တနင်္လာသားသမီးများအတွက် ကံကောင်းသောအခါရွေးချယ်ပေးခြင်း

ဒီတစ်ခါလာတဲ့ သူ့နာမည်က ကိုကျော်ခေါင်တဲ့။ အဘမင်းသိင်္ခ မြေလျှောက်ဝိဇ္ဇာ ရွှေမြသာဆိုတဲ့ စာအုပ်ထဲက ကိုကျော်ခေါင်တော့ မဟုတ်ဘူး။ ထိုင်းနိုင်ငံကို မြေလျှောက်ပြီး ရောက်လာတဲ့ ရွေ့ပြောင်းအလုပ်သမား ကိုကျော်ခေါင်ပါ။ သူ ထိုင်းနိုင်ငံကို ရောက်တာ အခုဆိုရင် (၁၅)နှစ်ကျော်ပြီ။ အခုတော့ သူက အလုပ်ရုံက အလုပ်သမားတစ်ဦး မဟုတ်တော့ပါဘူး။ သူ့ရဲ့ ဇွဲလုံးလ၀ိရိယနဲ့ သူ့ရဲ့ ကြိုးစားအားထုပ်မှု့ကြောင့် ပွဲစားဆိုတဲ့ နာမည်တစ်ခုကို အပိုင်စားရထားပြီး အတော်အသင့် အောင်မြင်တဲ့ လူတစ်ယောက် ဖြစ်နေပြီလေ။



သူလည်း ပွဲစားတို့ထုံးစံအတိုင်း တော်တော်အလုပ်များတဲ့ လူတစ်ယောက်ဖြစ်ပါတယ်။ အလုပ်များတဲ့ အထဲမှာ မိန်းမများလို့ အလုပ်များတာလဲ ပါတာပေါ့လေ။ မနက်မိုးလင်းကတည်းက မယားအငယ်လေးက လဘက်ရည် သောက်ချင်တယ်လို့ပြောလို့ သူကသွားဝယ်ပေးရတယ်။ နောက်မယားအလတ်က ကုန်တိုက်မှာ အလှကုန် ပစ္စည်း သွားဝယ်ပေးရမယ်ဆိုလို့ ကုန်တိုက်ကို လိုက်ပို့ပေးရတယ်။ နောက် မယားကြီးက အိမ်လခ ၊ ကားလခသွင်း ဘေတွေ သွားသွင်းရမယ်ဆိုလို့ သွားရသေးတယ်။ နောက် ကလေးကိစ္စ ခွေးကိစ္စ အစုံပါပဲလေ။



ဘယ်လောက်ပဲ အလုပ်တွေများများ ကိုကျော်ခေါင်ဆိုတဲ့လူက အပြုံးမပျက်ဘူးလေ။ သူ့ကိုယ်သူတောင် ဦးအောင်ဇေယျသွေး အပြည့်ပါတဲ့လူဆိုပြီး ဂုဏ်တောင်ယူနေသေးတာ။ ပြီးတော့ နောက်တစ်ခုရှိသေးတာက ဒီလူကိုမြင်လိုက်ရရင် ကျွန်တော်တို့တောင် အလိုလိုပျော်လာမိတယ်။ ဘာဖြစ်လို့လည်းဆိုတော့ သူက ပျော်ပျော်နေတတ်တယ်။ သူ့မျက်နှာကကို အလိုလို ပြုံးနေတာ။ သူ့မိန်းမတွေကိုလည်း သူကသိပ်ချစ်တတ်တာ။ သိပ်ပြီး ဂရုစိုက်တတ်တာ။ ပြီးတော့ ပြောရရင် သူ့မိန်းမတွေကလည်း သူ့ကို သိပ်ချစ်ကြတာ။ ပါရမီကောင်း တယ်ထင်ပါရဲ့။





အဲဒီကိုကျော်ခေါင်ကြီးက ကျွန်တော်ဆီကို မကြာခနလာပြီး ဗေဒင်မေးလေ့ရှိတယ်။ သူ့အတွက် ဗေဒင်မေးတာ ကတော့ တစ်ခါတည်းပါ။ မကြာခနဆိုသလို ကောင်မလေးတွေ ခေါ်ခေါ်လာပြီး ဗေဒင်မေးခိုင်းလေ့ရှိတယ်။ ကျွန်တော်ကလည်း သူခေါ်လာတဲ့ ကောင်မလေးတိုင်းကိုလည်း ကိုကျော်ခေါင်နဲ့ ဘာတော်လည်းလို့ မေးတယ်။ အဲဒီမှာ သူခေါ်လာတဲ့ ကောင်မလေးတိုင်းက လင်မယားလို့ ပြန်ဖြေတယ်။ ကျွန်တော်က ကိုကျော်ခေါင်ကြီးမှာ မိန်းမ ဘယ်နှစ်ယောက်တောင် ရှိလဲလို့ ပြန်မေးလိုက်တော့ အဲဒီကောင်မလေးတွေက ဘာပြန်ပြောလဲဆိုတော့ အများကြီးပဲလို့ ပြန်ဖြေတယ်။



ခင်ဗျားတို့က မနာလိုမဖြစ်ဘူးလား၊ သ၀န်မတိုဘူးလားလို့ ပြန်မေးလိုက်တော့ သူတို့တွေက ဘာပြန်ပြောလဲ ဆိုတော့ ကျွန်မယောင်္ကျားကို သ၀န်လဲမတိုဘူး။ မနာလိုလဲမဖြစ်ဘူးတဲ့။ ဘာကြောင့်လဲဆိုတော့ ကျွန်မယောက်ျား ကိုကျော်ခေါင်ကြီးက ရိုးသားတယ်။ မလိမ်ညာတတ်ဘူး။ အစသိတဲ့အချိန်တုန်းကတည်းက သူ့မှာ မိန်းမတွေအများကြီး ရှိတယ်လို့ပြောပြီးမှ ချစ်ခွင့်ပန်တာ။ အဲဒါကလည်း လေးစားစရာတစ်ခုပဲ။ နောက်တစ်ခုက သူက ယူပြီးသွားရင် ပစ်မထားဘူးဆရာရဲ့။ အားလုံးကို တပြေးညီတည်း အိမ်ထောင်ဦးစီး တာဝန်ကြေအောင် လုပ်ကျွေးတာဆိုတော့ အင်မတန်တော်တဲ့ အိမ်ထောင်ဦးစီး ယောက်ျားတစ်ဦးပါ ဆရာရယ်။ နောက်ပြီးတော့ ကျွန်မယောက်ျားက သမာသမတ်လည်း ရှိတယ်ဆရာရဲ့။ ဘက်မလိုက်တတ်ဘူး။ အားလုံးကို မျှမျှတတ ဆက်ဆံတတ်တယ်။ အမှန်အတိုင်းပြောရရင် ကိုကျော်ခေါင်က သူတော်ကောင်းကြီးပါ ဆရာရယ် အစရှိသည်ဖြင့် ကိုကျော်ခေါင်၏ ကောင်းကြောင်းတွေကိုထိုင်ပြီး ပြောတတ်ကြတယ်။ အဲဒီအချိန်မှာ ကိုကျော်ခေါင်ကြီးကတော့ မျက်နှာကြီး စပ်ဖြီးဖြီးကြီးနဲ့ပေါ့။



အဲဒီတော့ ကျွန်တော်က ဒါကတော့ ခင်ဗျားယောက်ျား ကိုကျော်ခေါင်ကြီး လုပ်နိုင်ကိုင်နိုင်တုန်း ဖြစ်နေလို့ပါ။ တစ်နေ့တစ်ချိန်ချိန် ကိုကျော်ခေါင်ကြီး မလုပ်နိုင်မကိုင်နိုင် ဖြစ်တဲ့အချိန် အသက်ကြီးတဲ့ အချိန်ကြရင်ကော ဘယ်လိုလုပ်ပါ့မလဲ။ အဲဒီအခါကြရင် ခင်ဗျားတို့က ကျုပ်တို့ ကိုကျော်ခေါင်ကြီးကို တစ်ယောက်ပြီး တစ်ယောက် ပစ်သွားကြမှာပဲ မဟုတ်လားဟု အတည်ပေါက်နှင့် ခပ်နောက်နောက် မေးလိုက်လေ၏။ ထိုအခါ ကိုကျော်ခေါင်၏ ဘယ်နှစ်ယောက်မြောက် မယားမှန်းမသိသော အမျိုးသမီးက အဲဒီလိုတော့ မပြောပါနဲ့ ဆရာရယ်။ တကယ်လို့ ကိုကျော်ခေါင်ကြီး မလုပ်နိုငမကိုင်နိုင်တဲ့ နေ့တွေကို ရောက်ရင် ကျွန်မတို့က တလှည့် ပြန်လုပ်ကျွေးဖို့ စုပြီး တိုင်ပင်ထားပြီးသားပါဆရာရယ်။ အထင်မသေးပါနဲ့ ဆရာရယ်ဟု ပြန်ပြောလေ၏။



ကိုကျော်ခေါင်ကို ကျွန်တော်က ဘယ်လိုမှ မဖြစ်နိုင်တာတွေကို ခင်ဗျားက ဖြစ်အောင် လုပ်တယ်ဆိုတော့ ခင်ဗျားမှာ အဆောင်လေး ဆေးလေးတော့ ရှိမယ်ထင်တယ်။ ဘာတွေဆောင်ထားပြီး ဘာဆေးတွေများ သောက်ထားလို့တုန်းဆိုလို့ ကျွန်တော်က မေးတော့ ကိုကျော်ခေါင်က ဘာပြန်ပြောတယ် မှတ်လဲ။ ဆေးတွေ အဆောင်တွေကတော့ တခြားမဟုတ်ပါဘူး ဆရာသမားရယ်။ မေတ္တာပေါ့။ မေတ္တာတရားက အရာရာကို အနိုင်ရစေတာပဲ မဟုတ်လား။ ကျွန်တော်က အားလုံးအပေါ်မှာ မေတ္တာထားလိုက်တာပါ။ အဲဒီတော့ အားလုံးက လည်း ကျွန်တော့်ကို ချစ်ခင်ကြတယ် ။ မေတ္တာရှိကြတယ်ပေါ့ ဆရာရယ်။ ဟားဟားဟား လို့ ရီမောရင်း ပြန်ပြောတယ်။



ကဲ... ကိုကျော်ခေါင် ... ဒီတစ်ခါကော ကျုပ်က ဘယ်သူ့အတွက် ဗေဒင်ကြည့်ပေးရမှလဲ၊ ပြောပါဦးဟု ကျွန်ုပ်က ပြောလိုက်လေရာ ကိုကျော်ခေါင်က ဘယ်သူ့အတွက်မှ ဗေဒင်မကြည့်ပါဘူး ဆရာသမားရယ်။ ကျွန်တော့်အတွက် အကူအညီတစ်ခုလောက် တောင်းချင်လို့ပါ။ ဆရာသမားလည်း သိတဲ့အတိုင်းပဲလေ။ ကျွန်တော်က ပွဲစားဆိုတော့ အလုပ်ကလည်း ခပ်များများပဲ မဟုတ်လား။ ပြီးတော့ အချိန်ကောင်း အခါကောင်း နက္ခတ်ကောင်းဆိုတဲ့ စကားကို ကျွန်တော်က အရမ်းကြိုက်တာ။ ဒါကြောင့် တနင်္လာသား ကျွန်တော့်အတွက် ကံဇာတာ ပွင့်လန်းတိုးတက် ကောင်းမွန်စေမယ့် အချိန်ကောင်းလေးတွေ ရွေးပေးစေချင်တယ်။ ရွေးပေးရင်လည်း တစ်ရက်စာ မဟုတ်ဘူးနော်။ အမြဲတမ်း နေ့တိုင်း သုံးလို့ ရအောင် (၇)ရက်စာ ရွေးပေးစေချင် တယ်။



ကျွန်တော်က အဲဒီစာရွက်လေးကို အခန်းမှာကပ်ထားပြီး ကျွန်တော့်အတွက် ကံဇာတာအခွင့်အလန်း ကောင်းမွန်စေမယ့် အချိန်တွေကို ရွေးပြီး အလုပ်လုပ်ချင်လို့ ဆရာသမားရဟု ပြောသောကြောင့် ကျွန်ုပ်လည်း အောက်တွင်ဖော်ပြထားသော တနင်္လာသားသမီးများအတွက် အခါပေးစာရွက်လေးကို ပရင့်ထုပ်၍ ပေးလိုက်လေတော့၏။ ကိုကျော်ခေါင်လည်း ကျွန်ုပ်ပေးလိုက်သော စာရွက်လေးကိုရ၍ ၀မ်းမြောက်ဝမ်းသာ ဖြစ်သွားပြီးလျှင် ပြန်တောမယ်ဆရာရေ... နွေရောက်ရင် မိန်းမတွေကို သီလရှင်ဝတ်ပေးမယ်။ အဖေတူ အမေကွဲ သားသမီးတွေ အားလုံးကို စုပေါင်းရှင်ပြုပေးမယ်။ ပွဲစားကြီးဦးကျော်ခေါင် မိသားစုသီးသန့် စုပေါင်းနားသ အလှူတော် မင်္ဂလာပေါ့။ အဲဒီအခါကြရင် ဆရာ့ကို ဖိတ်လိုက်ဦးမယ် ဆရာရေဟု ကျွန်ုပ်အား နှုတ်ဆက်၍ ကျွန်ုပ်၏ ဗေဒင်ဟောခန်းအတွင်းမှ တဟားဟား အော်ရီကာ ပျော်ရွှင်တက်ကြွသော ခြေလှမ်းများဖြင့် ပြန်သွားလေတော့သတည်း။