ကြာသပတေးသားသမီးများအတွက် နေ့စဉ်ကံကောင်းစေသော အချိန်များ

ဗေဒင်ဆရာနှင့် iPhone ရူးရောဂါ



တစ်နေ့သ၌ ကျွန်ုပ်သည် အွန်လိုင်းပေါ်မှ တဆင့် ဗေဒင်ဟောပြောရင်းဖြင့် မညိုမြဟု အမည်ရသော အမျိုးသမီး တစ်ဦးနှင့် ရင်းနှီးခင်မင်ခွင့်ရ လေတော့၏။ အစပထမပိုင်းတွင် ဗေဒင်ဟောရင်းဖြင့် သိကြွမ်းကြသော်ငြားလည်း နောက်ပိုင်းတွင် တစ်ယောက်နှင့် တစ်ယောက် အွန်လိုင်းပေါ်တွင် အလ္လာပသလ္လာပ ပြောကြ ဆိုကြမိလေသောကြောင့် တစ်စထက်တစ်စ ပိုမို၍ ရင်းနှီးခင်မင်လာလေသည်။



ထိုမညိုမြဟုဆိုသော အမျိုးသမီးသည် လွန်စွာခင်မင်ဖွယ်ရာ ကောင်းသော အမျိုးသမီးတစ်ဦး ဖြစ်လေ၏။ အားနည်းနေသောအခါ အားငယ်နေသော အခါများတွင် ကျွန်ုပ်၏ မိခင်တစ်ဦး အမကြီးတစ်ဦး အနေနျင့် အမြဲတမ်း အားပေးစကားပြောလေ့ ရှိလေ၏။ သူတ်ပါးအားလည်း အမြဲတမ်း ကူညီပေးလေ့ရှိကြောင်း ပြောပြ လေ့ရှသောကြောင့် သူမသည် အားငယ်နေသောသူများ အားနည်းနေသူများကိုလည်း အမြဲတမ်း ကူညီပေးလေ့ ရှိကြောင်း ပြောပြလေ့ရှိ၏။ ထို့ကြောင့် ဆရာမှလည်း အခက်အခဲရှိခဲ့ပါက သူမအား မိခင်တစ်ယောက် အမကြီး တစ်ယောက်ကဲ့သို့ သဘောထား အကူအညီတောင်းနိုင်ကြောင်းကိုလည်း အားပေးစကား ပြောခဲ့လေ၏။





ကျွန်ုပ်ကလည်း အကူအညီ မလိုကြောင်း အရမ်းကြီး မချမ်းသာပေမယ့် အဆင်ပြေကြောင်း ပြန်လည်ပြောပြခဲ့၏ ထိုကဲ့သို့ ကျွန်ုပ်နှင့် မညိုမြသည် အွန်လိုင်းပေါ်မှ တဆင့် အမြဲတမ်းစကားပြောရင်း တစ်ယောက်ကို တစ်ယောက် အားပေးစကား ပြောရင်းဖြင့် ဖြူဖြူစင်စင် ရင်းနှီးခင်မင်လာခဲ့သည်မှာ လအတော်ပင် ကြာခဲ့လေ၏။



တစ်နေ့တွင် မညိုမြက ကျွန်ုပ်အား အောက်ပါအတိုင်း ဖုံးဆက်လာခဲ့လေ၏။



ဆရာရေ.... ဒီလကုန်ရင် ကျွန်မသူငယ်ချင်း တစ်ယောက် ထိုင်းကို ဆင်းလာဖို့ ရှိတယ်။ အဲဒါ သူနဲ့ ဆရာ့အတွက် iPhone တစ်လုံး ၀ယ်ထည့်ပေးလိုက်မလို့လေ။ ပြီးတော့ ဆရာ ကျွန်မအတွက် ကူညီပေးတဲ့ ယတြာတွေက လည်း ကျွန်မအတွက် အထောက်အကူ ဖြစ်လို့လေ။ ဒါကြောင့် ကျွန်မက ဆရာ့ကို ကျေးဇူးဆပ်တဲ့ အနေနှင့် လက်ဆောင် ၀ယ်ထည့်ပေးလိုက်မလို့။ ဆရာ လက်ခံပါနော်ဟု ဖုံးဆက်ပြောလေ၏။



ကျွန်ုပ်သည် iPhpne ဟူသော အသံကို ကြားလိုက်ရသည့်နေ့မှ စ၍ စားသည့်အချိန် သွားသည့်အချိန် စသော အချိန်တိုင်း အားလုံးတွင် iPhone ဟူ၍ အတွေးများ ဖြစ်နေလေတော့၏။ ကုန်ကုန်ပြောရလျှင်မူ အိပ်မက်ထဲတွင် ပင် ကျွန်ုပ်သည် အိပ်မက်မက်လေ၏။ အိပ်မက်ထဲတွင် ကျွန်ုပ်သည် ထိုဖုံးနှင့် မြန်မာပြည်မှ မိဘများကို စကားပြောနေသည်ဟု အိပ်မက် မက်လေတော့၏။ ထိုမျှလောက် ကျွန်ုပ်အား အိုင်ဖုန်းကို စွဲလန်းလေတော့၏။



ထို့နောက် ကျွန်ုပ်သည် ပင်ကိုယ်သဘာဝအားဖြင့် လွန်စွာ အကြွားသန်လှသူ ဖြစ်လေရာ ကျွန်ုပ်နှင့် ရင်းနှီးသော မိတ်ဆွေများ တပည့်များ အသိများ ဗေဒင်မေးသူများအား အိုင်ဖုန်းအကြောင်းကို ကြားဖူးနားဝဖြင့် အိုင်ဖုံးဆိုသည်မှာ အလွန်ကောင်းကြောင်း ကျွန်ပြူတာ သေးသေးလေး တစ်လုံးကဲ့သို့ လွန်စွာ အသုံးဝင်ကြောင်း လူတိုင်း မကိုင်နိုင်ကြောင်း ငွေကြေးပြည့်စုံသူများသာ ကိုင်နိုင်ကြကြောင်း ထိုအိုင်ဖုံးကို အမေရိကမှ ကျွန်ုပ်၏ မိတ်ဆွေတစ်ယောက်မှ မကြာခင် ရက်ပိုင်းအတွင်း လူကြုံဖြင့် ပို့ပေးမှာဖြစ်ကြောင်း တွေ့သမျှ လူတိုင်းအား ခပ်ကြွားကြွား ပြောလျှက်ရှိလေတော့၏။



ကျွန်ုပ်၏ တပည့်များ အသိမိတ်ဆွေများကလည်း ထိုအိုင်ဖုန်းကြီး ရောက်လာတဲ့နေ့ကျရင် သူတို့အား ဖုန်းဆက် ပြောပါရန်နှင့် မမြင်ဘူး၍ လာရောက် ကြည့်လိုကြောင်း အစဉ်ပြေပါက ထိုင်းနိုင်ငံတွင် တစ်နှစ်လောက် ကြိုးစားပန်းစား အလုပ်လုပ် ပိုက်ဆံစု၍ အိုင်ဖုန်း ၀ယ်ကိုင်မည့်အကြောင်းကို ပြန်၍ ပြောလေကြသောကြောင့် ကျွန်ုပ်ကလည်း ရောက်တဲ့နေ့ကျရင် ဖုံးဆက်လိုက်မယ်ဟု ပြန်လည် ဂတိပေးရလေ၏။



ထိုကဲ့သို့ မကြာမီအချိန်ကာလ၌ မညိုမြပြောထားသော ရက်သို့ ရောက်လာခဲ့လေ၏။ ထိုနေ့တွင် မညိုမြနှင့် ကျွန်ုပ် အွန်လိုင်းပေါ်တွင် တွေ့ကြရာ မညိုမြက အိုင်ဖုန်းထည့်ပေးမည့် သူငယ်ချင်းနှင့် သွားခါနီးတွင် မတွေ့လိုက်ရကြောင်း ထို့ကြောင့် မထည့်ပေးလိုက်နိုင်ကြောင်း သူမကိုယ်တိုင် ဒီဇင်ဘာလလောက်မှာ ထိုင်းနိုင်ငံသို့ အလည်လာမည်ဖြစ်ကြောင်း ထို့ကြောင့် သူလာမှယူလာမည်ဟု ကျွန်ုပ်အားပြောပြန်လေ၏။



ကျွန်ုပ်အား အိုင်ဖုန်းအကြောင်း တမေးတည်းမေးနေကြသော အသိမိတ်ဆွေများအားလည်း ထိုအမျိုးသမီး ပြောသကဲ့သို့ ပြန်ပြောရလေ၏။ ထိုကဲ့သို့ ကျွန်ုပ်အား မညိုမြက ရက်ရွေ့ပြောလိုက် ကျွန်ုပ်ကလည်း ရက်ရွေ့ပြောလိုက်ဖြင့် ထိုအိုင်ဖုန်းဆိုသော အရာသည် ကျွန်ုပ်ထံသို့ ရောက်မည်ဟုပြောသော နေ့မှစ၍ ယခုဆိုလျှင် တစ်နှစ်လောက်ပင် ဖြစ်နေလေ၏။ နေမြင့်လေ အရူးရင့်လေ ဆိုသကဲ့သို့ ကျွန်ုပ်တွင် စွဲကပ်နေသော အိုင်ဖုန်းရောဂါသည်လည်း တစ်နေ့တခြား ပိုပို၍ ဆိုးရွားလာလေတော့၏။



ထိုကဲ့သို့ ကျွန်ုပ် လုံးဝမမြင်ဘူး မကိုင်ဘူးသော အိုင်ဖုန်းဆိုသောအရာကို မညိုမြဟုဆိုသော မိတ်ဆွေအမျိုးသမီးက ကျွန်ုပ်၏ အတွေးထဲသို့ လာရောက် ထည့်ပေးခဲ့လေ၏။ ထိုမမြင်ဘူး မကိုင်ဘူးသော အိုင်ဖုန်းကို ကျွန်ုပ်သည် အစွဲကြီး စွဲလန်းလျှက်ရှိရကား မစားနိုင်မသောက်နိုင် မအိပ်နိုင်ပင်ဖြစ်လျှက် ကျန်းမာရေးပင် ချို့ယွင်းလာလေတော့၏။ ရမည်ဟု ပြောထားသောနေ့ကို ရောက်လာလိုက် နောက်တစ်ရက်ကို ရွေ့ဆိုင်းသွားလိုက် နောက်တစ်လကို ကျော်သွားလိုက် ဖြစ်နေသည်မှာ လွန်စွာ အသဲယားစရာကောင်း၏။ ကျွန်ုပ်၏ ပင်ကိုယ်ဗီဇအရ လွန်စွာ အကြွားသန်သည့်အားလျှော်စွာ ကျွန်ုပ်ကိုယ်တိုင် လေလုံးထွားထားသော စကားများကိုလည်း တပည့်များကိုတွေ့တိုင်း လွန်စွာ ရှက်မိလေသောကြောင့် ကျွန်ုပ်သည် တပည့်များကိုပင် မတွေ့ရဲတော့သော အခြေအနေသို့ ရောက်ရှိရလေတော့၏။



ထိုကဲ့သို့ နေလာခဲ့ရာမှ တစ်နေ့တွင် မြန်မာပြည်သို့ ခေတ္တ အလည်အပတ် ပြန်သွားခဲ့၏။ မြန်မာပြည်သို့ ပြန်ရောက်ခိုက် ကျွန်ုပ်သည် ဇာတိဖြစ်သော ဧရာဝတီမြေသို့ ရောက်ဖြစ်၏။ ကျွန်ုပ်၏ ကျေးရွာတွင် ငယ်သူငယ် ချင်း အရင်းအခြာကြီး ဖြစ်သော ရွှေတိုးဆိုသော သူငယ်ချင်းသည် သွက်သွက်ခါအောင် ရူးနေသည်ကို အံ့သြ စိတ်မကောင်းစွာ တွေ့ရလေ၏။ ကျွန်ုပ်အပါအ၀င် မည်သူကိုမျှ မမှတ်မိတော့ပေ။ အားလုံကို မေ့သွားတော့၏။



ဒီနေရာ၌ အရူးကြီး ရွှေတိုးအကြောင်းကို ကျွန်ုပ်အနေနှင် အနည်းငယ်ပြောပြရန် သင့်၏။ ရွှေတိုကြီး၏ တကိုယ်လုံးတွင် အ၀တ်အစားများမှာ စုတ်ပြတ်လျှက် ရှိ၏။ အရူးရွှေတိုးသည် ကြိုးခွေတစ်ခွေကို ပုခုံးထက်တွင် စလွယ်သိုင်းထားလေ၏။ လက်တစ်ဖက်တွင်လည်း တစ်လံလောက်ရှိသော ၀ါးစိမ်းကိုင်း တစ်ကိုင်းကို ကိုင်ထား၍ အသံချဲ့စက်သံကြားသော အရပ်ဒေသများသို့ သွာရောက်၍ ၀မ်းရေးကို ဖြေရှင်းလေ၏။ သူ ကောင်းကောင်း သိသော အကြာင်းအရာတစ်ခုမှာ အလှူအိမ်များမှ ဖွင့်သော အသံချက်စက်သံကိုမူ ကောင်းကောင်း မှတ်ထားလေ၏။ ကျွန်ုသည် ကျွန်ုပ်၏ ငယ်သူငယ်ချင်း အရင်းအခြာကြီး ဖြစ်သော ရွှေတိုးတစ်ယောက် မည်ကဲ့သို့ ရူးသွတ်သွားရသနည်းဟု ရွာမှ သူငယ်ချင်းများထံတွင် စုံစမ်းကြည့်လေရာ ရွာမှ သူငယ်ချင်းများက အောက်ပါအတိုင်း ပြောပြလေ၏။



ရွှေတိုကြီးက အရမ်းသနားဖို့ ကောင်းတယ်ကွ။ အရူးတကာ့ အရူးထဲမှာ ဥစ္စာရူး ဖြစ်မယ်ထင်တယ်။ ပြီးခဲ့တဲ့ ၄-နှစ်လောက်တုန်းက ဒီကောင်က မြင်းရူးရူးတယ်လေကွာ။ ဧရာဝတီမြစ် တစ်ဘက်ကမ်းမှာ ရှိတဲ့ သူ့ဦးလေး ဆီကို ဒီကောင် အလည်သွားတယ်။ အဲဒီမှာ သူ့ဦးလေးက သူ့ကို သီတင်းကျွတ်ရင် မြင်းတစ်ကောင် ၀ယ်ပေးမယ် လို့ ပြောလွှတ်လိုက်တယ်ကွ။ အဲဒီကောင် အရှေ့ဘက်ကမ်းက ပြန်လာတဲ့ အချိန်က စပြီး မြင်းရူး ရူးတော့တာပဲ ။ အချိန်ပြည့် မြင်းအကြောင်း ပြောနေတော့တာပဲ။ သူ့ဦးလေးက မြင်းတစ်ကောင် ၀ယ်ပေးမယ်လို့ ပြောလိုက် ကြောင်း အဲဒီမြင်း ၀ယ်တဲ့နေ့ကျရင် ဘယ်လို စီးမယ်ဆိုတဲ့ အကြောင်း သူ့မြင်းကို သူဘယ်လို ဂရုစိုက်မည် ဆိုသည့်အကြောင်း ဒါတွေဘဲ ပြောနေတော့တာပဲ။



ဒါပေမယ့် သူ့ဦးလေးကလည်း အတော်ရက်စက်တယ်ကွာ။ တစ်ခေါက်သွားရင် တစ်ခါရက်ရွေ့တယ်။ နောက်တစ်ခေါက် သွားတော့ နောက်တစ်ခါ ရက်ရွေ့တယ်။ သီတင်းကျွတ်သွားရင် တန်ဆောင်မုန်း ကို ရွေ့တယ်ကွာ။ တန်ဆောင်မုန်းမှာသွားရင် သင်္ကြန်ကို ရက်ရွေ့တယ်ကွာ။ သူ့ဦးလေးကလည်း အတော်ရက်စက်တယ်ကွာ။ အစောကြီးကတည်းက မ၀ယ်ပေးချင်ရင် ဘာမှ မပြောနဲ့ပေါ့ကွ။ အခုတော့ ဟုတ်တာလဲ မဟုတ်ဘဲနဲ့ ရွှေတိုးကြီးကို မျှော်လင့်ချက်တွေ ပေးပေးပြီး နောက်ဆုံးတော့ ရွှေတိုးကြီးဟာ မင်းမြင်တဲ့အတိုင်း သွက်သွက်ခါခါ အောင် ရူးသွားတော့တာပဲဟေ့။ အဲဒီ အချိန်ကစပြီး ရွှေတိုးတစ်ယောက် မြင်းကလွဲရင် ဘာမှကို မသိတော့ဘူးဟု ကျွန်ုပ် အား ပြောပြလေတော့၏။



ထိုအချိန်တွင် ကျွန်ုပ်၏ ခေါင်းထဲတွင် အတွေးတစ်စ ၀င်ရောက်လာလေ၏။ အရူးရွှေတိုးကြီးက မြင်းကို လိုချင်တာ မရသောကြောင့် သွက်သွက်ခါခါအောင် ရူးသွားရလေ၏။ ကျွန်ုပ်မှာမူ iPhone ကို မရသောကြောင့် ရူးချင်ချင် ဖြစ်နေ၏။ ထို့ကြောင့် ကျွန်ုပ်နျင့် ရွှေတိုးကြီးသည် နှစ်ယောက်စလုံး အရူးများသာ ဖြစ်ကြလေ၏။ နှစ်ယောက်စလုံးမှာ မရနိုင်သည်ကို မျှော်လင့် တမ်းတရင်း ရူးသွတ်နေခြင်းပင်ဖြစ်လေ၏။ ရွှေတိုးကြီးက သွက်သွက်ခါအောင် ရူးသွတ်နေ၍ ကျွန်ုပ်မှာမူ ယဉ်ယဉ်လေး ရူးနေခြင်း ဖြစ်၏။ အမှန်တကယ်တော့ အရူးများ သာ ဖြစ်ကြသည် မဟုတ်ပါလား။ ထိုနေ့မှစ၍ ကျွန်ုပ်သည် ကျွန်ုပ်နှင့် အပြင်မှာ တစ်ခါတစ်ရံမျှ တွေ့ဘူးမြင်ဘူးခြင်း မရှိသော လွန်စွာ သဘောကောင်း၍ အပြောချိုသော မညိုမြဟူသော အမေရိကမှ အမျိုးသမီး လက်ဆောင်ဝယ်ပေးမည်ဟု ဆိုသော အိုင်ဖုန်းဟူသောအရာကို ကျွန်ုပ်၏ ဦးနှောက်နှင့် နှလုံးသားအတွင်းမှ အပြီးအပိုင် မောင်းထုတ်လိုက်လေတော့သတည်း။



ကြာသပတေးသားသမီးများအတွက် နေ့စဉ်ကံကောင်းစေသောအချိန်များ

	ကံအမြင့်ဆုံးအချိန်	နံက်(၆း၀၀)မှ(၇း၃၀)ညနေ(၄း၃၀)မှည(၇း၃၀)တွင်း
တနင်္ဂနွေနေ့	ဒုတိယကံမြင့်ချိန်	နံက်(၉း၀၀)မှ(၁၀း၃၀)အတွင်း
	တတိယကံမြင့်ချိန်	မွန်းတည့်(၁၂း၀၀)မှ(၁း၃၀)အတွင်း
	ကံအမြင့်ဆုံးအချိန်	မွန်းတည့်(၁၂း၀၀)မှ(၁း၃၀)အတွင်း
တနင်္လာနေ့	ဒုတိယကံမြင့်ချိန်	ညနေ(၃း၀၀)မှ(၄း၃၀)တွင်း
	တတိယကံမြင့်ချိန်	နံက်(၇း၃၀)မှ(၉း၀၀)အတွင်း
	ကံအမြင့်ဆုံးအချိန်	နံက်(၇း၃၀)မှ(၉း၀၀)အတွင်း
အင်္ဂါနေ့	ဒုတိယကံမြင့်ချိန်	နံက်(၁၀း၃၀)မှ(၁၂း၀၀)တွင်း
	တတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	ကံအမြင့်ဆုံးအချိန်	မွန်းလွဲ(၁း၃၀)မှ(၃း၀၀)တွင်း
ဗုဒ္ဓဟူးနေ့	ဒုတိယကံမြင့်ချိန်	နံက်(၆း၀၀)မှ(၇း၃၀)တွင်း
	တတိယကံမြင့်ချိန်	နံက်(၉း၀၀)မှ(၁၀း၃၀)အတွင်း
့	ကံအမြင့်ဆုံးအချိန်	နံက်(၉း၀၀)မှ(၁၀း၃၀)အတွင်း
ကြာသပတေးနေ	ဒုတိယကံမြင့်ချိန်	မွန်းတည့်(၁၂း၀၀)မှ(၁း၃၀)အတွင်း
့	တတိယကံမြင့်ချိန်	နံက်(၇း၃၀)မှ(၉း၀၀)အတွင်း
	ကံအမြင့်ဆုံးအချိန်	ညနေ(၃း၀၀)မှ(၄း၃၀)တွင်း
သောကြာနေ့	ဒုတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	တတိယကံမြင့်ချိန်	နံက်(၁၀း၃၀)မှ(၁၂း၀၀)တွင်း
	ကံအမြင့်ဆုံးအချိန်	နံက်(၁၀း၃၀)မှ(၁၂း၀၀)တွင်း
စနေနေ့	ဒုတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	တတိယကံမြင့်ချိန်	နံက်(၆း၀၀)မှ(၇း၃၀)ညနေ(၄း၃၀)မှည(၇း၃၀)တွင်း