်လေတော့၏။ ထိုညတွင် ကျွန်ုပ်သည် အင်မတန်ထွားကြိုင်းသော ကိုရင်ကြီးတစ်ပါးကို အိပ်မက်မက်လေ၏။ အိပ်မက်ထဲတွင် ကိုရင်ကြီးမှာ အလွန်အမင်း ဒေါသထွက်နေဟန်ရှိ၏။ ကျွန်ုပ်အားလည်း အလိုမကျသောမျက်နှာဖြင့် ကြည့်နေသည်မှာ အင်မတန်မှ ကြောချမ်းစရာ ဖြစ်နေ၏။

ထိုကဲ့သို့ အင်မတန် ကျောချမ်းစရာကောင်းသော အိပ်မက်ကို မြင်မက်၍ ကျွန်ုပ်သည် လန့်နိုးလေရာ ကျွန်ုပ်၏ ပတ်ဝန်းကျင်ကို ကြည့်လိုက်လေရာ ကျွန်ုပ်သည် ညဦးပိုင်းအိပ်စတုန်းက သိမ်ထဲတွင် အိပ်စက်ခဲ့၏ ယခုအခါ သိမ်၏ အပြင်ဘက်နတ်လမ်းပေါ်တွင် ရောက်ရှိနေလေတော့၏။ ထိုအခါမှ ကျွန်ုပ်လည်း ကြက်သီးမွှေးညှင်းများ ထလာ၏။ လွန်စွာမှလည်း ကြောက်ရွံ့ထိတ်လန့်လာ၏။ ပြန်၍လည်း မအိပ်စက်ရဲသောကြောင့် သိမ်ထဲရှိ မြတ်ဘုရားအား ဖယောင်းတိုင်အမွှေးတိုင်များ ထိန်နေအောင် ထွန်းညှိပူဇော်ကာ ရသလောက်သော ဂါထာမန္တာန်များကို ရွတ်ဖတ်ရ၏။ မေတ္တာပို့ အမျှဝေရ၏။ တောင်းပန်ရလေ၏။

( ထိုအချိန်က ကျွန်ုပ်ပါးစပ်မှ တတွတ်တွတ် ရွတ်ဆိုသော တောင်းပန်စကားမှာ ကျွန်ုပ်သည် အလွန်အင်မတန် ကြောက်တတ်သောကြောင့် ကျွန်ုပ်အား ကျေးဇူးပြု၍ မခြောက်လှန့်ရန်နှင့် ကိုယ်ထင်မပြရန် ဒီနေရာမှာ နေတာကို မကြိုက်ရင်လည်း မနေပါဘူးဟု တတွတ်တွတ် ပြောဆိုတောင်းပန်ခဲ့လေ၏။ ကျွန်ုပ်သည် ထိုအချိန်တုန်းကပင် ကြောက်တတ်ခဲ့သည် မဟုတ် ၊ ယခုတိုင်အောင်ပင် အလွန်အမင်း ကြောက်တတ် နေပါသေး၏။)

နံနက်မိုးလင်း၍ ဘုန်းတော်ကြီးအား ထိုအကြောင်းကို လျှောက်တင်လေရာ ဘုန်းတော်ကြီးက အရင်တုန်းက အဲဒီ သိမ်ကြီးထဲတွင် သူ၏ တပည့်ရင်း ကိုရင်တစ်ပါးနေထိုင်ခဲ့ကြောင်း အသက်နှစ်ဆယ်ပြည့်၍ ရဟန်းခံရန် တစ်ပါတ်အလိုတွင် သူများသတ်၍ အစိမ်းသေ သေသွားခဲ့ကြောင်း ယနေ့အထိ မကျွတ်မလွတ်သေးကြောင်း သိမ်ထဲတွင်လည်း ဆရာတော်တစ်ပါးသာ ကျိန်း၍ရကြောင်း ပြောပြလေသောကြောင့် ကျွန်ုပ်လည်း ကိုရင်ကြီး သရဲကို ကြောက်သောကြောင့် သိမ်ထဲတွင် သွားရောက်အဓိဋ္ဌာန် မ၀င်ရဲသောကြောင့် ဘုန်းကြီးကျောင်းမှာပင် ခွင့်တောင်း၍ အဓိဋ္ဌာန် ၀င်ခဲ့ရလေတော့၏။

အဲလိုပါပဲ။ မိတ်ဆွေတို့ ပိုင်ဆိုင်သော အိမ်၊ခြံ၊ မြေ၊ တိုက်တာ။ အဆောက်အဦး။ ကား၊ ဆိုင်ကယ် အစရှိသော ပစ္စည်းများတွင် ထိုကဲ့သို့ စိတ်ထဲတွင် မသိုးမသန့် ဖြစ်ပါက အောက်တွင်ဖော်ပြပေးလိုက်သော နည်းစနစ်ဖြင့်သာ ဆောင်ရွက်လိုက်ပါ။ ချက်ချင်းလက်ငင်း သန့်ရှင်းစင်ကြယ် သွားပါလိမ့်မယ်။ အနှောက်အယှက်များလည်း ကင်းဝေးသွားပါလိမ့်မယ်။

သန့်ရှင်းစေသောနည်း

ဇလုံတစ်လုံးထဲတွင် ရှာလကာရည် တစ်ပုလင်းထည့်ပါ။ ရေ(၇)ပုလင်းရောထည့်ပါ။ တရော်ကင်ပွန်းရလျှင် ထည့်ပါ။ မရလျှင်လည်း ရပါသည်။ ထို့နောက် သနသန သနအပေါင်း ထောင်သောင်းကျေစေ ဟု (၃၇)ခေါက် ရွတ်ဆိုမန်းပါ။ ထို့နောက် မိမိ သန့်ရှင်းစေလိုသော ပစ္စည်းများကို ပက်ဖြန်းပေးခြင်း ။ ဆေးကြောခြင်း၊ ဖြန်းပေးခြင်းဆောင်ရွက်လိုက်ပါ။

သင်တို့အကျိုးကိုထာဝစဉ်လိုလားသော
ဟိန်းတင့်ဇော်
ထိုင်းနိုင်ငံ -မဟာချိုင်မြို့