အင်္ဂါသားသမီးများအတွက် ကံကောင်းသော အခါရွေးချယ်ပေးခြင်း

တစ်ခုသော တနင်္ဂနွေနေ့၌ ကျွန်ုပ်သည် လွန်စွာရင်းနှီးသော မိတ်ဆွေလင်မယားနှစ်ဦးမှ ဖိတ်ကြားထားသော ကလေးကင်ပွန်းတပ် တစ်ခုသို့ သွားရောက်ခဲ့လေ၏။ ကျွန်ုပ် သွားရောက်သော အချိန်တွင် ဘုန်းတော်ကြီး ဆွမ်းကပ်နေသော အချိန် ဖြစ်၏။ ကျွန်ုပ်လည်း အလှူရှင်များနှင့် အတူ ၀င်ရောက်၍ ကုသိုလ်ယူရင်း ၀ိုင်းဝန်း၍ ဆွမ်းကပ်၏။ အလှူရှင်များနှင့်အတူ အလှူတော်ငွေများ ထည့်ဝင်၏။ ထို့နောက် အလှူရှင်များနှင့်အတူ ရေစက်အတူချ တရားအတူနာ အမျှအတန်းပေးဝေ၏။ ဆရာတော်များသည် ဆွမ်းဘုန်းပေး တရားတော်များကို ချီးမြင့် ရေစက်ချပြီး ပြန်ကြွသွားလေ၏။

ကျွန်ုပ်တို့ကိုလည်း ဘုန်းတော်ကြီးများ ဆွမ်းဝိုင်းအကျများကို အိမ်ရှင်များမှ ကြွေးမွေးဧည့်ခံလေ၏။ အလှူရှင် လင်မယားနှစ်ဦးမှ ကိုဟိန်းတင့်ဇော် နေဦနော် အေးဆေးပေါ့ဟု အေးဆေးမှ ပြန်နော်ဟု ပြောသဖြင့် ကျွန်ုပ်ကလည်း ရပါတယ်ဗျာ။ လုပ်ပါလုပ်ပါ။ ကျွန်တော့်အတွက် စိတ်အနှောက်အယှက် မဖြစ်ပါနဲ့ဟု ပြန်ပြောလိုက်လေ၏။

ကျွန်ုပ်တို့ ခေါင်းရင်းဘက်ဝိုင်းတွင် ကျွန်ုပ်နှင့် တစ်ဝိုင်းတည်း ထိုင်နေကြသော သူ ၄-ဦးရှိ၏။ အသက်၄၅-နှစ်ခန်ရှိသော လင်မယားနှစ်ဦးနှင့် အသက် ၃၀လောက်ရှိသော အမျိုးသားတစ်ဦးဖြစ်လေ၏။ ကျွန်ုပ်အပါအ၀င် လူလေးဦး ၀ိုင်းထိုင်နေခြင်း ဖြစ်လေ၏။ လင်မယားနှစ်ဦးအနက်မှ အမျိုးသား ဖြစ်သူသည် ကျွန်ုပ်အား မကြာခန ဆိုသလို လှမ်းလှမ်း၍ အကဲခပ်ကြည်လေ၏။ အနည်းငယ်ကြာသောအခါတွင်လည်း အလှူရှင်အိမ်တွင် လူအနည်းငယ် ရှင်းသွားပြီဖြစ်၏။ တရားနာလာသော သူများသည်လည်း အလုပ်ဆင်းမီ ပြန်သွားကြပြီ ဖြစ်၏။ ထို့ကြောင့် အလုပ်ရှင်အိမ်တွင် အလှူရှင်မိသားစုနှင့် ကျွန်ုပ်အပါအ၀င် ဧည့်သည် လေးငါးယောက်လောက် သာ ရှိလေ၏။ အလှူရှင်ဖြစ်သူလည်း အခုမှ အနည်းငယ် အားလပ်သဖြင့် ကျွန်ုပ်တို့ ၀ိုင်းသို့ လာရောက်ထိုင်ရလေ၏။

အလှူရှင် ကိုအောင်ဝင်းက ကျွန်ုပ်တို့ ၀ိုင်းသို့ လာရောက်ထိုင်ရင်း ကျွန်ုပ်ရှေ့မှ လင်မယားနှစ်ဦးအား ကျွန်ုပ်နှင့် မိတ်ဆက်ပေးလေ၏။ ဒါက ဆရာကြီးမင်းသိင်္ခတပည့် ဗေဒင်ဆရာ ကိုဟိန်းတင့်ဇော်လေဟု မိတ်ဆက်ပေးလေ ၏။ အစောနကတည်းက ကျွန်ုပ်အား မကြာမကြာ အကဲခတ်နေသော ထိုသူသည် ကျွန်ုပ်ကို ဗေဒင်ဆရာဖြစ် သည်ဟု ကြားလိုက်ရသည်နှင့် တပြိုင်နက် ၎င်း၏ မျက်ခုံးနှစ်ဘက်သည် အနည်းငယ် မြင့်တက်သွားပြီး အံ့သြ သွားပုံရလေ၏။ ကျွန်ုပ်ကလည်း ၎င်းအား ဖော်ရွှေစွာဖြင့် ဟုတ်ပါတယ်ဗျာ။ မဟာချိုင်နေ၀စ်မှာ နေပါတယ်။ နေ၀စ်ဘက်ကို ရောက်ရင် ၀င်လည်လို့ ရပါတယ်။ ဖိတ်ခေါ်ပါတယ်ဟု ပြန်လည် နှုတ်ဆက်လိုက်၏။

၎င်းအမျိုးသားသည် ကျွန်ုပ်က ခင်မင်စွာဖြင့် ဖိတ်ခေါ်သော်လည်း ကျွန်ုပ်အား ခပ်တည်တည်ဖြင့် ကြည့်လိုက်ကာ အေးဗျ.... ကျွန်တော်ကတော့ ဗေဒင်တွေဘာတွေ တစ်ခါဘူးမှ မမေးဘူးပါဘူး။ ဒါပေမယ့် ကျွန်တော့် သူငယ်ချင်း အသိတွေ ဗေဒင်တွေဘာတွေ သွားမေးရင်းနဲ့တော့ အဖော်လိုက်သွားဖူးပါတယ်။ ရန်ကုန် မှာနေတုန်းကလည်း ခင်ဗျားတို့ ဆရာမင်းသိင်္ခရဲ့ တပည့်တွေဆီကို လိုက်သွာလို့ ရောက်ဖူးပါတယ်။ ဒါပေမယ့် ကျွန်တော်က မေးတာတော့ မဟုတ်ပါဘူး။ အဖော်လိုက်သွားရင်း ရောက်ဖြစ်တာပါဟု ခပ်တည်တည်ဖြင့် ပြန်ပြောလေ၏။

ထို့နောက် ၎င်းက ဆက်လက်၍ ကျွန်တော် ဗေဒ်ဆရာတွေနဲ့ ပါတ်သက်လို့ နည်းနည်း အစာမကြေတဲ့ဟာလေး ရှိတယ်ဗျ။ အဲဒါကို ခင်ဗျားနဲ့ တွေ့တုန်း နည်းနည်လောက် ပြောလို့ရမလားဟု ပြန်မေးလေ၏။ ထိုအခါ ကျွန်ုပ်က မိတ်ဆွေကြီးက ကျွန်တော်ဆီမှာ ဗေဒင်လာမေးဘူးလို့လားဟု ပြန်မေးလိုက်လေရာ ၎င်းက မမေးဘူးပါဘူး။ ဒါပေမယ့် ဗေဒင်ဆရာတွေနဲ့ ပါတ်သက်တဲ့ ကိစ္စဆိုတော့ ဗေဒင်ဆရာကို ပြောတာ ပိုကောင်းမလားလို့ဗျ။ ပြောလို့ ရရ မရရ နည်းနည်းလောက်တော့ ပြောမယ်ဗျာဟု အားမနာတမ်း ပြောလေတော့၏။ ထိုအခါ အလှူရှင် ကိုအောင်ဝင်းကလည်း ကျွန်ုပ်အား အားနာသော မျက်လုံးများဖြင့် လှမ်းကြည့်လေ၏။

ထိုအခါ ကျွန်ုပ်ကလည်း ဒီနေ့ ကျွန်တော်လာတာက ကိုအောင်ဝင်းတို့ အလှူကို လာတာပါဗျာ။ မိတ်ဆွေကြီး စကားပြောချင်တယ် မေးချင်တယ်ဆိုရင်တော့ ကျွန်တော့်အခန်းကို လာခဲ့ပါ။ ကျွန်တော် ခင်ဗျားကို ကော်ဖီတစ်ခွက်ဖျော်တိုက်ပြီး ခင်ဗျား ပြောတဲ့စကားတွေကို အေးအေးဆေးဆေး နားထောင်ပေးပါ့မယ်ဟု ပြန်ပြောလိုက်လျှင် ၎င်း မသိဆိုးဝါးလှသော ဧည့်သည်က. ကျွန်ုပ် ပြန်ပြောသည်ကို အရေး မစိုက်သော အမူအယာဖြင့် ဆက်လက်၍ ကျွန်ုပ်အား အောက်ပါအတိုင်း တရစတ် ပြောချလေတော့၏။

အမှန်အတိုင်းပြောရရင် ကျွန်တော့ ဗေဒင်ဆရာတွေဆီကိုသွားရင် သူတို့ဘာတွေပြောတာလဲ နားထောင်ကြည့် တယ်။ ဘာတွေ ပြောကြလဲဆိုတော့ တစ်ချို့ ယတြာတွေကို ပြောပြပြီး ဘယ်လိုဖြစ်အောင် လုပ်လို.့ရတယ် ဒီလိုဖြစ်အောင် လုပ်လိုရတယ်ဆိုပြီးတော့ ပြောတာတွေ့ရတယ်။ သူ့ဘာသူနေတဲ့ တစ်ယောက်ကိုလည်း လုပ်လုိ့ ရတာဘဲလား။ ဆရာကြီးရဲ့ တစ်ချို့တပည့်တွေနဲ့ လည်း သူငယ်ချင်းတွေ သွားဗေဒင်မေး ယတြာချေနဲ့လုပ်တော့ လိုက်သွားရင်း တွေ့ဘူးတဲ့ ဆရာတစ်ချို့ လည်း ရှိခဲ့ဘူးပါတယ်။ တွေ.ဖူးတဲ့သူ အားလုံးနည်းပါးက မှားခြင်း မှန်ခြင်းဆိုတာထက် ဗေဒင်လာမေးသူ စိတ်ကြိုက်လုပ်ပေးလေ့ရှိတာကို တွေ့ဘူးပါတယ်။

ငါ့ကိုလာ မပြိုင်နဲ. ငါ့ပညာနဲ့ လုပ်လိုက်နိုင်တယ်ဆိုတဲ့ ဆရာတွေ များပါတယ်။ အားလုံးက အပြိုင်ဖြစ်ရင် အနိုင်လိုချင်ကြတဲ့ လူတွေကြီး ပါ။ လာမေးတဲ့ လူတစ်ယောက်ထဲရဲ့ အပြောမှာ ဗေဒင်ဆရာတွေက အမှန်လို့ အတည်ယူပြီး အနိုင်ရအောင် လုပ်ပေးကြတာ တကယ်တရားမျှတပါရဲ့လား။ တကယ်တော့ ခင်ဗျားတို့ ဗေဒင်ဆရာတွေဆိုတာ တနည်းအားဖြင့် စိတ်ရောဂါကု ဆရာဝန်တွေနဲ့ အတူတူပါဘဲ။ တစ်ခါတစ်လေ ဗေဒင်ဆရာတွေရဲ့ စကားတစ်ခွန်းက စိတ်ဓါတ်ကျသွားနိုင်စေသလို စိတ်ဓါတ်ကိုမြှင့်တင်ပြီးပေးပြီး ဘ၀ခွန်အားကိုလည်း တက်စေတယ် မဟုတ်လားဟု ကျွန်ုပ်အား ပြောလေ၏။

ထိုအခါ ကျွန်ုပ်လည်း ၎င်း၏စကားကို မည်သို့ ပြန်လည်ချေပပြောဆိုရမည်ကို မသိအောင် ဖြစ်သွားမိ၏။ မည်သို့ ရှင်းပြရမည်ကို နားမလည်နိုင် ဖြစ်မိ၏။ တစ်ချို့ စကားလုံးများသည် မရှင်းလင်းတာကပင် ကောင်းသေး၏။ ရှင်းပြလိုက်ကာမှ ပိုမို၍ ရှုပ်ထွေးသွားတတ်၏။ ထို့ကြောင့် ကျွန်ုပ်သည် ထိုလူအားမည်သို့ ပြန်ပြောရမည်ကို လုံးဝမတတ်သောကြောင့် မျက်လုံးကြီး အကြောင်သားဖြင့် ကြည်နေမိတော့၏။

ထိုအချိန်တွင် ကျွန်ုပ်တို့ ၀ိုင်းထဲတွင် တစ်ချိန်လုံး ငြိမ်၍ ထိုင်နားထောင်နေသော အမျိုးသားက ကျွန်ုပ်တို့ စကားဝိုင်းကို ၀င်ရောက်လာပြီးလျှင် ကျွန်ုပ်အားပြောသော အမျိုးသားကြီးကို အောက်ပါအတိုင်း လှမ်းပြောလိုက်လေ၏။

အော်... ခင်ဗျားမလဲ ဗေဒင်ဆရာကို ဘာတွေ သွားပြောနေတာတုံး။ ဗေဒင်ဆရာလဲ ဆရာဝန်လိုပဲပေါ့ဗျာ။ ဆရာဝန်တွေလည်း တစ်ခါတလေ လူနာတွေကို မပြောချင်တဲ့ စကားကို ပြောရတာပဲမဟုတ်လား။ ခင်ဗျား ရုပ်ရှင်တွေထဲမှာ မတွေ့ဘူးလား။ လုံးဝသေတော့မယ့် လူနာတစ်ဦးကို ဆရာဝန်က ဘာမှ မပူပါနဲ့။ သေချာပေါက် ခင်ဗျာ အသက်ရာကျော် နေရမယ်လို့ ပြောတာ တွေ့ဘူးလို့လား။ မသိမသာလေး ခေါင်းခါပြလိုက်တာ မဟုတ်လား။ ဗေဒင်ဆရာတွေလည်း ဒီလိုပေါ့ဗျာ။ တစ်ခါတလေကြတော့လည်း မကောင်းတဲ့ စကားတွေကို တော့ ဘယ်ပြောချင်ပါ့မလဲ။ ဒါပေမယ့် ဗေဒင်ဆရာဘက်ကလည်း ကြည့်ကြည့်ဦးလေ။ မပြောချင်ပေမယ့် မျက်လုံးမှိတ်ပြီး ပြောလိုက်ရတာပဲ မဟုတ်လား။

နောက်ယတြာကတော့ ဆရာကလည်း အမျိုးမျိုး ရှိတာပဲ မဟုတ်လား။ နောက် တစ်ခု စဉ်းစားကြည့်ရမှာက ဗေဒင်ဆရာတွေက အိမ်တကာ လှည့်ပြီး မဟုတ်တာတွေ လိုက်လုပ်ပေးတဲ့ ဆရာတွေကြတော့ တစ်မျိုးပေါ။့ ကိုယ်ရဲ့ ဗေဒင်ဟောခန်းမှာ ကိုယ့်ဘာသာ အေးအေးဆေးဆေးနေပြီး လာပြီးအကူအညီတောင်း ကြတာလေ။ သူက ကိုယ့်ဆီကို အကူအညီလာတောင်းတာ။ ဗေဒင်ဆရာရယ် လုပ်ပေးပါလို့လာပြီး အကူအညီတောင်းကြ တာ။

ဗေဒင်ဆရာက ဗေဒင်ဆရာပဲလေ။ တန်ခိုးရှင်မှ မဟုတ်တာ။ ကိစ္စမှန်သမျှ ဖြစ်စေ အောင်စေဆိုပြီး လုပ်ပေးလို့ မရပါဘူး။ နောက်ပြီး ကိုယ့်ဘာသာ အေးအေးဆေးဆေးနေတဲ့ လူတိုင်းကိုလည်း လိုက်လုပ်လို့ မရပါဘူး။ ကိုယ်နဲ့ ပါတ်သက်တဲ့ ကိစ္စတွေလောက်ကိုသာ လုပ်လို့ရတာပါ။ နောက်ပြီး ဗေဒင်ဆရာတွေဟာ တွေ.ဖူးတဲ့သူ အားလုံးနည်းပါးက မှားခြင်း မှန်ခြင်းဆိုတာထက် ဗေဒင်လာမေးသူ စိတ်ကြိုက်လုပ်ပေးလေ့ရှိတာကို တွေ့ဘူးတယ်။ ငါ့ကိုလာ မပြိုင်နဲ. ငါ့ပညာနဲ့ လုပ်လိုက်နိုင်တယ်ဆိုတဲ့ ဆရာတွေ များပါတယ်။ အားလုံးက အပြိုင်ဖြစ်ရင် အနိုင်လိုချင်ကြတဲ့ လူတွေကြီးပါ။

လာမေးတဲ့ လူတစ်ယောက်ထဲရဲ့ အပြောမှာ ဗေဒင်ဆရာတွေက အမှန်လို့ အတည်ယူပြီး အနိုင်ရအောင် လုပ်ပေးကြတာ တကယ် တရားမျှတပါရဲ့လားဆိုတာကတော့ ဗေဒင်ဆရာတိုင်း အဲလို မဟုတ်ပါဘူးဗျာ။ ဗေဒင်ဆရာတွေဆိုတာကလည်း ဘာသာရေးကို တန်ဖိုးထားတဲ့ လိုက်စားတဲ့ ဆရာတွေ အများကြီးရှိပါတယ်။ ကိစ္စတစ်ခု လာတိုင်ပင်တာနဲ့ ဒါဟာ သင့်တော်သလား မသင့်တော်တဲ့ ကိစ္စလားဆိုတာ မစဉ်းစားပဲ နေပါ့မလား။ သူတို့လည်း စဉ်းစားမှာပေါ့။ မဟုတ်ဘူးလား ဆရာရယ် ဟု ကျွန်ုပ်ဘက်သို့ လှည့်ကာ စစ်ကူတောင်းရင်း ကျွန်ုပ်၏ ရှေ့မှ လူကြီးအားလှမ်း၍ ပြောလိုက်လေ၏။

ထိုအခါ ကျွန်ုပ်ကလည်း ယောင်တောင်တောင်ဖြင့် ဗျာ ....... အော် .... ဟုတ်ပါတယ် ။ ဟုတ်ပါတယ်ဟု ကြောင်တောင်တောင်ဖြင့် ပြန်လည်၍ ခေါင်းညိတ်လိုက်မိ၏။ ထိုအချိန်တွင် ကျွန်ုပ်၏ ဗေဒင်ဟောခန်းတွင် ဧည့်သည်တွေ စောင့်နေကြကြောင်း ဖုံးဆက်လာသဖြင့် ကျွန်ုပ်လည်း အလှူရှင် လင်မယားအား၎င်း ကျွန်ုပ်အား ၀ိုင်းဝန်းကူညီ၍ ပြောပေးသော မိတ်ဆွေအား၎င်း ကျွန်ုပ်၏ ရှေ့တည့်တည့်မှ ကျွန်ုပ်၏ မိတ်ဆွေကြီးအား၎င်း နှုတ်ဆက်ကာ ပြန်လာခဲ့လေတော့၏။

အပြန်တွင် အလှူရှင် ဖြစ်သော ကိုအောင်ဝင်းက စိတ်မရှိပါနဲ့ ဆရာရယ်။ ဒိလူက ဒီလိုပါပဲ။ စိတ်ရင်းတော့ ကောင်းပါတယ်။ စကားအပြောအဆို မတတ်တာလေး တစ်ခုပါပဲဟု ပြောလေ၏။ ထိုအခါ ကျွန်ုပ်က ရပါတယ်ဗျာ။ ကျွန်တော်က သူမေးတာတောင် ကောင်းကောင်း ပြန်ဖြေတတ်တာ မဟုတ်ပါဘူး။ အခုတောင် ကျွန်တော့်ဘေးက မိတ်ဆွေက ကျွန်တော့်ကိုယ်စား ၀င်ပြောပေးလို့ တော်သေးတယ်။ မဟုတ်ရင် ကျွန်တော်တောင် ဘာပြန်ပြောရမှန်း မသိလို့ ချက်ချင်းတောင် ထပြန်ရမလား မဆိုနိုင်ဘူး။ ပြီးတော့ သူလည်း သူမြင်တာကို သူပြောတာ သူလည်း မမှားပါဘူးဗျာ။ မှန်ပါတယ်ဟု ကျွန်ုပ် ပြန်ပြော၍ ဆိုင်ကယ် တက္ကစီငှားကာ ပြန်လာခဲ့လေ၏။

အခန်းသို့ ပြန်ရောက်သောအခါ ဧည့်သည်များကို ဗေဒင်ဟောခြင်း ၊ ယတြာပေးခြင်း စသောအလုပ်များ ပြီးသောအခါ ရေးလက်စ အင်္ဂါသားသမီးများအတွက် ကံကောင်းသော အခါရွေးချယ်ပေးခြင်းစသည်ကို ဆက်လက် ရေးသားပေးလိုက်လေတော့သတည်း။

အင်္ဂါသားသမီးများအတွက် နေ့စဉ်ကံကောင်းစေသောအချိန်များ

	ကံအမြင့်ဆုံးအချိန်	နံက်(၇း၃၀)မှ(၉း၀၀)တွင်း
တနင်္ဂနွေနေ့	ဒုတိယကံမြင့်ချိန်	နံနက်(၁၀း၃၀) မှ (၁၂း၀၀)တွင်း
	တတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	ကံအမြင့်ဆုံးအချိန်	မွန်းလွဲ(၁း၃၀)မှ(၃း၀၀)တွင်း
တနင်္လာနေ့	ဒုတိယကံမြင့်ချိန်	နံနက်(၆း၀၀) မှ (၇း၃၀)တွင်းညနေ(၄း၃၀)မှ ည(၇း၀၀)တွင်း
	တတိယကံမြင့်ချိန်	နံက်(၉း၀၀)မှ(၁၀း၃၀)တွင်း
	ကံအမြင့်ဆုံးအချိန်	နံက်(၉း၀၀)မှ(၁၀း၃၀)တွင်း
အင်္ဂါနေ့	ဒုတိယကံမြင့်ချိန်	မွန်းတည့် (၁၂း၀၀)မှ(၁း၃၀)တွင်း
	တတိယကံမြင့်ချိန်	ညနေ(၃း၀၀)မှ(၄း၃၀)တွင်း
	ကံအမြင့်ဆုံးအချိန်	ညနေ(၃း၀၀)မှ(၄း၃၀)တွင်း
ဗုဒ္ဓဟူးနေ့	ဒုတိယကံမြင့်ချိန်	နံနက်(၇း၃၀) မှ (၉း၀၀)တွင်း
	တတိယကံမြင့်ချိန်	နံက်(၁၀း၃၀)မှ(၁၂း၀၀)တွင်း
့	ကံအမြင့်ဆုံးအချိန်	နံက်(၁း၃၀)မှ(၁၂း၀၀)တွင်း
ကြာသပတေးနေ	ဒုတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
့	တတိယကံမြင့်ချိန်	နံက်(၆း၀၀)မှ(၇း၃၀)တွင်းညနေ(၄း၃၀)မှ ည(၇း၃၀)တွင်း
	ကံအမြင့်ဆုံးအချိန်	နံက်(၆း၀၀)မှ(၇း၃၀)တွင်းညနေ(၄း၃၀)မှည(၇း၃၀)တွင်း
သောကြာနေ့	ဒုတိယကံမြင့်ချိန်	နံနက်(၉း၀၀) မှ (၁၀း၃၀)တွင်း
	တတိယကံမြင့်ချိန်	မွန်းတည့်(၁၂း၀၀)မှ(၁း၃၀)တွင်း
	ကံအမြင့်ဆုံးအချိန်	မွန်းတည့်(၁၂း၀၀)မှ(၁း၃၀)တွင်း
စနေနေ့	ဒုတိယကံမြင့်ချိန်	ညနေ(၃း၀၀)မှ(၄း၃၀)တွင်း
	တတိယကံမြင့်ချိန်	နံက်(၇း၃၀)မှ(၉း၀၀)တွင်း

Thursday, August 4, 2011