ငါးပုတ်ခြောက်ဆီဆမ်းနှင့် ပဲနီလေးဟင်းချို

တစ်နေ့သ၌ ကျွန်ုပ်နေထိုင်ရာ မှော်ဘီမြို့အစွန်၊ မရမ်းတလင်းတောစပ်ရှိ အယူတော်မင်္ဂလာဟု အမည်ပေးထားသော ခြံကြီးအတွင်းသို့ ကျွန်ုပ်၏မိတ်ဆွေ ကိုပီတာဆိုသည့် လူကြီးတစဟ်ဦး ရောက်ရှိလာလေ၏။ ကိုပီတာကြီးသည် စိတ်မနှံ့သူတစ်ဦးဖြစ်၏။ အများသူ ငါက အရူးဟုခေါ်ကြသော်လည်း ကျွန်ုပ်မှာမူ ဤမျှလာက်အထိရင့်ရင့်သီးသီး မခေါ်ရက်ရှာပေ။ ကိုပီတာကြီးသည် ကျွန်ုပ်ကို များစွာ ခင်မင်၏။ ကျွန်ုပ်ကလည်း ၎င်းအားခင်မင်လေ၏။ ထို့အတွက် ကျွန်ုပ်က ၎င်းအား သနားမိလေ၏။ ကိုပီတာကြီးသည် ကျွန်ုပ်ကို မြင်လိုက်သည်နှင့်… “ဂွတ်ဒ်မောနင်း ဂွတ်ဒ်နိုက်..” ဟု နှုတ်ဆက်လေ၏။

ကျွန်ုပ်က.. “မနက်စာ ကိုပီတာကြီးကို ကောင်းကောင်းချက် ကျွေးရမယ်၊ ဘာစားချင်သလဲ ပြောဗျာ” ဟု ကျွန်ုပ်က ပြောလိုက်ရာ.. “ပီတာ့ဘဝက သူများကျွေးမှစားရတဲ့ဘဝပါ ငါ့လူရာ၊ အဲဒီ တော့ ဘာစားချင်တယ်ဆိုတာ မပြောတတ်ပါဘူး ကျွေးတာစားပြီး ဝသွားရင် ပြီးတာပဲမဟုတ်လား၊ အဲဒါကြောင့် တစ်ယောက် ယောက်ကများ ဘာစားရမလဲလို့ မေးတဲ့အခါမှာ ဖွယ်ဖွယ်ရာရာ စီကာပတ်ကုံး မပြောတတ်ရိုးအမှန်ပါ၊ အဲဒီတော့ စားချင်တာလေးတွေ ပြောကြည့်မယ်၊


ကဝက်ကင်းဘက်က ငါးသလောက်ကိုရှာဝယ်ပြး မန်ကျည်းမှည့်နဲ့ အချဉ်ဆီပြန်ချက်မယ်၊ ပြီေးတာ့အရည် သောက်အတွက် ပဲနီလေးဟင်းချို ရွှေပဲသီးကို ပုစွန်ဆိတ်နဲ့ ကြော်မယ်၊ ဘူးသီးပြုတ်ကို တို့စရာလုပ်မယ် ငံပြာရည်ကောင်းကောင်းနဲ့ ငံပြာရည်ချက်လုပ်မယ်၊ ပီတာတို့က ဒီလောက်ပဲ ပြောတတ်ပါတယ်၊ ထမင်းစားပြီးရင် ရေနွေးကြမ်းနဲ့မြည်းဖို့က ရွှေကြည်ရယ်၊ အုန်းနှိ့ ကျောက်ကျောရယ်၊ ငှက်ပျောသီးပေါင်းရယ်..ဒါလောက်ပဲ၊ ပြီးရင်တော့ စီးက၇က်တစ်လိပ်လောက်ဖွာချင်တယ်” ဟု ပြောလေတော့ ၏။

ထို့ကြောင့် ကျွန်ုပ်လည်းမှော်ဘီဈေးသို့ ပြေးရလေ၏။ သို့ရာတွင် ခြံအထွက်၌မှာပင် မချိုဆိုသော ဗေဒင်ဆရာမလေးနှင့် တွေ့လေ၏။ မှော်ဘီမြို့၌ပင် ကျွန်ုပ်သင်ပေးသောပညာဖြင့် ဗေဒင်ဟောပြော လျက်ရှိလေ၏။ ထို့ကြောင့် ကျွန်ုပ်သည် ၎င်းအား ဈေးဝယ်ပေးရန် အကူအညီတောင်းရာ ၎င်းက လိုလိုချင်ချင်ပင် ကျွန်ုပ်ကိုယ်စား ဈေးဝယ်သွားလေတော့၏။ မချိုပြန်ရောက်လာသောအခါ၌ ကျွန်ုပ်မှာ လိုက်သောဟင်းချက်စရာများ ပြည့်စုံစွာပါလာလေ၏။

ထို့ကြောင့် ကျွန်ုပ်ကိုယ်တိုင် အကျအနချက်ပြုတ်၍ ကိုပီတာကြီးအား နံနက်စာကျွေးမွေးရလေ၏။ ကိုပီတာကြီးသည် ငါးသလောက်အချဥ့်ဆီပြန်ဟင်းဖြင့် ထမင်းကို မြိန်ရှက်စွာ စားနေလေ၏။ ထိုအချိန်၌ အောင်အောင်ဆိုသည့် ကျွန်ုပ်တပည့်ကလေး ကျွန်ုပ်အနီးသို့ ရောက်လာလေ၏။ “အဘရေ..နှစ်ဦးတုန်းက အိမ်ပြန်သွားတဲ့ အောင်ကျော်စိုး ဆိုတဲ့ကောင်လေး ပြန်ရောက်လာပြီ အဘရဲ့..” ဟု ပြောလေ၏။ ထို့ကြောင့် ကျွန်ုပ်က.. “တိုခြံကိုလာနေကျ ကလေးတွေထဲ အောင်ကျော်စိုးက နှစ်ယောက်တောင်ရှိတာကွ၊ ဘယ်အောင်ကျော်စိုးလဲ” ဟု ကျွန်ုပ်ကမေးရာ အောင်အောင်က.. “သွားခေါခေါနဲ့ အောင်ကျော်စိုးလေ” ဟု ပြန်၍ပြောလေ၏။

“သြော်..သိပြီ..သိပြီ ဒီကောင်က အဆိုတော်ရူးကွ၊ အဆိုတော်သိပ်ဖြစ်ချင်တာ၊ ပြောလို့ လည်းမရဘူး သွားခေါရင် အဆိုတော်ဖြစ်တယ်အောက်မေ့နေတာ၊ ငါက သူ့ကိုပြောပြတယ်၊ သွားခေါလို့ အဆိုတော်ဖြစ်မယ်ဆိုရင် တို့အဒေါ်ကြီးက သူ့ထက်တောင် ခေါသေးတယ်လို့ ပြောတာလည်း မရဘူး” ဟု ကျွန်ုပ်က ပြောလိုက်လေ၏။ ထိုအခါ အောင်အောင်က..“ ဂီတာပြိုင်ပွဲတစ်ခုက တယောပထမဆုကိုပေးတဲ့ ရွှေတံဆိပ်၊ ရွှေအစစ်နဲ့ လုပ်ထားတာ၊ နှစ်ကျပ်သားလောက်ရှိတယ် အဘရဲ့ အဲဒါ အောင်ကျော်စိုး ရလာတယ်” ဟု ပြောလိုက်လျှင် ကျွန်ုပ်က.. “ဒီလိုရှိတာပေါ့။ အောင်အောင်ရယ်၊ အဆိုဘက်က မဖြစ်ရင်လည်း အတီးအမှုတ်ဘက် ချွန်နိုင်သေးတာပေါ့၊ တယောပြိုင်ပွဲမျာ ပထမဆုရတယ်ဆိုတော့ ဒီကောင်လက်သံဟာ တော်တော့်ကို ကောင်း လိမ့်မယ်ကွ” ဟု ကျွန်ုပ်ကချီးမွမ်းလိုက်ရာ အောင်အောင်က..

“ပြိုင်ပွဲကရတာ မဟုတ်ဘူး၊ အဘရဲ့ လက်ဖက်ရည်ဆိုင် စာပွဲပေါ်က သူများ မေ့ကျန်ခဲံတာကို ကောက်ရလာတာ၊ ရွှေတံဆိပ်ပိုင်ရှင်က တစ်ယောက်ယောက်ကို ထုတ်ပြပြီး ကြွားပါလိမ့်မယ်၊ ပြီးတော့ မေ့ ကျန်ခဲ့မယ်၊ အဲဒီစားပွဲမှာ သူက ဝင်သောက်တော့ ကောက်ရလာခဲ့တာပါ” ဟု ပြောလျှင် ကျွန်ုပ်က.. “ဟေ..” ဟု ရေရွတ်မိလေ၏။ ထမင်းစားနေသော ကိုပီတာကြီးက တစ်ခစ်ခစ် ရယ်လေ၏။ ထို့နောက် ကျွန်ုပ်က.. “ ဘာပဲဖြစ်ဖြစ်ကွာ၊ ရွှေနှစ်ကျပ်သားရခဲ့တာဆို တော့ အောင်ကျော်စိုး ကံကောင်းတာပေါ့” ဟု ကျွန်ုပ်က ပြောလိုက်မိလေ၏။

ထိုအချိန်၌မှာပင် ခြံဝမှာ ရုတ်ရုတ်သဲသဲ ဖြစ်နေသံကြားသဖြင့် အောင်အောင်ကို ကြည့်ရှုခိုင်းလိုက်ရာ အောင်အောင်လည်း သွား၍ကြည့်ရှုလေ၏။ ထို့နောက် ပြန်ပြီးလျှင်.. “ရွှေတံဆိပ်ပိုင်ရှင်က ရဲနဲ့ လိုက်လာတာအဘရေ..” ဟု ပြောလေ၏။ ထိုစကားကိုကြားလျှင် ကိုပီတာကြီးသည် တစ်ခစ်ခစ်ရယ်ပြန် လေ၏။ ထိုအခါ ကျွနိုပ်က.. “ဒီကောင် နေရင်းထိုင်ရင်း ကံဆိုးတာပေါ့” ဟု ညည်းညူလိုက်လေ၏။ များမကြာမှီ ၌အောင်ကျော်စိုး ကျွန်ုပ်အနီးသို့ ရောက်လာလေ၏။

ထို့နောက် အောင်ကျော်စိုးက.. “အဘရေ.. ရေအဆုံး ကုန်းတစ်ဝက်ဆို ရွှေတံဆိပ်ပိုင်ရှင်က ကျွန်တော့်ကို ငွေငါးသောင်း ဆုချသွားတယ်…” ဟုဆိုကာ ငွေများကို ထောင်၍ပြလေ၏။ ထိုအခါ ကျွန်ုပ်က.. “ကံကောင်းတာပေါ့ ကွာ..” ဟု ရေရွတ်လိုက်လေ၏။ ကိုပီတာကြီးကမူ လက်ဆေးရင်း တစ်ခစ်ခစ်ရယ်ပြန်လေ။ ထို့ကြောင့် ကျွန်ုပ်က ကိုပီတာကြီးအား.. “ကိုပီတာကြီး ခင်ဗျားက ဘာတွေရယ်နေတာလဲဗျ” ဟု မေးလိုက်ရာ ကိုပီတာကြီးက.. “ကိုယ့်လူကို အကြံတစ်ခုပေးချင်တယ်၊ အဲဒီ အကြံက ဘာလဲဆိုရင် ကိုယ့်လူက တစ်ခုခုကြားလိုက်တာနဲ့ အဆုံးထိရောက်အောင် သွားနေတာကိုး၊ အဆုံးထိရောက်အောင် မသွား မသွားစမ်းပါနဲ့ အခုလည်း ကိုယ့်လူရဲ့တပည့် အောင်ကျော်စိုးလေး တယောရွှေတံဆိပ် နှစ်ကျပ်သားလောက် ကလေးရတာနဲ့ ကံကောင်းတယ်လို့ အဆုံးထိ သွားလိုက်တာကိုး၊

အဲဒီအချိန်မှာပဲ ရွှေတံဆိပ်က အောင်ကျော်စိုး ရတာမဟုတ်ဘူး တခြားလူရတဲ့ တံဆိပ်၊ လက်ဖက်ရည်ဆိုင်စားပွဲပေါ်မျာရတဲ့လူက မေ့ကျန်ခဲ့တာဆိုတော့ ဟိုက ရဲခေါ်ပြီးလိုက်လာတာပေါ့၊ အဲဒီလိုလည်း ကြားလိုက်ရော ကိုယ့်လူက အောင်ကျော်စိုးတော့ ကံဆိုးတာပဲဆိုပြီး အဆုံးထိသွားလိုက်ပြန်ရော၊ ဒါပေမဲ့ ဟိုက ဘာမှဒုက္ခပေးမသွားဘူး၊ ရေအဆုံး ကုန်းတစ်ဝက်ဆိုပြီ ငွေငါးသောင်းပေးသွားပြန်ရော၊ အောင်ကျော်စိုး ဘယ်မှာကံဆိုးလို့တုံး၊ ကိုယ့်လူက ကြားလိုက်တာနဲ့ အဆုံးထိ သွားပစ်လိုက်တာကိုး အမှန်က ကြားတဲ့ နေရာလောက်မှာတင် ရပ်ထားသင့်တယ်၊ အဆုံးထိ မသွားလိုက်ပါနဲ့” ဟု ပြောလေတော့၏။

“ကိုပီတာကြီးပြောတာ ဟုတ်သလိုလိုပဲ” ဟု ကျွန်ုပ်ကပြောလိုက်လျှင် ကိုပီတာကြီးက.. “ဒီလိုကြားတဲ့နေရာမှာ မရပ်ဘဲ အဆုံးထိမသွားဖို့ ပြောတဲ့စကားဟာ ကိုယ့်ရဲ့စကား မဟုတ်ဘူးနော်၊ တရုတ်ပညာရှိပြီး လောင်ဖူးပြောခဲ့တဲ့စကား ကိုယ့်လူရဲ့ သူကတော့ ပုံပြင်ကလေးနဲ့ ပြောတာပဲ ကိုယ့်လူကို အဲဒီ့ပုံပြင် ပြောပြဖူးတယ်လို့ ထင်တယ်၊ ကိုယ့်လူ မေ့သွားလို့ထင်ပါတယ်၊ အဲဒီတော့လည်း ထပ်ပြီးပြောပြရတာပေါ့” ဟု ပြောလေ၏။ “ ပြောပါဗျာ.. ကြားဖူးပြီးသာဆိုလည်း ကိစ္စမရှီပါဘူး ထပ်ပြီးကြားရတော့ လည်း မှတ်မိတာပေါ့” ဟု ကျွန်ုပ်က ပြောလိုက်လေ၏။

ထိုအခါ ကိုပီတာကြီးက.. “တစ်ခါက အဘိုးကြီး တစ်ယောက်ရှိတယ်၊ အဲဒီအဘိုးကြီးမှာ အလွန်လှပတဲ့ မြင်းကလေးတစ်ကောင်ရှိတယ်၊ မြင်းက မြင်းဖြူကလေး မြင်းကလေးက ဘယ်လောက်လှသလဲဆို ရင် ဘုရင်ကတောင် သဘောကျပြီး အဘိုးကြီးဆီမှာ တောင်းပြီးဝယ်တယ်၊ အဲဒီ သတင်းလည်းကြားရော လူတွေက အဘိုးကြီးတော့ ကံကောင်းပြီး ဘုရင်က ငွေတွေအများကြီးပေးမှာပဲလို့ ကြားတဲ့သတင်းပေါ်မှာ အဆုံးထိသွားပစ်လိုက်တယ်၊ ဒါပေမဲ့ အဘိုးကြီးက ဘုရင်ကို မရောင်းဘူး လူတွေက မြင်းလို့ထင်နေကြတာ၊ မြင်းမဟုတ်ဘူး ဒါဟာ ငါ့ရဲ့သမီးပဲ၊ ဘာပြုလို့ရောင်းရမှာလဲလို့ အဘိုးကြီးက ပြောလိုက်တယ်၊ အဲဒီအခါမှာ ကြားရတဲ့လူတွေက အဘိုးကြီးတော့ ကံဆိုးသွားပြီး၊ မြင်းကလေးကို ရောင်းပစ်လိုက်ရင် သူချမ်းသာသွားမှာ၊ အခုလို ဆင်းဆင်းရဲရဲ မနေရဘူးလို့ ပြောကြပြန်တယ်၊ ဖြစ်ချင်တော့ ညတစ်ညမှာ အဲဒီမြင်းဖြူကလေးဟာ ဇောင်းထဲကနေ ပျောက်သွားတယ်၊

အဲဒီသတင်းလည်းကြားရော လူတွေက ရောင်းပစ်လိုက်ရင် ငွေတွေရမှာ အခုတော့ ငွေလည်းမရဘူး၊ မြင်းလည်းဆုံးပြီး၊ အဘိုးကြီးတော့ ကံဆိုးပြီလို့ အဆုံးအထိ တွေးပြီး ပြောကြပြန်တယ် ဒါပေမဲ့ ငါးရက်လောက်ကြာ တဲ့အခါမှာ မြင်းဖြူကလေးဟ အဘိုးကြီးဆိပြန်လာတယ်၊ ပြန်လာတဲ့နေရာမှာလည်း ရိုးရိုးမလာဘူး၊ တောထဲက မြင်းရိုင်းတစ်ကောင် ပါ ခေါ်လာတယ်၊ အဲဒါကိုလည်းသိရော လူတွေက အဘိုးကြီးတော့ ကံကောင်းပြန်ပြီလို့ အဆုံးထိုတွေးပြီး ပြောကြပြန်ရော၊ ပြီး.. သိပ်မကြာလှပါူဘူး၊ အဘိုးကြီးရဲ့သားလူပျိုကလေးက မြင်းရိုင်းကိုတက်ပြီးစီးတာ မြင်းရိုင်းကခါချလို့ မြင်းပေါ်ကလိမ့်ကျပြီး ခြောထောက်ကျိုးသွားပါလေရော၊ အဲဒီအခါမှာ လူတွေက အဘိုးကြီးကို ကံဆိုးပြန်ပြီလို့ ပြောကြပြန်ရော၊

အဲဒီအဖြစ်အပျက်ဖြစ်ပြီး သိပ်မကြာပါဘူး ရန်သူတွေက မြို့ကိုလာဝိုင်းလို့ လူငယ်လူရွယ်အားလုံး စစ်ထဲကိုဝင်ကြရတယ်၊ အဘိုးကြီးရဲ့သားလေးကိုတော့ ခြေ ထောက်မသန်လို့ဆိုပြီး စစ်ထဲကို ဝင်ခွင့်မပးဘူး၊ စစ်ထဲဝင်တဲ့လူငယ်လေးတွေအားလုံး အိမ်ကို ပြန်မလာနိုင်ကြတော့ဘူး၊ စစ်မြေပြင် မှာ အသက်ဆုံးရှုံးသွားရတယ်၊ အဘိုးကြီးရဲ့သားလေးကတော့ မသေမပျောက်ရှိနေတယ်၊ အဲဒီအခါမှာ လူတွေက အဘိုးကြီးကို ကံကောင်းတယ်လို့ ပြောကြပြန်တယ်၊

အဲဒီပုံပြင်ဟာ လောက်ဇူး မကြာခဏ ပြောလေ့ရှိတဲ့ ပုံပြင်ပဲ ကြားတဲ့သိတဲ့နေရာမှာ ရပ်ထားလိုက်မှ တော်မယ် မသ်းသိင်္ခရေ..” ဟုပြောကာ ကိုပီတာကြီးသည် ကျွန်ုပ်၏ကျောကုန်းကို လက်သီးဖြင့် ဘန်းကနဲ့ထုကာ ကျွန်ုပ်အား နှုတ်ဆက်၍ လွတ်လပ်ပေါ့ပါးသော ခြေလှမ်းများဖြင့် ခြံတွင်းမှ ထွက်သွားလေတော့သတည်း။

အဘမင်းသိင်္ခ၏ စာပေများကို လေးစားကြသော စွဲလန်းကြသော လွန်စွာ နှစ်သက်ကြသော ကျွန်ုပ်၏ မိတ်ဆွေများအတွက် အဘမင်းသိင်္ခ၏ ၀တ္ထုတိုများကို အလျဉ်းသင့်သလို ပြန်လည် ရေးသားပေးပါမည်။ စာများကို ၀ိုင်းဝန်း ရေးသားပေးသော လွန်စွာခင်မင်ဖွယ် ကောင်းသော လွန်စွာ သဘောကောင်းသော ကျွန်ုပ်၏ ညီရင်းအကိုတမျှ ခင်မင်ရသော ကိုအောင်အား ကျေးဇူးအထူးပင်တင်မိပါကြောင်း.... အဘမင်းသိင်္ခ၏ စာများကိုဖတ်ရင်း တစ်စုံတစ်ရာ ရင်ထဲသို့ ရောက်ရှိနိုင်ပါစေ....