ကျွန်တော်ကျွန်မတို့သည် နှစ်ဘက်သောမိဘတို့၏ ဘဘောတူညီချက်အရ

တစ်နေ့သော နံက်ခင်းပိုင်းတစ်ရက်မှာ အသက် (၄၀)လောက်ရှိတဲ့ ဒေါ်ဌေးရွှေဆိုသူသည် ကျွန်ုပ်၏ ဗေဒင်လက္ခဏာဟောခန်းလေးထဲသို့ ရောက်လာလေ၏။ သူနဲ့ ကျွန်တော်က တော်တော်လေးလည်း ရင်းနှီးပါတယ်။ မကြာခနဆိုသလိုလဲ ကျွန်တော့်ဆီကို လာနေကျပါ။ ဒီနေ့ သူလာတော့ ကျွန်တော် သူ့မျက်နှာကို မသိမသာ အကဲခတ်ကြည့်မိတယ်။ ဒေါ်ဌေးရွှေရဲ့ မျက်နှာက မကြည်မသာ ဖြစ်နေတယ်။ တစ်ခုခုကို မကျေမနပ်ဖြစ်နေတဲ့ ပုံပါပဲ။ ကျွန်တော်တွေးတာ မမှားဘူးဆိုတာ ဒေါ်ဌေးရွှေပြောတဲ့ စကားတွေကြောင့် ကျွန်တော် သိလိုက်ရပါတယ်။ ကျွန်တော်ကို သူမက ဒီလို ပြောပြပါတယ်။

အိမ်က ကောင်မကြောင့် စိတ်ညစ်တယ်ဆရာတဲ့။ ပြောစကားဆိုစကားလည်း တစ်ချက်မှ နားမထောင်ဘူးတဲ့။ ဒီကောင်လေးနဲ့ လုံးဝ သဘောမတူပါဘူးဆိုတာ ပြောလို့ကို မရဘူးဆရာ။ ဒီနှစ်ထဲ အတင်းကြီးကို ယူတော့မယ်လုပ်နေတယ်။ ကောင်လေးကတော့ မဆိုးပါဘူး။ ခပ်ရိုးရိုး ခပ်အေးအေးထဲကပါပဲ။ ဒါပေမယ့် သူ့ မိဘတွေနဲ့ ကျွန်မက တည့်တာမဟုတ်ဘူး။ ဒါကြောင့် ကျွန်မက ဒင်းတို့သားနဲ့ဆို လုံးဝကို သဘောမတူတာ။ အဲဒါကို ဒင်းကသိသိကြီးနဲ့ အတင်းကိုယူမယ်တဲ့လေ။ ဒါကြောင့် သူတို့နှစ်ယောက်ကို မယူဖြစ်အောင် ကွဲသွားအောင် ဆရာလုပ်ပေးပါ။ အခု ဓာတ်ပုံတွေယူလာတယ်ဟုဆိုကာ သူမ၏ သားနှင့် ကောင်လေး၏ ဓာတ်ပုံတို့ကို ကျွန်ုပ်၏ ဗေဒင်ဟောသော စားပွဲပေါ်သို့ တင်လိုက်ရင်း သူမ၏ မကျေနပ်ချက်တို့ကို ပြောပြလေတော့၏။ ထိုအခါ ကျွန်ုပ်က

ဒေါ်ဌေးရွှေရယ်၊ ခင်ဗျားသမီးဆိုတာကလည်း ငယ်တော့တာမှ မဟုတ်တော့တာ။ အသက်တောင် ၂၃-ကျော်နေပြီပဲ။ ပြီးတော့ ဒီကောင်လေးနဲ့ သူနဲ့ ကြိုက်နေတာကလည်း အခုမှ မဟုတ်ဘူး။ ၃-နှစ်တောင် ကျော်ပြီဆိုတော့ သံယောဇဉ်ဆိုတာကလည်း တော်တော်လေး ဖြစ်နေရှာပြီဆိုတော့ သူတို့နှစ်ယောက်ကို သဘောတူပေးလိုက်ပါဗျာဟု ကျွန်ုပ်က ပြောလိုက်လျှင် ဒေါ်ဌေးရွှေက....

မရဘူးဆရာရေ.. လုံးဝ သဘောမတူနိုင်ဘူး။ ကျွန်မက ဗူးဆို ဖရုံသီးတတ်တာ မဟုတ်ဘူး။ ဆရာကလည်း ကျွန်မသမီးဘက်က သက်သေလိုက်မနေနဲ့တော့။အဲဒီတော့ ဆရာက ကျွန်မကို ကူညီပေးနိုင်မလား။ သူတို့နှစ်ယောက်ကို ကွဲသွားအောင် မယူဖြစ်အောင် လုပ်ပေးနိုင်မလားဟု ထပ်မံ၍ ပြောလိုက်လေလျှင် ကျွန်ုပ်က...

အဲဒါကတော့ ဒေါ်ဌေးရွှေကို အားနာနာနဲ့ ငြင်းရမှာပဲ။ ဘာဖြစ်လို့လည်းဆိုတော့ ကျွန်တော်က အဲဒီလို ကွဲအောင် ကွာအောင်၊ ပျက်စီးအောာင် ၊ မပေါင်းရအောင် ဓာတ်ရိုက်ဓာတ်ဆင်တွေကို လုံးဝ လုပ်မပေးဘူး။ လုပ်မပေးဘူးဆိုလို့ မလုပ်တတ်ဘူးတော့ မထင်နဲ့။ ကျွန်တော်တို့ ဂမ္ဘီရပညာရပ်မှာ လုပ်တဲ့ ပညာရပ်တွေကတော့ အဆင်သင့်ရှိတယ်။ ဒါပေမယ့် ကျွန်တော် မလုပ်ပေးဘူး။ ဒါကြောင့် အားတော့နာပါတယ်။ အဲဒီကိစ္စကတော့ လုံးဝ မကူညီနိုင်ပါဘူး။ အရမ်းကို လုပ်ချင်တယ်ဆိုရင်တော့ ဒီပြင့် ဆရာတစ်ယောက်ယောက်ဆီမှာသာ သွားပြီး အကူအညီတောင်းပေတော့ဟု ပြန်ပြောလိုက်လျှင် ဒေါ်ဌေးရွှေသည်ကျွန်ုပ်အား လွန်စွာ မကျေမနပ် ဖြစ်သွားသောပုံဖြင့်

ဆရာမကူညီနိုင်ဘူးဆိုရင်လည်း ဆရာ့အခန်းထဲမှာ အချိန်ကုန်ခံပြီး ထိုင်နေလို့လည်း အပိုပေါ့ဆရာရယ်။ မဟာချိုင်မှာ ဆရာတွေ မရှားပါဘူး။ ဆရာတစ်ယောက်ထဲရှိတာမှ မဟုတ်တာဟု စောင့်စောင့်အောင့်အောင့် ပြောကာ ခြေကို စောင့်အောင့်နင်း၍ ကျွန်ုပ်၏ ဗေဒင်လက္ခဏာဟောခန်း အတွင်းမှ စောင့်ကြီးအောင့်ကြီးဖြင့် ပြန်ထွက်သွားလေတော့၏။

ကျွန်ုပ်သည် ဒေါ်ဌေးရွှေဆိုသူအား လုံးဝ စိတ်မဆိုးပါ။ အဘယ်ကြောင့်ဆိုသော် သူမသည် အတ္တကြီးသော အမျိုးသမီးတစ်ယောက် ဖြစ်သည်။ အတ္တကို ရှေ့တန်းတင်သော သူဖြစ်၏။ အတ္တကြီးသော သူများအားလုံး နီးပါးသည် ထိုကဲ့သို့ ဖြစ်တတ်သော သဘော၇ှိသည် မဟုတ်ပါလား။ ပြီးတော့ ဒေါ်ဌေးရွှေသည် သာမန်လူသားတစ်ဦး ပင်ရှိသေး၏။ လူသည် စိတ်အပြောင်းအလဲ များတတ်သော သတ္တ၀ါပင် မဟုတ်ပါလား။ ထို့ကြောင့် လူဖြစ်သော ဒေါ်ဌေးရွှေသည် လူဖြစ်နေသောကြောင့် လောဘလည်း ဖြစ်နိုင်၏။ ထို့အတူ ဒေါသလည်း ဖြစ်နိုင်၏။ ကျွန်ုပ်သည် မနုဿဟုခေါ်သော လူသားများအကြောင်းကို အနည်းငယ် သဘောပေါက်ထားသူ ဖြစ်လေရာ ဒေါ်ဌေးရွှေကို စိတ်ဆိုးစရာအကြောင်း မရှိတော့ချေ။

ဒေါ်ဌေးရွှေဆိုသူသည် ပြန်သွားပြီဖြစ်၏။ ကျွန်ုပ်သည်လည်း လုပ်လက်စ အလုပ်များကို ဆက်လက် လုပ်ကိုင်နေ၏။ အချိန်နာရီများလည်း တစ်ပတ်ပြီးတစ်ပတ်ဆက်လက် လည်ပတ်နေ၏။ နေ့လည်းတစ်နာရီခန့် တွင် လမ်းထိပ်ထမင်းဆိုင်သို့ သွားကာ ထမင်းစားပြီး၍ ကျွန်ုပ်လည်း အခန်းသို့ ပြန်လာ၏။ လမ်းတွင် ကွမ်းယာဆိုင် ကွမ်းဘတ်နှစ်ဆယ်ဖိုးလည်း ၀ယ်လာ၏။ အခန်းတွင် ကျွန်ုပ်သည် တစ်ယောက်တည်း အေးချမ်းစွာထိုင်၍ လုပ်လက်စ အလုပ်များကို ဆက်လက် လုပ်ကိုင်နေ၏။ ဆေးလိပ်ကိုလည်း တစ်လိပ်ပြီး တစ်လိပ်သောက်၍ စူပါကော်ဖီမစ်ကိုလည်း တစ်ကြိုက်ပြီး တစ်ကြိုက်သောက်နေ၏။ တစ်ခါတစ်ရံ ကွမ်းယာကို စား၍ ကွမ်းတံတွေးကို ထွေးခံအတွင်းသို့ တစ်ပြစ်ပြစ်ထွေး၏။ ထိုအချိန်တွင် ကျွန်ုပ်၏ အခန်းတံခါးကို တစ်စုံတစ်ယောက်သည် အပြင်မှ ခေါက်သောကြောင့် ကျွန်ုပ်လည်း အခန်းတံခါးကို ထ၍ ဖွင့်ပေးရလေ၏။

အခန်းအပေါက်ဝတွင် မတ်တပ်ရပ်နေသူမှာ နံက်ခင်းက ကျွန်ုပ်ထံသို့ ရောက်လာသော ဒေါ်ဌေးရွှေ၏ သမီးဖြစ် သူ သူဇာပင် ဖြစ်နေ၏။ သူဇာသည်လည်း ကျွန်ုပ်နှင့်ရင်းနှီးသော သူဖြစ်၏။ ကျွန်ုပ်သည်လည်း ဒေါ်ဌေးရွှေ၏ သမီးဖြစ်သူ သူဇာကို လာလေသူဇာ ။ ၀င်ပါ။ ဘယ်ကနေ ဘယ်လို လှည့်လာတာတုန်းဟု ဖိတ်ခေါ်ရလေ၏။ ထိုအခါ သူဇာက ကျွန်ုပ်အား အောက်ပါအတိုင်း ပြောပြပြန်လေတော့၏။

ဒီလိုဆရာရေ..။ ဘယ်ကမှလှည့်လာတာ မဟုတ်ဘူး။ ဆရာဆီကိုပဲ လာတာ။ အိမ်က အမေလေဆရာ၊ အိမ်က အမေပေါ့။ မကောင်းဘူး သိလား။ အခု ကျွန်မတို့ အိမ်ထောင်ပြုမယ့် ကိစ္စကို သိသိကြီးနဲ့ သဘောမတူပြန်ဘူး။ အရင်တုန်းကတော့ သူတို့ပဲ သဘောတူ ကြည်ဖြူလာကြပြီးတော့ အခုကြတော့ သဘောမတူတော့ပြန်ဘူး။ အဲဒီတော့ အမေဆိုတော့ ပြောလို့ကလည်း မကောင်းဘူဆရာရယ်။ ပြောပြန်ရင်လည်း ကိုယ်ပဲ လွန်ရာကျမယ်။ ကိုယ်ပဲ မကောင်းဖြစ်ဦးမယ်။ ကိုယ်ပဲ ငရဲကြီးဦးမယ်ဆရာ။ ဒါကြောင့် မပြောတာပဲကောင်းမယ် ဆရာ့ဆီမှာပဲ အကူအညီတောင်းမယ်ဆိုပြီး ဆရာ့ဆီ ထွက်လာခဲ့တာ။

ဆရာက ကျွန်မကို တစ်ချက်လောက် ကူညီပေးပါဆရာရယ်။ ကျွန်မ အိမ်ထောင်ပြုမယ့်ကိစ္စကို မိဘတွေ သဘောတူအောင် ဆောင်ရွက်ပေးပါဟု ပြောလေ၏။ ဒီနေ့ ကျွန်ုပ်၏ ဗေဒင်ဟောခန်းအတွင်းသို့ တစ်နေ့တည်း တစ်ရက်တည်းတွင် အမြင်မတူသော ကိစ္စတစ်ခုကို နှစ်ဦးနှစ်ဘက်မှ လာရောက်၍ အကူအညီတောင်းကြ၏။ အမေဖြစ်သူအားတော့ ကျွန်ုပ်သည် မကူညီပေးနိုင်ဟု ပြတ်ပြတ်သားသား ငြင်းလွှတ်လိုက်လေ၏။ ယခု ထိုကိစ္စကိုပင် သမီးဖြစ်သူက ကူညီပေးပါဟု လာရောက် အကူအညီတောင်းပြန်၏။

ထို့ကြောင့် ကျွန်ုပ်သည်လည်း သမီးဖြစ်သူ၏ ကိစ္စကို အကူအညီပေးရလျှင် ပေးလျှင်ကောင်းမကောင်း ကျွန်ုပ် လွန်စွာ မြတ်နိုးသော တားရောကဒ်များထံမှ အကြံညာဏ်တောင်းယူလေ၏။ ထို့ကြောင့် သူဇာတို့နှစ်ယောက်၏ ကံဇာတာကို သိလိုသောကြောင့် ကျွန်ုပ်လည်း တားရော့ကို ချိုးကြည့်လိုက်လေရာ နံပတ် (၅) ဘုန်းကြီးတားရော့ ကဒ်ကျလေတော့၏။ ထို့ကြောင့် ကျွန်ုပ်သည် သူဇာအား အောက်ဖော်ပြပါ ယတြာများကို ညွန်ပြလိုက်လေတော့၏။ ထိုယတြာများမှာ နှစ်ဘက်သောမိဘများမှ သဘောတူကြည်ဖြူ မင်္ဂလာကိစ္စ အထမြောက်အောင်မြင်စေသော ယတြာများပင် ဖြစ်၏။

နှစ်ဘက်သောမိဘများမှ သဘောတူကြည်ဖြူ မင်္ဂလာကိစ္စ အထမြောက်အောင်မြင်စေသော ယတြာ

နံပါတ်(၁)- တနင်္လာနေ့ နံက် (၉း၀၀)တွင် ၀သုနြေ္ဒနတ်မင်းကို တိုင်တည်၍ ဖယောင်းတိုင် (၉)တိုင် လှူဒါန်း၍ ဆုတောင်းရ၏။

နံပါတ်(၂)- ငှက်ပျော်သီးမှည့် တစ်လုံးတွင် အဖျားကနေ အရင်းအတိုင်း သံချွန်နှင့် “ နောက်ပြီးတော့ ”လို့ ရေးရ၏။ အဲဒိငှက်ပျော်သီးကို တိရာစ္ဆာန် တစ်ကောင်ကောင်အား ကျွေးမွေး၍ မင်္ဂလာကိစ္စ အထမြောက်စေကြောင်း ဆုတောင်းရ၏။ ထိုယတြာနှစ်ခုကို ကျွန်ုပ်သည် သူဇာအားဆောင်ရွက်ခိုင်း၏။ သူဇာကလည်း ကျွန်ုပ်ပြောသည့်အတိုင်း လိုက်လုပ်၏။

ထိုယတြာများ၏ အကျိုးကျေးဇူးကြောင့် သူဇာတို့၏ မင်္ဂလာကိစ္စသည်လည်း အထမြောက်သွား၏။ ဒေါ်ဌေးရွှေဆိုသော အမျိုးသမီးသည်လည်း လမ်းတွင်ကျွန်ုပ်အား မဆီမဆိုင် မခေါ်တော့ပေ။ ယနေ့တိုင် စိတ်ဆိုးလျှက်ရှိနေလေ၏။ မည်သို့ပင်ဆိုစေကာမူ ကျွန်ုပ်သည် ဒေါ်ဌေးရွှေဆိုသူအားလည်း ကျွန်ုပ် စိတ်မဆိုးပါ။ ထို့အတူ သူဇာ မင်္ဂလာဆောင်သောကြောင့်လည်း ကျွန်ုပ်သည် အလွန်အမင်း ၀မ်းမသာပါ။ အဘယ်ကြောင့် ဆိုသော် ကွန်ုပ်သည် ဗေဒင်ဆရာတစ်ဦး ဖြစ်နေသောကြောင့်တည်း။

အရာအားလုံးကိုလက်ခံနိုင်ကြပါစေ.....
ဟိန်းတင့်ဇော်