အလုပ်နေရာ လုပ်ငန်းနေရာ တည်တန့်ခိုင်မြဲစေသောယတြာ

အင်း ဒီတစ်ခါ ကျွန်တော်ဆီ ရောက်လာတဲ့ လူကြီးက အသက်အားဖြင့် (၅၅)လောက်ရှိတဲ့ ထားဝယ်က အမျိုးသားကြီး တစ်ဦးပါ။ သူ့နာမည်က ဦးအေးမောင်တဲ့။ သူ့မှာ မိသားစု အားလုံး(၅)ယောက်ရှိတယ်။ သူရယ် သူ့အမျိုးသမီးရယ်၊ သားသမီးသုံးယောက်ရယ်ပါ။

ထိုင်းနိုင်ငံကိုရောက်နေတာ နှစ်ပေါင်း အစိတ်ကျော်ပြီလို့ သိရတယ်။ သူ့ကလေးတွေတောင် ထိုင်းနိုင်ငံမှာပဲ မွေး၊ ထိုင်းကျောင်းကိုပဲတက်တာ။ မြန်မာပြည်က ဇာတိဆိုတာ ကလေးတွေက ဘယ်ဆီဘယ်ဝယ်နေမှန်းတောင် မသိကြဘူးတဲ့။ ကျွန်တော်က မြန်မာပြည်ကို မပြန်ချင်ဘူးလားလို့ မေးကြည့်လိုက်တော့ သူက ပြန်ပြောတယ်။ ဆရာရယ်တဲ့ ကျွန်တော်လည်း အသက်အားဖြင့် ၅၀ကျော်ပြီ ဆိုတော့ ကိုယ်မြို့ကိုယ်ရွာမှာပဲ အေးအေးချမ်းချမ်း ဘုရားအလုပ်တရားအလုပ်လေးနဲ့ နေချင်လှပါပြီတဲ့။ အဲဒီတော့ ဆရာရယ် ပြန်ချင်တာမှ အရမ်းပဲလို့ ကျွန်တော့်ကို ပြန်ပြောတယ်။

နောက်ပြီး သူက ဆက်ပြောသေးတယ်။ အခုကျွန်တော်တို့ ထိုင်းနိုင်ငံမှာရောက်ရှိနေတဲ့ မြန်မာပြည်သားတွေ အများကြီးပဲ။ သိန်ပေါင်း သန်းပေါင်းအများကြီးရှိတယ်။ သူတို့တွေကို ဆရာလေး တစ်ယောက်ချင်း လိုက်မေးကြည့်ပါလားတဲ့။ မပြန်ချင်ဘူးလို့ ပြောတဲ့လူတစ်ယောက်တွေ့ရင် ကျွန်တော် လည်ဖြတ်ခံတယ်လို့ ။ အားလုံးက ကိုယ့်နိုင်ငံ ကိုယ့်ဇာတိ ကိုယ်အရပ် ကိုယ်ဒေသမှာပဲ အေးအေးချမ်းချမ်း နေချင်တာပေါ့လို့ ပြောတယ်။

အဲဒီတော့ ကျွန်တော်က ပြန်ချင်တာပဲ ဦးလေးရယ်။ ပြန်ပေါ့။ ဘယ်သူက ဦးလေးကို အတင်းတားနေလို့လည်း။ နောက်ပြီး ဦးလေးတို့ ဘယ်အချိန်ပဲ ပြန်ပြန် ကိုယ်ပြည်က အချိန်မရွေး ပြန်လို့ရတာပဲ။ ပြန်ပေါ့လို့ ကျွန်တော်က ပြောလိုက်တော့ ဦးလေးကြီးက ကျွန်တော့်ကို ညင်ညင်သာသာလေး ပြုံးပြလိုက်တယ်။ ဘာမှတော့ ဆက်မပြောတော့ပါဘူး။

သူ့ရဲ့ အပြုံးကို မြင်လိုက်ရတဲ့ အချိန်မှာ ကျွန်တော် တစ်စုံတစ်ခုကို သဘောပေါက်သွားတယ်။ တစ်ခုခုကို နားလည် သွားလိုက်တယ်။ ရုပ်ရှင်တွေထဲမှာ ကျွန်တော် ကြည့်ရတာလေးတွေရှိတယ်။ ဥပမာ ကောင်မလေးတွေ တစ်သိုက်ပေါ့။ ထိုင်းနိုင်ငံကို ထွက်လာတယ်။ လမ်းမှာ ဒုက္ခရောက်တယ်။ လူဆိုးတွေနဲ့တွေ့တယ်။ ဇာတ်လိုက်က လိုက်ပြီး ကူညီပေးတယ်။ ကယ်တင်ပေးလိုက်တယ်။ ပြီးတော့ အဲဒီ ဇာတ်လိုက်က ကောင်မလေးတွေကို ပြောပြတယ်။ နားချတယ်။ သူပြောတာက ဘာတဲ့။ ဒီမှာတဲ့ မင်းတို့က ပြည်ပနိုင်ငံကို အထင်ကြီးပြီး ထွက်လာကြတာ ဆိုတဲ့ စကားကို သူတို့က သုံးနှုံးလိုက်တယ်။

ကျွန်တော်ပြောနိုင်ပါတယ်။ ကျွန်တော်တို့ ထိုင်းနိုင်ငံမှာ ရောက်နေတဲ့ လူပေါင်းများစွာဟာ ထိုင်းနိုင်ငံကို အထင်ကြီးလို့ လေးစားလို့ ရောက်လာကြတဲ့လူတွေ တစ်ယောက်မှ မပါဘူစး။ မရှိဘူးဆိုတာပါပဲ။ ဘ၀ကံအခြေအနေ အကြောင်းကြောင်းကြောင့် စားဝတ်နေရေးကြောင့် သမုဒ္ဓရာ ၀မ်းတစ်ထွာကြောင့် ရောက်လာကြတဲ့ လူတွေချဉ်းပါပဲ။ နေနေရတဲ့ ဘ၀မှာလည်း ပျေိာနေတယ်လို့ မထင်ပါနဲ့။ အားလုံးက တစ်နေ့နေ့ မှာ ကိုယ့်အိမ်ကို ပြန်မယ်ဆိုတဲ့ မျှော်လင့်နေတဲ့ လူတွေချဉ်းပါပဲ။ ဒါကြောင့် ကိုယ်နိုင်ငံကြီး တိုးတက်ခေတ်မှီဖွံ့ဖြိုးတဲ့ နေ့ရက်တွေကို စောင့်မျှော်နေတဲ့ လူတွေထဲမှာ အများဆုံးက ကျွန်တော်တို့ ထိုင်းနိုင်ငံမှာ ရောက်နေကြတဲ့ မြန်မာပြည်သားတွေ အများဆုံးပါ။

ကဲ.... ဦးလေးရယ်။ ကျွန်တော် ဘာကူညီပေးရမလဲဆိုတော့ ဦးလေးကြီးကကျွန်တော်ဆရာလေးဆီက အကူအညီတစ်ခုလောက်တောင်းချင်တယ်။ အခုတလော အလုပ်မှာ အပြိုင်ဆိုင်တွေ ပေါ်လာတယ်။ ဆယ်နှစ်ကျော်လုပ်လာတဲ့ သူဋ္ဌေးဆီက ပြောင်းရမလိုလို ထွက်ရမလိုလို ဖြစ်နေတယ်။ တကယ်လို့ ပြောင်းရရွေ့ ရရင် ကျွန်တော်တိုပ ကလေးတွေ အခြေပျက်သွားမယ်ဆရာ။ ဒါကြောင့် မပြောင်းချင်ဘူး။ ဒီအလုပ် ဒီသူဋ္ဌေး ဒီအခန်းကနေ တစ်ခြား ဘယ်နေရာကိုမှ မပြောင်းချင်ဘူး။ တည်တန့်ခိုင်မြဲနေချင်တယ်။ ဒါကြောင့် ကျွန်တော်ကို ယတြာပေးပါလို့ ပြောတယ်။ ဒါကြောင့် ကျွန်တော်က ဦးလေးကြီးကို အလုပ်နေရာ အိမ်နေရာခိုင်မြဲစေတဲ့ အောက်ဖော်ပြပါ ယတြာကို ပေးလိုက်ပါတော့တယ်။

အလုပ်နေရာအိမ်နေရာတည်မြဲစေသာယတြာ

အိမ်များတွင်အလှဆင်သော ကြွေပြားတစ်ချပ်မှာ မိမိ၏ နာမည်မွေးသက္ကရာဇ် အပြည့်အစုံရေးပါ။ ပြီးရင် အလုပ်နေရာ တည်တည့်ခိုင်မြဲပါစေ လို့လည်းရေးပါ။ ပြီးရင် အဲဒီကြွေပြားကို ဘုရားစင်ပေါ်တင်ပြီး အဲဒီကြွေပြားပေါ်မှာ ဖယောင်းတိုင်စိုက်ပြီး ဘုရားကို မီးထွန်း ပူဇော်ပါ။ အနည်းဆုံး (၇)ရက်ဆက်တိုက် မီးထွန်းပါ။ အမြဲတမ်း လုပ်ထားနိုင်ရင်တော့ ပိုကောင်းပါတယ်။


သင်တို့၏အကျိုးကိုထာဝစဉ်လိုလားသော
ဟိန်းတင့်ဇော်-ထိုင်းနိုင်ငံ-မဟာချိုင်မြို့