ဆန္ဒပြည့်ဝစေဖို့ ကောင်းမှုယတြာပြုကြစို့.....

မိုးဥတု၏ တစ်ခုသော မိုးဖွဲဖွဲလေး ရွာသွန်းနေသော နေ့လေးတစ်နေ့၌ ကျွန်ုပ်သည် ထိုင်းနိုင်ငံ မဟာချိုင်မြို့ရှိ ကျွန်ုပ်၏ ဗေဒင်ဟောခန်းအတွင်းတွင် တစ်ယောက်တည်း ဟောစာတမ်းများကို ပရင့်ထုပ်ပြီးနောက် စာအုပ်ချုပ် နေ၏။ ထိုအချိန်တွင် လွန်ခဲ့သော လအနည်းငယ်က ဗေဒင်မေး ယတြာချေဘူးသော ကိုမောင်မောင်ဆိုသူသည် အခန်းအတွင်းသို့ ၀င်ရောက်လာလေ၏။ ကိုမောင်မောင်သည် အခန်းအတွင်းသို့ ရောက်လာပြီးလျှင် ဘုရားဝတ်ပြုပြီးနောက် ဆရာသမား ဘာတွေ အလုပ်ရှုပ်နေတာလဲဟု ကျွန်ုပ်အား နှုတ်ဆက်ရင်း ကျွန်ုပ်အနားသို့ လာထိုင်လေတော့၏။ ထိုအခါ ကျွန်ုပ်က

ဟောစာတမ်းစာအုပ်တွေ လုပ်နေတာပါဗျာ။ ရက်ချိန်အတိုင်း သူတို့ကို အချိန်မီ လုပ်ပေးရမယ်ဟု ပြန်ပြောလိုက်လေ၏။ ထို့နောက် ကိုမောင်မောင်က ဒါတွေက ဆရာကိုယ်တိုင် လုပ်နေတာလား။ ကျွန်တော်က ဆရာ့ ဆိုင်မှာ သွားလုပ်ယူတယ် မှတ်လို့။ ဟိုတလောတုန်းက ကျွန်တော့် အခန်းဘေးကပ်ရက်က ကောင်မလေး ကို ဆရာ ဘ၀တစ်သက်စာ ဟောစာတမ်း လုပ်ပေးလိုက်တာ ကျွန်တော့်ကို ပြတယ်။ ဆရာ ရေးထားတာ တော်တော်လေး စုံနေတာပဲ။ ကျွန်တော်ကြည့်လိုက်တာ စာမျက်နှာ (၅၀) ကျော်မယ်ထင်တယ်။ ကျွန်တော်ထင်တာက ဆရာက စာအုပ်ချုပ်တဲ့ဆိုင်မှာ သွားလုပ်တာ ထင်နေတာဟု ပြောလေ၏။

ထိုအခါ ကျွန်ုပ်က... ဆိုင်ကို မသွားပါဘူးဗျာ။ ကိုယ်တိုင်ပဲ လုပ်ယူပါတယ်။ ပြီးတော့ သူတို့ ပြန်ပြီး ပူဇော်တဲ့ ပညာပူဇော်ခလေး သုံးလေးရာလောက်ကို ကျွန်တော်က ဆိုင်မှာသွားလုပ်ရင် ဆိုင်ကို ပေးလိုက်ရလို့ ကျွန်တော် မသုံးလိုက်ရပဲ ဖြစ်သွားမှာပေါ့။ ဒါကြောင့် ကျွန်တော် ဟိုတလောက Brother အမျိုးအစား ပရင့်တာလေး တစ်လုံးကို သွားဝယ်လာခဲ့တယ်။ ပြီးတော့ အဲဒါလေးနဲ့ ကြိုးစားပြီး ကိုယ့်ဘာသာ ထုပ်တာပေါ့ဗျာ။ တစ်နေ့ကို အများကြီးလည်း ထုပ်လို့လည်း မရဘူးကိုးဗျ။ ပရင့်တာလေးက သေးသေးလေးဆိုတော့ ဟု ကျွန်ုပ်က ပြန်ပြောလိုက်လေ၏။ ထိုအခါ ကိုမောင်မောင်က....

အဲဒီလို ကိုယ်တိုင် လုပ်နေရတော့ ဆရာပင်ပန်းတာပေါ့ ဆရာရဲ့။ တစ်နေ့တစ်နေ့ ဆရာ့ကို ကြည့်လိုက်ရင် ကိုယ့်အခန်းကို လာပြီး ဗေဒင်မေးတဲ့ လူတွေကိုလည်း ဟောပေးရတယ်။ ကျွန်တော့်စိတ်ထင် တစ်နေ့ကို အနည်းဆုံး ဆယ့်ငါးယောက်လောက်တောင် ရှိမယ်တော့ ထင်တယ်။ နောက်ပြီး အခက်အခဲရှိတဲ့ လူတွေ ယတြာလာချေရင်လည်း အနည်းဆုံးတစ်ယောက်ကို တစ်နာရီလောက် အချိန်ယူပြီး ယတြာလုပ်ပေးရသေး တယ်နော်။ နောက်ပြီး အင်တာနက်ကနေလည်း ဗေဒင်ဟောစာတမ်းမှာတဲ့ လူတွေကိုလည်း ၅-ရက်နဲ့ အပြီး ပို့ပေးရသေးတယ်။ နောက်ပြီး ဗေဒင်ပညာ ၀ါသနာပါတဲ့ ကလေးတွေကိုလည်း သူတို့အားရက်တွေလာရင် ဗေဒင် သင်ပေးရသေးတယ်ဆိုတော့ ဆရာ့မှာ အားချိန်နားချိန်ရယ်လို့ကော ရှိသေးရဲ့လား ဆရာရယ်ဟု ပြန်ပြောလေ၏။

ထိုအခါ ကျွန်ုပ်က ကိုမောင်မောင်အား ဒီလိုရှိပါတယ် ကိုမောင်မောင်ရယ်။ ကျွန်တော်တို့ အသက်အရွယ်အရ ဆိုရင်တော့ အားချိန်နားချိန်ဆိုတဲ့ စကားကို သိပ်ပြီးပြောလို့ မကောင်းပါဘူး။ ကျွန်တော်တို့ရဲ့ ဆရာသခင်ဖြစ်တဲ့ အဘမင်းသိင်္ခဟာဆိုရင် တစ်နေ့မှာ နှစ်နာရီလောက်ပဲ အိပ်ပြီး နောက်ဆုံးအချိန်တွေအထိ အလုပ်တွေ လုပ်သွားခဲ့တာ။ အဘမင်းသိင်္ခ အားတဲ့အချိန် နားတဲ့အချိန်ဆိုတာ မရှိသလောက်ပါပဲ။ ဒါကြောင့် အဘမင်းသိင်္ခလို အေးအေးဆေးဆေး နားနားနေနေ နေလို့ရတဲ့ ပုဂ္ဂိုလ်ကြီးတောင် မနားမနေ အလုပ်လုပ်ခဲ့သေးရင် ကျွန်တော်တို့လို သုညဘ၀ကူတွေက ပိုလို့တောင် အလုပ်လုပ်ရဥိးမယ် မဟုတ်လားဗျာ။ မြန်မာ စကားပုံတစ်ခုတောင် ရှိတာပဲ။ ဘာတဲ့ ရင်လောက်တင်မှ ခါးလောက်ကျဆိုတာလေဟု ကျွန်ုပ်က ကိုမောင်မောင်အား ပြန်ပြောလိုက်လေလျှင် ကိုမောင်မောင်က....

ဒါနဲ့ ဆရာဆောင်ရွက်ပေးတဲ့ ဟောစာတမ်းစာအုပ်က တော်တော် စုံတယ်နော်။ စာမျက်နှာ (၅၀) ကျော်တောင် ပါတယ်ဆိုတော့။ အဲဒီဟောစာတမ်းကြီးကိုလည်း ဘယ်နည်းနဲ့ လုပ်ပေးတာလဲဟု ပြန်မေးလေ၏။ ထိုအခါ ကျွန်ုပ်က....

ဒီဟောစာတမ်းကလည်း ကျွန်တော်တို့ရဲ့ အဘမင်းသိင်္ခရဲ့ မူနဲ့ပဲ လုပ်ပေးတာပါ။ အဘမင်းသိင်္ခရှိစဉ်တုန်းက အဲဒီလို ဟောစာတမ်းမျိုးကို လိုချင်တဲ့ လူတွေက မရမ်းတလင်းယတြာမြေကို တကူးတက သွားပြီး လုပ်ကြရတာ။ တစ်လတောင် အချိန်ပေးရတယ်။ ပထမတစ်ခေါက်က အပ်ခဲ့ရတာ။ နောက်တစ်လကြာတော့ မှ သွားပြီး ယူရတာဗျ။ အဘက တပည့်တွေကို အဲဒီမူတွေကို ပေးထားခဲ့တာ။ အခု ကျွန်တော် လုပ်ပေးနေတာလည်း အဲဒီမူနဲ့ လုပ်ပေးနေတာပါဗျ။ ဒါပေမယ့် ကျွန်တော် အခုလုပ်ပေးတဲ့ ဟောစာတမ်းကြိး ကြတော့ နောက်ပိုင်းမှာ ယတြာတွေ ထည့်ပေးလိုက်တာဗျ။ ဒါကြောင့် ဟောစာတမ်း စာအုပ်က အဲဒီလောက် ထူသွားခဲ့တာဟု ကျွန်ုပ်က ပြေန်ပြောလိုက်လေ၏။

ဘယ်လို ပညာရပ်တွေနဲ့ လုပ်ပေးတာလဲဆရာသမားဟု ကိုမောင်မောင်က မေးပြန်လေ၏။ ထို့ကြောင့် ကျွန်ုပ်က ဘယ်လိုပညရပ်တွေ အသုံးပြုသလဲဆိုတော့ ကျွန်တော်တို့ မြန်မာ့ရိုးရာ မဟာဘုတ်ဗေဒင်ပညာရယ်၊ နာမက္ခရတိုင်ရယ်၊ ဆန်းဗေဒင်ရယ်၊ နျူမရော်လော်ဂျီလို့ ခေါ်တဲ့ ဂဏန်းဗေဒင်ပညာရယ်၊ တာရော့ပညာတွေ ရယ်၊ သုံးတန်ပေါ်နိစ်ဗေဒင်ပညာရယ်၊ နောက် ယတြာပညာရပ်တွေရယ်ပေါ့ဗျာ။ အဲဒါတွေနဲ့ ရေးရတာပေါ့။ ရေးတဲ့အခါမှာဆိုရင် မေးတဲ့သူအတွက် ပြည့်စုံအောင် ကောင်းမွန်အောင် စေတနာအရင်းခံပြီး ရေးရတာပေါ့။ လိုအပ်ချက်တွေ တပ်နိုင်သလောက် နည်းအောင် ရေးပေးရတာပေါ့ဗျာ။ နောက်ပြီး သူတို့ရဲ့ ဘ၀အစကနေ အဆုံးအထိ အိမ်ထောင်ရေး ကျန်းမာရေး စီးပွားရေး ဆောင်ရန်ရှောင်ရန်တွေကို အကုန်ထည့်ရေးပေးရတာပေါ့ ဗျ။ တော်တော်များများကလည်း သဘောကျကျပါတယ်ဗျာဟု ပြန်ပြောလိုက်လေ၏။

မသိလို့ မေးတာဆရာသမားရဲ့။ အင်တာနက်ကနေ ဗေဒင်မေးတဲ့ လူတွေကိုကော ဒိလို ဟောစာတမ်းမျိုး လုပ်ပေးတာပဲလားဟု မေးပြန်လေ၏။ ဟာ လုပ်ပေးတာပေါ့ဗျာ။ အင်တာနက်က မေးတဲ့ လူတွေကြတော့ နှစ်ပိုင်းခွဲပြီး လုပ်ပေးရတာ။ တစ်ပိုင်းကျတော့ ဟောစာတမ်းပိုင်းပေါ့။ ဟောစာတမ်းကိုကျတော့ အစောနပြော ခဲ့သလို ပြည့်ပြည့်စုံစုံ လုပ်ပေးတာပါပဲ။ နောက်တစ်ပိုင်းကြတော့ လတ်တလော အခက်အခဲကြုံတွေ့ နေရတဲ့ ကိစ္စတစ်ခု ပိုလာတာပေါ့ကွာ။ အိမ်ထောင်ရေး စီးပွားရေး လူမှု့ေ၇း အစစအရာရာ သိချင်တဲ့ ကိစ္စတွေကို မေးထားတာတွေကိုလည်း သိးသန့်တစ်ပါတည်း ပြန်ဖြေပေးရတာလည်း ရှိတာပေါ့ဟု ကျွန်ုပ်က ပြောလိုက်လေ၏။
ိ
ထိုအခါ ကိုမောင်မောင်က ဒါနဲ့ ဆရာ အင်တာနက်က ဗေဒင်မေးတဲ့ လူတွေဆီကရော ဆရာ့ရဲ့ ပညာပူဇော်ခကို ပေးကြရဲ့လားဟု မေးလေ၏။ ထိုအခါ ကျွန်ုပ်က ဟာ... ပေးတာပေါ့ကွ။ အားလုံးနည်းပါးကို ပေးကြတယ်။ နည်းလမ်းပေါင်းစုံနဲ့ ကို ပို့ပေးကြတယ်ကွ။ ရပါတယ်ဗျာ။ အေးအေးဆေးဆေးပေါ့လို့ ငါက ပြောတာတောင် မရဘူးကွ။ သူတို့က ပြောတယ်။ ဆရာရယ်တဲ့ ။ဆရာက ဗေဒင်ပညာတစ်ခုတည်းနဲ့ ချို့ချို့တဲ့တဲ့ ရပ်တည်နေ၇တဲ့ ဆိုပြီး ငါ့ကို သနားလို့နဲ့ တူပါတယ်ကွာ။ အားလုံးက အဆင်ပြေသလို ပို့ပေးကြပါတယ်ဟု ကျွန်ုပ်က ပြန်ပြောလိုက်လေ၏။ ထိုအခါ ကိုမောင်မောင်က...

ကောင်းပါတယ်ဆရာရယ်။ နောက်မှ ကျွန်တော်တို့ မိသားစုအတွက်လည်း ဟောစာတမ်းလာလုပ်ပါဦးမယ်။ အခုလောလောဆယ်တော့ ကံဇာတာကောင်းမွန်စေတဲ့ ယတြာတစ်ခုလောက် လမ်းညွန်လိုက်ပါဦး ဆရာ။ အခုတလော ဘာပဲလုပ်လုပ် နည်းနည်းလေး ကသိကအောက်ဖြစ်နေတယ်။ ဒါကြောင့် ဆရာ့ဆီကို ရောက်လာခဲ့တာပါဟု ပြန်ပြောလေသောကြောင့် ကျွန်ုပ်လည်း အောက်ဖော်ပြပါ ယတြာကို ကိုမောင်မောင်ဆို သူအား ညွန်ပြပေးလိုက်လေတော့၏။

အခုငါပြောတဲ့ ယတြာကတော့ ကောင်းမှု့ယတြာပေါ့ကွာ။ အတိဒုက္ခ ရောက်နေတဲ့အချိန်တွေ၊ ကိုယ်စိတ်နှစ်ပါး ဆင်းရဲ၊ လုပ်သမျှအဆင်မပြေ ၊ ဘာလုပ်လုပ် အခက်အခဲ ကြုံတွေ့နေရတဲ့ အချိန်တွေမှာ အင်္ဂ၀ိဇ္ဇာ အတတ်ပညာမှာ လာတဲ့ နည်းနဲ့ ကုသိုလ်ကောင်းမှုယတြာ လုပ်တဲ့အတွက် မကောင်းတဲ့ အညံ့အဆိုးတွေ ပြေပျောက်သွားတယ်။ လွတ်မြောက်သွားတယ်။ မိမိဘ၀ ။ မိမိမိသားစု တိုးတက်အောင်မြင်သွားတယ်။ ကံဇာတာမြင့်မားစေတယ်ကွ။ ပညာရပ်စကားနဲ့ ပြောရမယ်ဆိုရင်တော့ နေ့သားတစ်ဦးတစ်ယောက်ဟာ မိမိရဲ့ တြိရန်းနေ့မှာ စတုရန်းအရပ်၌ မိတ်နံကိုဆောင်၍ သတ်မှတ်ထားတဲ့ အလှူဒါနကို ဆောင်ရွက်ရမယ်လို့ ဆိုထားတယ်။

ဒီယတြာနည်းမှာ အသုံးပြုတဲ့ မိတ်နံဆိုတာက “ ဥသာ စိန်ပန်း ဒါန်းလှကိုရှာ ” ဆိုတဲ့ မိတ်ဓာတ်သဘာဝကို အသုံးပြုထားတာ။ အဲဒီ မိတ်ဓာတ်တွေရဲ့ ဂြိုဟ်သက်ကို ပေါင်းကြည့်လိုက်ရင်လည်း ၂၇-ရတယ်။ သတ္တဗီဇ ကျေတဲ့အတွက် မကောင်းတဲ့ အညံ့အဆိုးတွေကနေ ကကျော်လွှားလွတ်မြောက်စေတဲ့ ယတြာအမျိုးအစား ဖြစ်တာပေါ့။ ကဲ... (၇)ရက်သားသမီး အားလုံးအတွက် အသုံးပြုလို့ရအောင် အာလုံးအတွက် ရေးပေးလိုက် တယ်ကိုမောင်မောင်ရေဟု ဆိုကာ ဆန္ဒပြည့်ကောင်းမှု့ယတြာဟု အမည်ပေးထားသော အောက်ဖော်ပြပါ ယတြာကို အားလုံးအတွက် ပြည့်စုံစွာရေးသားပေးလိုက်ရပေသတည်း။


တနင်္ဂနွေသားသမီးများအတွက်...
အင်္ဂါနေ့တွင် သီဟိုဠ်ညွန့် တစ်ညွန့်ကို ဆောင်၍ မိမိနေအိမ်၏ တောင်အရပ်ရှိ ညောင်ပင်အား မိမိအသက်စေ့ ရေသွန်းလောင်းပါ။

တနင်္လာသားသမီးများအတွက်....
ဗုဒ္ဓဟူးနေ့တွင် ရှောက်ညွန့်တစ်ညွန့်ကို ဆောင်၍ မိမိနေအိမ်၏ အနောက်အရပ်တွင်ရှိသော ဘုရားတစ်ဆူဆူ၏ မွေးနံဒေါင့်တွင် ဆွမ်းကပ်လှူပါ။

အင်္ဂါသားသမီးများအတွက်.......
ကြာသပတေးနေ့တွင် သပြေညွန့်ကိုဆောင်၍ မိမိနေအိမ်၏ မြောက်အရပ်တွင်ရှိသော ညောင်ပင်တပင်အား သက်စေ့ရသွန်းလောင်းပါ။

ဗုဒ္ဓဟူးသားသမီးများအတွက်......
သောကြာနေ့တွင် နှင်းဆီပန်းကို ဆောင်၍ မိမိနေအိမ်၏ အနောက်တောင်အရပ်တွင်ရှိသော ညောင်ပင်တပင်အား သက်စေရေ့သွန်းလောင်းပါ။

ကြာသပတေးနေ့သားသမီးများအတွက်.......
စနေနေ့တွင် ဇီးညွန့်ကို ဆောင်၍ မိမိနေအိမ်၏ အရှေ့မြောက်အရပ်တွင်ရှိသော ဘုရားစေတီတစ်ဆူဆူ၏ မွေးနံဒေါင့်တွင် ဆီမီး သက်စေ့ ထွန်းညှိပူဇော်ပါ။

သောကြာနေ့သားသမီးများအတွက်......
တနင်္ဂနွေနေ့တွင် အုန်းညွန့်ကို ဆောင်၍ မိမိနေအိမ်၏ အရှေ့အရပ်တွင်ရှိသော ဘုရားစေတီ တစ်ဆူဆူ၏ မွေးနံဒေါင့်တွင် အုန်းသီးစိပ်လှူပေးပါ။

စနေသားသမီးများအတွက် .....
တနင်္လာနေ့တွင် ရွက်လှညွန့်ကိုဆောင်၍ မိမိနေအိမ်၏ အရှေ့တောင်အရပ်တွင်ရှိသော ဘုရားစေတီတစ်ဆူ ဆူ၏ မွေးနံဒေါင့်တွင် ခရေပန်းကပ်လှူပါ။

အထက်ပါ ကုသိုလ်ကောင်းမှု့ ပြုသောအခါတွင် သတ်မှတ်ထားသော နေ့ရက်များ၏ မိမိတို့ အဆင်ပြေသော မည့်သည့်အချိန်တွင်မဆို ဆောင်ရွက်နိုင်ပါသည်။ အထူးကံမြင့်မားသော အချိန်နှင့် တိုက်ဆိုင်ဆောင်ရွက်ပါက ပိုမိုလျှင်မြန်စွာ ထိရောက်ခြင်းရှိပါသည်။ နေ့သားအလိုက် ကံမြင့် ကံကောာင်းစေသော အချိန်များကို အောက်တွင်ဖော်ပြပေးလိုက်ပါသည်။

နေ့သား.......... အချိန်.

တနင်္ဂနွေ---------- အင်္ဂါနေ့ ၁၀း၃၀ မှ ၁၂း၀၀ ကြား။
တနင်္လာ-----------ဗုဒ္ဓဟူးနေ့ ၁၀း၃၀ မှ ၁၂း၀၀ ကြား။
အင်္ဂါ---------------ကြာသပတေးနေ့ နံက် ၆း၀၀ မှ ၇း၃၀ ကြား။
ဗုဒ္ဓဟူး-------------သောကြာနေ့ နံက် ၁၀း၃၀ မှ ၁၂း၀၀ ကြား။
ကြာသပတေး------စနေနေ့ ညနေ ၆း၀၀ မှ ၇း၃၀ ကြား။
သောကြာ---------တနင်္ဂနွေနေ့ နံက် ၆း၀၀ မှ ၇း၃၀ ကြား။
စနေ--------------တနင်္လာနေ့ ၁၀း၃၀ မှ ၁၂း၀၀ ကြား။

အားလုံးအဆင်ပြေကြပါစေလို့ ဆန္ဒပြုလိုက်ပါတယ်။ စေတနာကောင်းဖြင့်
ဟိန်းတင့်ဇော်
ထိုင်းနိုင်ငံ-မဟာချိုင်မြို့